Como xa sabedes, neste curso académico o proxecto da nosa biblioteca e da nosa amiga Tilandra é a alimentación saudable. É por isto, que esta exposición xira ao redor deste tema. Para realizala fixemos dúas actividades que poden ver amosadas nas seguintes fotografías.

A primeira delas, foi un mural relacionado coa alimentación do meu alumnado. Para a actividade os alumnos e as alumnas trouxeron das súas casas envases de alimentos que consomen a diario. Logo un a un, foron calculando, a través da información aportada polos ingredientes do envase a cantidade de azucre que contiña cada un destes alimentos. Deste xeito, fóronse decatando da grande cantidade de azucre que tiñan a gran maioría deles. O obxectivo principal da actividade era o de que o alumnado tomase consciencia da grande importancia que ten a alimentación e tamén do pouco saudables que son algúns dos alimentos que consomen día a día.

A outra parte da exposición consistiu nunha búsqueda de información dun alimento, neste caso do figo. Para atopar a información máis importante fixeron grupos. Uns buscaron información sobre a figueira, outros curiosidades dos figos e os últimos unha receita elaborada con figos. Con esta actividade non só traballamos un froito, que como sabemos deben formar parte da nosa dieta diaria, senón que tamén coñeceron máis datos interesantes sobre o figo que non é consumido habitualmente por ningún deles.

Como conclusión final, consideramos que esta exposición foi cando menos interesante e divertida para cada un de nós e grazas a ela achegámonos máis aos hábitos saudables.

O 8 de marzo conmemoramos o Día Internacional da Muller. Este ano dado que estamos a desenvolver o PDI sobre o noso Concello, este día adicámollo a todas as mulleres deste concello.

Baixo o título: "Mulleres de Teo" o Equipo de Biblioteca confeccionou un gran cartaz con algunhas imaxes de mulleres destacadas deste Concello. Ao longo da semana este cartaz irase completando con fotos de todas aquelas mulleres que son importantes para o noso alumnado e que residen no noso Concello.

Este curso no Nadal cada aula  escribiu nunha estrela a expresión "BO NADAL" na lingua do país que elixiu.

Lembrádesvos do xogo que nos propuxo Tilandra que consistía en colocar nas portas das vosas aulas un letreiro cunha ou varias palabras, en galego, que rematasen en "Teo"?

Mirade cantas atopástedes e que curiosas!!!!

É tempo de Nadal é un curso máis a decoración da nosa árbore estivo relacionada co tema central do PDI: "Investiga Teo con Tilandra". Para a elaboración dos adornos contamos coa colaboración das familias. Nesta ocasión a decoración da árbore consistiu en adornar un prato de papel cunha foto do alumnado no seu lugar preferido de Teo.

MOITAS GRAZAS POLA VOSA COLABORACIÓN!!!

Este foi o resultado:

O día 15 de marzo o alumnado de 5º e 6º de Primaria participou nun obradoiro de instrumentos musicais galegos. Neste obradoiro o alumnado aprendeu a diferenciar entre instrumentos tradicionais e populares asi como o ritmo de distintas danzas galegas.

O venres, 6 de abril, o alumnado de 4º de Primaria recibiu a visita de Ignacio Soto, arquitecto do Concello de Teo. Durante a súa visita o alumnado aprendeu a distinguir os  distintos tipos de construcións así como a diferenza que hai entre as construcións tradicionais e modernas.

Esta actividade está relacionada co PDI: "Investiga Teo con Tilandra" dado que o alumnado de 4º é o encargado de investigar os distintos tipos de construcións que podemos atopar no noso Concello.

Seguindo coas visitas relacionadas co PDI "Investiga Teo con Tilandra", o martes, día 8 de maio, o alumnado de 3º de Primaria recibiu a visita da autora e actriz Paula Carballeira. Esta veciña do lugar de Vilanova, no Concello de Teo, contounos cousas da súa infancia, do seu amor polos animais e narrounos unha historia de medo.

Fíxonos pasar uns momentos moi agradables!!!!

Moitas grazas pola túa visita!!!

Ao longo de todo o curso estivemos traballando no PDI: "Inestiga Teo con Tilandra". Como actividade final o martes día 29 de maio celebramos unha xornada de portas abertas para compartir con toda a Comunidade Educativa os traballos realizados polo alumnado relacionados con este tema.

Aquí vos deixamos o tríptico da exposición:

O alumnado de segundo curso de Ed. Primaria participou nun taller de cociña e a verdade non se lles deu nada mal. Fixeron a torta da avoa contando coa colaboración de Verónica Pérez a nai de Luca. Xa sabemos que non podemos tomala todos os días pero para festexar o fin do primeiro trimestre é unha boa idea. Como podedes ver nas fotos  os nenos e nenas  desfrutaron moito ese día. 

Ao longo do mes de maio o alumnado do colexio dende catro anos ata sexto de primaria asistimos ao Museo do Pobo Galego para visitalo e realizar distintas actividades. Os nenos e nenas de catro e cinco anos asistiron a actividade "Xogos Bailados", a través dun xogo de roda que leva asociado unhas cantigas os máis cativos achéganse ao museo. O alumnado de primeiro de educación primaria asistiron a actividade "Canta adiviña canta", a través de adiviñas, sons e cancións descobren os instrumentos tradicionais. Os de segundo de educación primaria asistiron a actividade " Da vara ao carabelo" , unha visita obradoiro onde o alumnado tivo contacto con saberes e técnicas do patrimonio náutico e pesqueiro. Terceiro, cuarto, quinto e sexto de educación primaria realizaron a actividade "Fraguando datos sobre D. Antonio", a través dun xogo, o alumnado coñeceu e descobreu máis en profundidade a figura de Fraguas e a relación co Museo do Pobo Galego.     

Se premedes na imaxe veredes o acontecido.

 Un ano máis recibimos a visita do apalpador da man do avó dunha alumna do centro.

Moitísimas grazas pola túa colaboración.