PDI: Investiga Teo con Tilandra

Descubrimos as parroquias de "Os Tilos" e "Reis" da man de Candela, Luna, Martina e Sofía

Candela, Luna, Martina e Sofía, alumnas de 2º A, amósannos as parroquias de "Os Tilos" e "Reis" no Concello de Teo.

Parabéns polo voso traballo!!!

Visita de Ignacio Soto, arquitecto do Concello de Teo

O venres, 6 de abril, o alumnado de 4º de Primaria recibiu a visita de Ignacio Soto, arquitecto do Concello de Teo. Durante a súa visita o alumnado aprendeu a distinguir os  distintos tipos de construcións así como a diferenza que hai entre as construcións tradicionais e modernas.

Esta actividade está relacionada co PDI: "Investiga Teo con Tilandra" dado que o alumnado de 4º é o encargado de investigar os distintos tipos de construcións que podemos atopar no noso Concello.

arquitecto

Visita a Meteogalicia

O mércores, día 4 de abril, o alumnado de 5º de Primaria visitou o centro de Meteogalicia en Santiago.

Durante a súa visita, o alumnado participou nunha sesión informativa sobre Metereoloxía e aparatos metereolóxicos e tamén sobre o ruido ambiental.

Asemade, tiveron a oportunidade de asistir a como se fai o pronóstico do tempo, en directo, nun medio de comunicación, neste caso na radio así como ao lanzamento dun globo sonda.

Esta actividade está relacionada co PDI: "Investida Teo con Tilandra" xa que o alumnado de 5º está a investigar todos os aspectos relacionados coa xeografía, clima, economía,... do noso Concello.

Obradoiro: Instrumentos musicais galegos

O día 15 de marzo o alumnado de 5º e 6º de Primaria participou nun obradoiro de instrumentos musicais galegos. Neste obradoiro o alumnado aprendeu a diferenciar entre instrumentos tradicionais e populares asi como o ritmo de distintas danzas galegas.

"Mulleres de Teo": 8 de marzo Día Internacional da Muller

O 8 de marzo conmemoramos o Día Internacional da Muller. Este ano dado que estamos a desenvolver o PDI sobre o noso Concello, este día adicámollo a todas as mulleres deste concello.

Baixo o título: "Mulleres de Teo" o Equipo de Biblioteca confeccionou un gran cartaz con algunhas imaxes de mulleres destacadas deste Concello. Ao longo da semana este cartaz irase completando con fotos de todas aquelas mulleres que son importantes para o noso alumnado e que residen no noso Concello.

cartaz_muller

O alumnado de 1º de Primaria visita o Plató 1000 da TVG

O día 27 de febreiro o almnado de 1º de Primaria visitou o Plató 1000 da TVG, lugar de gravación dos programas Luar, Bamboleo e LandRober, que se atopa no Concello de Teo.

Esta actividade, unha vez máis, ten relación co aspecto que están a investigar dentro do proxecto "Investiga Teo con Tilandra"

"Estampas de Teo a través dos poemas de Rosalía de Castro"

O 24 de febreiro un ano máis, xunto cos demais equipos do centro, celebramos o Día de Rosalía. Dende a biblioteca escolar quixemos sumarnos a esta celebración. Aproveitando que estamos traballando no PDI: "Investiga Teo con Tilandra" e dado que este concello conta cunha gran riqueza paisaxística quixemos rendir unha pequena homenaxe a esta autora a través da paisaxe teense.

 

Desfile Entroido 2018

O día 9 de febreiro tivo lugar no noso centro o desfile do Entroido. O tema central foi o Entroido da Ulla. Aquí vos deixamos un pequeno resumen de como transcurriu a xornada.Preme no recadro para velo.

Powered by Drupal - Design by artinet