ACTO DAS LETRAS GALEGAS 2014

17/05/2014 12:41
Atlantic/Bermuda

Este venres 16 de maio, a partires das 13.00 horas tivemos no CEIP Nosa Señora dos Remedios o acto central da celebración das Letras Galegas 2014, homenaxeando a Xosé Mª Díaz Castro.

Primeiro leuse un manifesto a prol da Lingua Galega por parte de alumnos/as do Colexio. Continuamos co recitado de varios poemas do autor. Despois o coro do Colexio interpretou varios temas.

Tivemos de seguido a actuación do Grupo de baile e pandereteiras Pedra da Garza de Fozara (Ponteareas).

Para rematar, todo o colexio interpretou o Himno Galego.

O escenario estaba decorado con bandeiras galegas feitas nas aulas e cun mural de gran formato elaborado baixo a coordinación do Equipo de Dinamización da Lingua Galega.

Foi seguido con interese por todo o alumnado do colexio.

O VIDEO DE TECENDO POEMAS XA SE PODE VER NA CANLE CEIPREMEDIOSTV DE YOUTUBE

14/05/2014 17:20
Atlantic/Bermuda

Pinchando no seguinte enlace pódese ver o Vídeo do Proxecto Tecendo Poemas, traballado baixo a coordinación do Equipo de Biblioteca do Colexio e no que aparecen numerosas poesías recitadas polos seus autores/as, todos eles/as alumnos/as do CEIP Nosa Señora dos Remedios. Este proxecto fíxose ao longo do mes da poesía traballado no colexio. Felicitamos a todos/as os que participaron nesta actividade.

O enlace éhttps://www.youtube.com/watch?v=AMU30S7KaiU

CARRITUS: SELO AULASINN DO MES DE MARZO

11/04/2014 21:26
Atlantic/Bermuda

"Carritus" un proxecto creado pola nosa compañeira Susana acaba de recibir o selo AulasInn das Asociación Espiral e acaba de ser incluido nas experiencias do Proxecto Abalar. É unha proposta para achegar o tema da alimentación e o supermercado á escola. Se queredes podedes entrar na súa páxina premendo aqui  .
Este traballo é moi interesante e é moi importante para o noso colexio por estar sendo aplicado con alumnado do centro e porque leva o nome do cole por aí adiante.
Se entrades nos seguintes enlaces podedes acceder á paxina de Espiral onde aparece un artigo moi interesante sobre Carritus e na páxina de contidos de Abalar onde está incorporado dende hoxe:
http://blogs.ciberespiral.org/aulasinnovadoras/2014/04/06/carritus-sello-aulasinn-marzo-2014-primaria/
http://www.edu.xunta.es/espazoAbalar/espazo/experiencias/experiencia/carritus
¡Noraboa á nosa compañeira!!


ÉXITO DA POÑENCIA SOBRE CALIDADE DO CEIP NOSA SEÑORA DOS REMEDIOS NA II XORNADA DE CONTRATOS-PROGRAMA

07/04/2014 21:16
Atlantic/Bermuda

O pasado venres 4 de abril José Ángel Penas e Regino Garrido, mestres do CEIP Nosa Señora dos Remedios, fixeron un relatorio sobre xestión de Calidade no transcurso das II Xonadas de Contratos-programa, organizadas pola Consellería de Educación no Pazo de Congresos de Santiago.

O relatorio rexistrou unha asistencia moi superior á esperada e tratou sobre documentos de calidade, centrándose especialmente no Caderno do mestre/a e na axenda escolar do alumnado. Por parte dos asistentes houbo mostras de moito interese sobre o traballo feito en calidade no noso Colexio.

O ENTROIDO NO COLEXIO

05/03/2014 22:19
Etc/GMT+1

Senticolor, un proxecto para introducir as tablets nas aulas

24/02/2014 20:00
Etc/GMT+1

¿Gustaríache…

debuxar

escribir frases

crear palabras

ler códigos QR

que os tus libros falen

conseguir que os teus debuxos cobren vida

… con só mover un dedo?

 

Así é como están aprendendo os nenos e nenas do noso colexio, grazas a que contamos con 14 tablets para poñer en práctica o proxecto Senticolor.

Este  proxecto estámolo levando a cabo un grupo de mestres e mestras co que pretendemos conseguir dous obxectivos básicos:

·              

Coñecer, experimentar e analizar as posibilidades dos dispositivos móbiles como instrumentos de creación de contidos, de comunicación e de colaboración entre o alumando e profesorado.

·              

Empregar as App e os dispositivos móbiles como ferramenta para a aprendizaxe da lectoescritura.

 

Todo isto, provocando un cambio metodolóxico na aula, introducindo as tics como unha ferramenta máis de traballo, favorecendo a aprendizaxe colaborativa…  sen esquecer o fomento da creatividade, da curiosidade e da posibilidade de aprender creando do noso alumnado. 

 

 

 

No blog http://senticolor.blogspot.com.es/ podedes seguir o traballo que estamos a realizar e descargar as App que clasificamos.

 

Estes son algún exemplos das actividades que xa realizamos.

                                   

 

 

ACTIVIDADE DE SOGAMA SOBRE A RECICLAXE

26/01/2014 20:31
Etc/GMT+1

O xoves 23 de xaneiro dous equipos de SOGAMA estiveron no noso colexio para facer unhas charlas sobre Ecoloxía e Reciclaxe. A estas charlas de case unha hora de duración asistiron os alumnos e alumnas dende 3º a 6º de E. Primaria. As charlas fixéronse para cada grupo nas súas aulas.

Esta actividade éunha mostra máis do interese do noso colexio pola ecoloxía en xeral e a reciclaxe en particular onde practicamos e separación de residuos continuadamente.

Distribuir contido