Normalización Lingüística

Hai "Palabras Bonitas", cada un ten as súas. Son palabras que polo seu significado, pola súa sonoridade ou por calquera outra razón, transmítennos seguridade, alegría, un sentimento agradable...

No Día da Paz queremos compartir con vós as nosas palabras bonitas para que vos enchan o corazón.

Para descargar o vídeo só clicade enriba da palabra: PAZ

A palabra do ano 2015 é "Refuxiado": persoa que vive fóra do seu país, ao ser obrigado a abandonalo por desastres naturais, conflitos armados, persecucións políticas, relixiosas ou por motivos de sexo ou raza.

Imaxinades deixar atrás a vosa casa, os vosos amigos e amigas, os vosos avós, os lugares coñecidos e queridos?

Oxalá que NUNCA MÁIS "refuxiado" sexa a palabra destacada de ningún ano!

Deixámosvos o conto "A flor máis bonita do mundo" de José Saramago.

O CEIP PENA DE FRANCIA DESÉXAVOS UN BO NADAL!

VÉMONOS O DÍA 7 DE XANEIRO.

Se queredes descargar a postal de Nadal só tendes que clicar na seguinte palabra: POSTAL

Este ano a nosa felicitación é o resultado do traballo e esforzo de cada un de vós. Dende o centro agradecémosvos a vosa colaboración!

MOITAS GRAZAS!

O día dos bosques autóctonos xurde como unha iniciativa de diversas ONGs españolas e que se ven celebrando dende fai máis de dez anos.

O equipo de Dinamización Linguística publicou no seu blogue máis información sobre esta inciativa e unha curtametraxe moi interesante. Clicade na seguinte imaxe e levaravos a ela.

Achégase o Samaín no Pena de Francia. Un ano máis imos xuntar a tradición e a creatividade para dar lugar a unha espectacular exposición de cabazas, entre outras sorpresas que vos agardarán.

Dende o luns 26 ata o xoves 29 tivemos, polo colexio, unha impresionante exposición de cabazas moi orixinais.

Queremos mostrar este gran traballo, realizado polas familias e o alumnado e agradecervos, un ano máis, a vosa colaboración, esforzo e apoio!!

As fotos atópanse na GALERÍA da páxina web.

 GRAZAS!!

Dende o equipo de Dinamización Lingüística e do equipo Tic temos recursos didácticos sobre esta festividade. Clicade nas imaxes:

BLOGUE DE DINAMIZACIÓN LINGÜÍSTICA                                                                                 RECURSOS TIC

O xoves e o venres conmemoramos no colexio o Día das Letras Galegas cunhas grandes actuacións na nosa lingua, visionamos a biografía de Xosé Filgueira Valverde, autor homenaxeado este ano nesta data e finalizamos coa entrega dos premios do Certame Literario 2015.

Voltade rememorar connosco todo o vivido.

NORABOA AOS ARTISTAS E GRAN TRABALLO COMPAÑEIR@S!

Este ano no colexio pola conmemoración do DÍA DA PAZ acordamos (dende os diferentes equipos) realizar un Lipdub.

Un LIPDUB é un vídeo musical realizado, nunha soa toma, por un grupo de persoas que sincronizan os seus movementos acorde a unha canción. 

Foi unha experiencia creativa moi divertida e enriquecedora.

Dende eiquí o noso enorme agradecemento ao alumnado e a todo o claustro de mestres (tanto os que aparecen na gravación coma os que están agochados levando a cabo outras funcións non menos importantes), que co seu esforzo e adicación conseguimos elaborar algo tan especial.

FELIZ DÍA DA PAZ!!

Non vos perdades o vídeo realizado pola mestra Ángeles sobre as tomas falsas do lipdub e as nosas pedras pola Paz, porque "A PAZ PODE SER A SUMA DO BO DE CADA UN"