Como xa sabedes, todos os cursos os centros educativos na nosa localidade escollen dous días non lectivos (Orde do 25 de xuño de 2020). Este ano as datas escollidas son as seguintes:

• O luns 2 de novembro de 2020 (02/11/2020)
• O martes 18 de maio de 2021 (18/05/2021)

Ademais recordamos e recomendamos que todas as familias instaledes, nos vosos teléfonos móbiles, a aplicación “abalarMóbil” porque vai a ser o medio preferente para comunicarnos con vós. É unha aplicación que se instala no teléfono e vos permite consultar e seguir a actividade dos vosos fillos a través dela (podedes ver as notas, solicitar titorías, enviar e recibir comunicacións do titor/a, etc.).

Para instalala tedes uns vídeos explicativos na seguinte dirección.

• Videotutorial do abalar Móbil: instalación e rexistro
• Manual: Guía para las familias

Non dubidedes en contactarnos para calquera aclaración.

faga clic na imaxe para acceder ao documento

Compartimos, con toda a nosa comunidade educativa, unha guía que inclúe o conxunto de medidas previstas para protexer e prever o contaxio da covid-19 e crear contornas escolares saudables e seguras. Esta guía foi realizada polas autoridades sanitarias e educativas e conta coa aprobación do Comité Clínico, aínda que todas as medidas do protocolo estarán en continua revisión.

Lembrámosvos que todo o alumnado e persoal do centro realizará unha autoavaliación diaria para comprobar que non existe síntomas de infección pola covid-19. Modelo de enquisa de autoevaluación (pulse na ligazón anterior para descargala).

Foron publicadas no portal educativo da Xunta de Galicia as novas instrucións para o desenvolvemento do terceiro trimestre, que conteñen indicacións tamén para os colexios de Educación Infantil e Primaria, nas páxinas 9-10 do documento.

Recolle aspectos como a programación e o desenvolvemento das actividades de ensinanza-aprendizaxe, a avaliación, a promoción do alumnado dos distintos cursos e niveis, tendo en conta tamén as necesidades do conxunto da comunidade educativa, desde os docentes, ata o alumnado e as súas familias.

• Ligazón ao documento do 27 de abril.
• Ligazón ao documento do 28 de maio. Instrucións complementarias que amplían e concretan determinados aspectos do documento anterior (o do 27 de abril).

Infórmase aos pais que desexen solicitar praza no noso centro educativo, para o curso 2010-2021, de que o prazo de admisión de alumnado se reiniciará o día 11 de maio de 2020 e rematará o día 18 do mesmo mes (ver DOGA).

O formulario de solicitude (Anexo 2) está dispoñible:

• Na secretaría do colexio en formato papel.

• Nesta páxina web en formato dixital, en galego e en castelá, para cubrir e/ou imprimir.

• Na sede electrónica da Xunta, accede ao procedemento ED550B.

• E poderase presentar de forma presencial na secretaría do centro ou directamente a través da aplicación da Consellería "admisión alumnado".