36700 Tui, Pontevedra
TELÉFONO: 886 110 812
TELÉFONO/FAX:
886 110 813
ceip.numero1.tui@edu.xunta.es
Hoxe presentamos o noso primeiro boletín informativo que nace grazas a unha proposta do consello escolar.
REGULACIÓN SOBRE O REPARTO DE MASCARILLAS
PUBLICAMOS NESTE APARTADO AS PROGRAMACIÓNS DO TERCEIRO TRIMESTRE ADAPTADAS TAL E COMO SE ESTABLECE NAS INSTRUCIÓNS DO 27 DE ABRIL DE 2020, DA DIRECCIÓN XERAL DE EDUCACIÓN, FORMACIÓN PROFESIONAL E INNOVACIÓN EDUCATIVA PARA O DESENVOLVEMENTO DO TERCEIRO TRIMESTRE DO CURSO ACADÉMICO 2019/20, NOS CENTROS DOCENTES DA COMUNIDADE AUTÓNOMA DE GALICIA.
OLA FAMILIAS!!!
Comezamos o terceiro trimestre e o profesorado queremos brindar todo o noso apoio e agarimo aos nenos/as e as familias.
A día de hoxe a administración non dictou novas instrucións, así que seguiremos deseñando tarefas e estratexias para acompañar esta nova situación de ensino-aprendizaxe da mellor maneira posible.
https://www.edu.xunta.gal/portal/node/30809
Coma sempre, para compartir calquera dúbida, suxerencia ou inquietude podedes contactar con NÓS.
Unha aperta de todo o equipo do Ceip Plurilingüe Nº1
De cara a establecer as melloras oportunas, no caso de que esta situación continue no terceiro trimestre, gustarínos que participarades neste formulario que é moi breve.
Moitas gracias de parte de todo o equipo docente
#nosficamosnacasa
Apoio en casa
Medidas especiais en relación a Covid-19
Ola familias,
A situación actual que todos estamos a vivir é delicada e sensible, desde a escola queremos enviarvos o noso apoio e agarimo e reflexionar xuntos sobre o importante que é ser bos modelos para os nosos fill@s. Non debemos evitar falar cos nenos/ as sobre o virus e as súas consecuencias. É necesario responder a todas as súas dúbidas con claridade e naturalidade pero tamén pensamos que non é adecuado ser alarmistas ou mostrarse excesivamente preocupados.
Todos sabemos que esta situación resolverémola xuntos, sendo responsables e pacientes.
Quizais podemos vivir este momento como unha oportunidade para estar máis tempo xuntos e compartir tarefas cotiás. Sexamos positivos e optimistas!!
Educamos cada día!!
Durante estes 14 días nos que as escolas están pechadas debemos manter rutinas de traballo e estudo que nos axuden a experimentar esta situación de forma cotiá e natural así como a manter hábitos de traballo e concentración que os nenos/ as necesitan.
Algunhas recomendacións para ACOMPAÑAR aos nenos/ as nas súas tarefas:
1. Elixir a mesma hora do día para realizalas. Preferentemente de mañá.
2. Escoller un lugar tranquilo e ben iluminado onde o neno/para poida estar concentrado/a
3. Traballar por períodos de 30 minutos como máximo. Realizar un breve descanso entre tarefas onde o neno/para poida moverse libremente.
4. Explicar de antemán canto tempo vai estar realizando a tarefa e se é posible colocarlle un reloxo diante para que poida comprobar o paso do tempo.
5. Antes de comezar unha tarefa asegúrache de que está tranquilo/a, receptivo/a e descansado/a. Se sentes que algunha destas condicións non se dan, non é bo momento para traballar. O noso cerebro necesita isto para aprender!!
6. Explícalle a tarefa e asegúrache de que a comprende facendo preguntas ou pedíndolle que che diga coas súas palabras o que entendeu. Explica as tarefas dunha nunha.
7. Mentres traballa podes estar sentado xunto a el/ela pero non é necesario. Os nenos/ as deben afacerse a traballar de forma autónoma e avisar cando teñen dúbidas ou terminaron.
8. Avalía ou corrixe o que fixo ao terminar. Non esperes a outro momento senón non aprenderá dos seus erros. Lembra que cada equivocación axúdanos a aprender!! Non resaltes os erros, só menciona os acertos e aquilo que é positivo, por exemplo; se estivo concentrado/a e quieto/a traballando, se preguntou dúbidas ou o seu traballo está limpo e coidado.
9. Se algún día notas que sentar a traballar é pesado ou moi molesto para el/ela. Tenta pescudar que lle molesta. Fala tranquilamente e móstrache comprensivo/a. Explícalle que entendes como sente e que moi pronto volverá á escola para aprender con todos os seus amig@s.
10. Non uses a tarefa do cole como unha ameaza ou lles digas que algo malo vai pasar se non o fan. Lembra, o neno/a para aprende feliz e contento . Esta situación é estraña e confusa para nós e para eles/ as.
A continuación deixámosvos as propostas de traballo dos distintos cursos que actualizaremos e enviaremos a través das titorías diariamente. As familias deberedes colaborar estando atentos/as as diferentes vías de comunicación: web, e-dixgal, blogs, correo electrónico, remind, whatsapp...
Os mestres faremos o seguimento do traballo do alumnado diariamente, cada titor/a informará como o fará, para calqueira dúbida contactade cos titores/as ou a través do correo do centro:
A Consellería de Educación, Universidade e formación profesional decreta a suspensión de todo tipo de actividade lectiva durante os vindeiros 14 días naturais contados dende o día 16 de marzo de 2020.
Tamén quedan suspendidos os servizos educativos complementarios: comedor, transporte e aula matinal, con independencia de quen sexa o organizador dos devanditos servizos.
IMPORTANTE: NOVAS NO PROCESO DE ADMISIÓN
Amplíase provisionalmente o prazo de presentación telemática e presencial de solicitudes de admisión que finalizará 1 semana despois do reinicio das clases.
Recoméndase a utilización preferente da modalidade telemática para a presentación das solicitudes
Aplicación de xestión das solicitudes de admisión:https://www.edu.xunta.es/admisionalumnado/
NORMATIVA REGULADORA DO PROCESO DE ADMISIÓN
-Orde do 12 de marzo de 2013.
-Decreto 254/2012, do 13 de decembro.
-Orde do 25 de xaneiro de 2017.
INFORMACIÓN IMPORTANTE:
-Presentarase unha única solicitude no centro que solicita praza en primeiro lugar.
-O alumnado que ten garantía de permanencia nun centro, se presenta solicitude de admisión noutro centro distinto, deberá comunicalo, ao mesmo tempo, ao centro de orixe.
-O alumnado que ten reservada praza nun centro, se presenta solicitude de admisión nun centro distinto deberá comunicar a renuncia á reserva antes do inicio do prazo de presentación de solicitudes de admisión.
-A reserva de praza para o curso seguinte para alumnos e alumnas que xa están matriculados no centro, farase directamente desde o colexio sen que os pais e as nais teñan que facer ningún trámite.
XA ESTÁ PUBLICADO O NOSO SEGUNDO PROGRAMA DE RADIO ATHENEA
CONSULTA OS PROGRAMAS SEMANAIS NA ICONA DA COLUMNA DEREITA