try another color:
try another fontsize: 60% 70% 80% 90%
CEIP Otero Pedrayo
Sembra nos nenos boas ideas, aínda que non as entendan... O tempo encargarase de descifralas no seu entendemento e faranas florecer no seu corazón.

Celebrando o día das Letras Galegas

Hoxe celebramos no cole o Día das Letras Galegas, por este motivo saímos ao patio antes do recreo para cantar entre todos o himno galego. Despois do recreo desfrutamos coa actuación do grupo de títeres "Tanxarina" que captaron a atención de todo o alumnado dende o primeiro momento, facendo partipar tanto aos máis cativos coma aos maiores.

Como vedes foi un día moi entretido! Sorriso

Se queredes acceder á galería de imaxes podedes clicar nesta foto:

Becas para libros

Xa temos aquí a convocatoria das axudas para libros de texto e material escolar para o alumando de primaria no vindeiro curso.

Teatro Aladino e a lámpada marabillosa

Onte fumos todos xuntos a ver a obra de teatro "Aladino e a lámpada marabillosa" á Sala Ártika en Bouzas. Gustounos moito a representación e aquí temos algunhas fotos dos intres previos á obra.

Había unha especie de néboa no ambiente que creou moita expectación ata que comezou a obra, xa non sabíamos se a obra era de medo ou a que nos dixeran os profes! Sorprendido

Podedes clicar na foto para acceder á pequena galería de imaxes:

Visita ao MARCO

O martes os grupos de 5º e 6º foron ao Museo de Arte Contemporáneo (MARCO) para profundizar nas aventuras de Julio Verne que estamos a coñecer a través do noso proxecto "20.000 leguas de viaxe baixo o mar". Voltaron encantados e aproveitaron moito esta visita.

Podedes acceder á galería de imaxes clicando sobre a foto:

Día do ADN

Onte foi o día do ADN, por ese motivo a alumnado de 5º e 6º realizou a actividade "El ADN: Intrucciones para el juego de la vida" en colaboración coa Universidade de Vigo.

Da man de: Manuel Meigas, Paloma Morán, Diana Valverde, Antonio Carvajal e a nosa profe Silvina Domínguez descubrimos un pouquiño máis este mundo tan complexo de forma lúdica.

Podedes clicar na imaxe para ver algunhas das cousiñas que fixemos:

Día do libro

Onte celebramos no cole o día do libro cunha sesión de contacontos no patio a cargo dos nosos compañeiros de 6º de primaria, ademáis da actividade de "Bibliopatio" na que durante toda a semana poñemos á disposición do alumnado contos para leer no recreo.

Clicade aquí para ver o ben que o pasamos escoitando contos ao solciño.

Ademais o alumnado de infantil realizou unha versión da obra "20.000 leguas de viaxe baixo o mar" para celebrar este día:

Museo das Illas Atlántica (2º e 3º)

O pasado xoves toucoulles o turno de ir ao museo das Illas Atlánticas aos grupos de 2º e 3º de primaria.

Pasáronno en grande e aprenderon moitas cousas sobre estas illas, unha paraxe natural que temos tan preto da casa e da que as veces non valoramos a súa importancia.

Quedámonos coa mensaxe de Horace A. Vachell: "Na natureza non hai premios ou recompensas, hai consecuencias", de aí a importancia de coidar a nosa natureza.

Podedes clicar na foto para acceder á galería de imaxes:

Visita museo Illas Atlánticas (4-5 anos e 1º)

Hoxe os nenos e nenas de 4 e 5 anos e 1º de primaria fumos ao museo Nacional das Illas Atlánticas de Galicia, onde descubrimos a partires da historia de Martiño (un corvo mariño cristado) algúns dos elementos propios destas illas.
 
A visita dividiuse en tres actividades (presentación dos animais e elementos naturais das illas, xogo de "pesca" e un pequeno contacontos) polas que fumos rotando en grupo e pasouse o tempo voando! 
 
Algún quería ir ás illas de verdade pero nesta ocasión non puido ser. Queda pendente para o verán, a ver se convencemos ás nosas familias para que nos leven!
 
 
Distribuir contido