A ANPA Monte Tahúme informa:
Por motivos de ameaza de choiva a festa de fin de curso do martes 21, trasladámola ao polideportivo de Artes.
En horario de 17:00 a 20:00 horas (ás 20:00 o pavillón ten que estar baleiro para o desenvolvemento doutra actividade).
Aconsellámosvos levar igualmente bañador e roupa de cambio, xa que se o tempo o permíte tentaremos facer a festa da escuma.

Este ano para facilitar a conciliación familiar imos organizar un campamento de verán para todos os nen@s de entre 3 e 12 anos, sexan ou non alumnos do Ceip de Olveira.

Realizarase nas instalacións do colexio pola empresa Yumi Yai Park. Con actividades coma Yinkanas, talleres, cociña, rutas, cine, manualidades, prácticas deportivas.

O horario será de 9:30-14:00 e terá comezo o 1 de Xullo ata o 31 de Agosto (ámbolos dous incluidos). Se algunha familia o precisa poderá dar comezo o 23 de Xuño.

O prazo para presentar solicitudes remata o 22 de xuño de 2022.

Toda a información na aplicación fondolibros.

Anexo I e Anexo II para presentar no centro se non se opta pola presentación telemática.

Publicadas no taboleiro de anuncios do centro as listaxes provisionais de alumnado admitido para o vindeiro curso.

Todas as solicitudes teñen asignada praza.

Publicado no partal da Consellería de Educación:

• https://www.edu.xunta.gal/portal/sites/web/files/directrices_mascaras_educacion_21_04_2022.pdf

Resumo das directrices para o uso da máscara:

OBRIGATORIO
• Transporte escolar.

RECOMENDADO
• Persoal traballador do centro educativo.
• Alumnado do centro educativo.
• Casos sospeitosos e confirmados de COVID-19 e contactos estreitos de casos.

No BOE de hoxe pubícase o "Real Decreto 286/2022, de 19 de abril, por el que se modifica la obligatoriedad del uso de mascarillas durante la situación de crisis sanitaria ocasionada por la COVID-19".

Atendendo a este Real Decreto, os centros de ensino non están incluídos como lugares nos que é obrigatorio o uso das máscaras aínda que a Consellería de Educación da Xunta de Galicia, a través dos medios de comunicación e non de xeito oficial, parece que non vai deixar de recomendar o uso de máscaras dentro das clases.

No transporte escolar sigue sendo obrigatorio o uso de máscaras.

Do 1 ao 21 de marzo estará aberto o prazo para presentar solicitudes de admisión para o vindeiro curso.

O 11 de febreiro publicouse no DOG o novo decreto que regula o proceso:

• Decreto 13/2022, do 3 de febreiro: Admisión de alumnado en centros docentes sostidos con fondos públicos

As solicitudes pódense presentar no centro ou a través da aplicación Admision alumnado.

O modelo de solicitude pódese recoller no centro ou descargar aquí.

Por mor da situación de pandemia non haberá xornadas de portas abertas para as familias que queiran coñecer as instalacións e funcionamento do centro pero habilitarase un calendario de visitas individuais polas tardes para as familias interesadas.

Para concretar o día e a hora da visita poden poñerse en contacto co centro no teléfono 881 86 63 47 ou enviando un correo electrónico ao enderezo ceip.olveira@edu.xunta.gal.

No centro dispoñemos de test de antíxenos por saliva para repartir entre o alumnado que sexa contacto estreito dun alumno/a confirmado/a como positivo ao centro polas autoridades sanitarias.

Criterios de reparto:

O alumnado do ámbito da educación primaria pública e privada da Comunidade Autónoma de Galicia que voluntariamente desexe realizar a proba diagnóstica da COVID-19 tras a detección dun caso esporádico de COVID-19 entre a súa rede de contactos máis próximos (aula, comedor, etc) e que cumpra os seguintes requisitos:
• Non atoparse en situación de illamento por ser caso confirmado de COVID-19.
• Non atoparse en situación de corentena por ser contacto estreito dun caso confirmado.
• Non ter padecido COVID-19 nos 3 meses previos.

Os responsables do alumnado que cumpra estes requisitos poderán solicitar o test no centro.