Blog de orientación

     Poderíamos definir as competencias como aqueles coñecementos, habilidades e destrezas que deben adquirir as persoas para resolver tarefas da vida real  que lles fagan sentir máis libres e responsables.

     A CEAPA, para axudar a desenvolvelas, edita este calendario para que as familias aumenten as posibilidades de éxito da vida escolar e social dos fillos e das fillas.

     É na familia onde se define a autoestima das nenas e dos nenos, onde aprenden a aceptarse e quererse a sí mesmos e onde aprenden a recoñecer se a súa opinión é ou non  valorada.

    En función do estilo educativo da familia, os pequenos e as pequenas aprenderán moi cedo a recoñecer se o que pensan ou dicen é válido para os demáis.

     Os nenos levan comportamentos e actitudes que aprenden na familia aos demáis contextos sociais en que se moven.

      Aquí tenemos tres contos, editados pola CEAPA, para ler en cooperación cos fillos e coas fillas, cos que se pode traballar este tema.

     O TDAH ou Trastorno por Déficit de Atención e Hiperactividade está caracterizado por unha dificultade de manter a atención voluntaria fronte ás actividades, tanto académicas como cotiás levando engadido unha falta de control dos impulsos.

      A sintomatoloxía pódese manifestar de forma diferente segundo a idade dos pequenos e débese desenvolver en dous ou máis ambientes (como na casa e no colexio).

      Segundo as características que se manifesten podemos atopar:

      Déficit de atención

• A miúdo non presta atención suficiente para os detalles e comete erros por descoido tanto nas tarefas escolares coma en outras actividades.
• A miúdo ten dificultades para manter a atención nas tarefas.
• A miúdo ten dificultades para organizar tarefas e actividades.
• A miúdo evita tarefas que requiren esforzo mental sostido.
• A miúdo non é quen de seguir as instrucións que se lle indican.
• A miúdo parece non escoitar cando se lle fala directamente.
• A miúdo perde as cousas necesarias para a realización das tarefas.
• A miúdo descoida e esquece algunhas actividades diarias.
• Distráese facilmente por estímulos irrelevantes.
• A miúdo ten dificultades para prestar atención a dous estímulos simultáneos.

     Hiperactividade

• A miúdo move en exceso mans e pés e retórcese no asento.
• A miúdo cóstalle estar sentado cando o debe facer.
• A miúdo corre ou trepa en situacións inapropiadas.
• A miúdo actúa como se tivese dentro un motor.
• A miúdo fala en exceso. 
• A miúdo expresa as emocións con maior intensidade.
• Cóstalle esperar o seu turno.
• Vai dun lado para outro sen motivo aparente.

     Impulsividade

• A miúdo actúa sen pensar.
• A miúdo fala en momentos pouco oprtunos ou responde sen terminar de escoitar a pregunta.
• A miúdo interrompe en xogos e explicacións.
• A miúdo non é quen de planificar.
• A miúdo sente irritabilidade.
• A miúdo perde ou estraga as súas propias cousas ou as dos outros.

 "Siembra un pensamiento y cosecharás un acto.

  Siembra un acto y cosecharás un hábito.

  Siembra un hábito y cosecharás un carácter.

  Siembra un carácter y cosecharás un destino"

                                        Samuel Smiles

     Interesante guía editada pola Junta de Andalucía para asesorarnos sobre boas actuacións ante o uso das tecnoloxías dixitais por nosos fillos e nosas fillas.

    Non é doado saber o que se lle pode esixir a un pequeno ou ata onde é quen de actuar dunha maneira responsable axeitada a súa idade.

     Nesta outra guía, editada polo Departamento de Educación e Cultura do Goberno de Navarra, podemos achegarnos á educación na responsabilidade.

     Un dos principais obxectivos da "Federación Estatal de Asociaciones de Atención Temprana" (GAT) é favorecer a axeitada atención da poboación infantil.

     Cun fin preventivo oferecen esta guía na que aparecen pautas para mellorar a atención ás pequenas e aos pequenos no ámbito familiar.

     O Síndrome de Asperger (SA) é un trastorno do desenvolvemento, de base neurobiolóxica, que afecta ao funcionamento social e ao espectro de actividades e intereses.

     Para coñecer máis:

         Esta guía foi elaborada no ano 2004 por un grupo de profesionais de DELETREA , unha das institucións máis prestixiosas en España relacionadas cos Trastornos Xerais do Desenvolvemento e coa colaboración de José Artigas Pallarés, neuropediatra e psicólogo.

    Resulta tamén interesante coñecer este MANUAL de instrucións con pictogramas das actividades cotiás dunha persoa desde que se levanta ata que se deita, realizado por Aurora Garrigos, nai dun chico con Asperger

8 CONSELLOS PARA  A MELLORA DA AUTOESTIMA

   Ter un nivel axeitado de autoestima é un requisito indispensable para poder aprender.

    Azucena Caballero e Mireia Long, no seu blog PEDAGOGÍA BLANCA, mostrannos interesantes consellos para mellorar a autoestima das nosas fillas e dos nosos fillos.

PROTOCOLO DE CONSENSO SOBRE TDAH

NOS ÁMBITOS EDUCATIVO E SANITARIO EN GALICIA

 Como podemos axudar aos nosos fillos cando presentan dificultades na lectura,  na escritura ou no cálculo?

Nestas Guías, editada pola CEAPA, podemos atopar consellos para  que desenvolvan mellor estas subcompetencias.

                                     LECTURA 

                                     ESCRITURA 

                                     CÁLCULO

Excelentes orientacións da psicopedagoga galega Ana Torres Jack.