O luns 15 de xaneiro o alumnado de 1º de Primaria recibiu a visita de Marta González, periodista da TVG que lles falou sobre os medios de comunicación e o que se agocha trala pantalla da televisión.
Esta actividade está relacionada co proxecto documental integrado "Investiga Teo con Tilandra" e co aspecto que está a traballar o alumnado de primeiro: os medios de comunicación e os deportes no noso Concello.
O 19 de decembro o alumnado de 5º e 6º recibiu a visita de Ainé, membro da Asociación Cultural A Ponte Vella, que lles falou como era a sociedade de antano en lugares como Teo. Preme na imaxe para saber máis sobre esta presentación.
É tempo de Nadal é un curso máis a decoración da nosa árbore estivo relacionada co tema central do PDI: "Investiga Teo con Tilandra". Para a elaboración dos adornos contamos coa colaboración das familias. Nesta ocasión a decoración da árbore consistiu en adornar un prato de papel cunha foto do alumnado no seu lugar preferido de Teo.
MOITAS GRAZAS POLA VOSA COLABORACIÓN!!!
Este foi o resultado:
Xunta de Galicia - Consellería de Educación, 2013 | ||
