CEIP Oza dos Ríos

O pasado venres 12 os rapaces de 3º, 4º, 5º e 6º EP visitaron a parroquia de Seselle para facer unha visita guiada polos petroglifos recentemente atopados na zona. A visita, organizada polo concello, incluiu un roteiro con actividades xogadas mediante as cales os rapaces foron quen de coñecer máis polo miúdo a súa contorna. 

Onte martes tivemos o pracer de poder asistir a un concerto improvisado durante o recreo por parte do noso profesor de música Pablo Pardo e Kike da Escola de Música de Oza. Os pequenos pasaron un rato divertido grazas a interpretación de diversos temas por parte destes dous virtuosos do saxo.

Conforme a Orde de 21 de outubro de 2022 pola que se desenvolve o Decreto 13/2022 de 3 de febreiro que regula o proceso de admisión do alumnado en centros docentes sostidos con fondos públicos, veñen de ser publicadas as listaxes provisionais de alumnos admitidos para o vindeiro curso 2023/2024. As devantidas listaxes poden ser consultadas no taboleiro de anuncios situado no interior do centro.

TODAS AS SOLICITUDES PRESENTADAS FORON ADMITIDAS.

O vindeiro 15 de maio serán publicadas as listaxes definitivas.

27 de abril de 2023

A dirección

O pasado 17 de abril tivemos a oportunidade de recibir ao contacontos Benxamín que representou unha serie de contos tradicionais para todo o alumnado de Educación Infantil.  

Se ben o pasado 16 de xaneiro o profesorado do CEIP Oza dos Ríos e o do CEIP Plurilingüe Bragade asistiu a unha xornada formativa de autorregulación emocional para docentes, este pasado luns 17 de abril, extendeuse esta iniciativa ás familias do alumnado de ámbolos dous centros.

En nome dos dous centros, moitas grazas a todas/os as/os nais/pais asistentes, agardando que esta resultase de proveito.

Este programa de actividades está enmarcado na liña EMOCIÓNA-T dos Contratos-Programa e no Plan de Benestar Emocional.