Articles

DÍA DA PAZ E A NON VIOLENCIA 2021

O pasado venres, 29 de xaneiro, celebramos no cole o Día da Paz e da non violencia.

Fixemos unhas pulseiras ou lazos moi chulas, vimos as vídeo montaxes das pombas da paz que decoramos, escoitamos un conto ambientado no noso cole titulado “ O patio triste “ e aprendemos a canción de Magín Blanco “ Todos somos capitáns “ con LSE.

Tamén durante toda a semana fixemos xogos relacionados co tema central deste curso e do pasado: “ Os patios inclusivos “.

Se queredes ver este fermoso conto premede neste enlace:

https://drive.google.com/.../1TXWPmuOb.../view...

BO DÍA DA PAZ A TODOS E TODAS!

Esta actividade estivo organizada polo equipo de Convivencia e igualdade.

PROGRAMA FROITA E LEITE NA ESCOLA

Novas do Colexio

O noso cole participa no Programa de froita e leite na escola que organiza o FOGGA (Fondo Galego de Garantía Agraria)

A partir do próximo luns día 18 de xaneiro, disfrutaremos de pequenos bricks de leite para os recreos do alumnado por un período de 30 días consecutivos, así como dunha peza de froita para cada alumno/a durante 10 dias. Así que... organizade os almorzos dos vosos peques!

Programa froita e leite na escola

CONGRESO ESCOLAR "REVITALIZA"

Como ben sabedes, levamos un tempo participando nas actividades do programa REVITALIZA, que organiza a Deputación de Pontevedra. Foito de todas esas participacións en diferentes obradoiros no centro, propuxéronnos participar no Congreso Escolar Revitaliza, que este ano tivo que ser online. Por elo viñeron a entrevistarnos ao cole e saímos e varios momentos deste vídeo, a descubrir eses momentos!!! (Dámosvos dúas pistas... no minuto 45, no 65... e nalgún máis, atoparedes algúns instantes)

https://revitaliza.depo.gal/

VISITA DOS REIS MAGOS

Por mor da pandemia, este ano tivemos unha visita dos Reis Magos VIRTUAL, aquí vos deixamos a súa mensaxe; estámoslles moi agradecidos polo seu esforzo e entusiasmo por chegar a todos os lugares e escoitar as nosas peticións.

FELICES FESTAS

Chegamos ao derradeiro día deste trimestre... e queremos desexarvos unhas boas festas e un ano 2021 cheíño de saúde e de cousas boas para todos e todas!

GAÑADORES E GAÑADORAS CONCURSO POSTAIS DO NADAL

Xa temos gañadores e gañadoras do CONCURSO DE POSTAIS!

Son:

Ed. Infantil: Daniela de 5 anos A

1º e 2º: Manuel de 1ºA

3º e 4º: Cristina de 3ºC

5º e 6º: Jimena de 6ºC

Profes: Bibi

Gañadora absoluta: Alba de 5ºC

Un forte aplauso para eles!

Aquí están felices posando coas súas marabillosas postais de Nadal e cos seus premios. PARABÉNS!

O equipo de Biblioteca tamén quere facervos unhas recomendacións lectoras para o Nadal (tédelas como imaxes adxuntas)

Esta actividade organizouse polos equipos de Biblioteca e de Actividades Complementarias.

»

2 adxuntos

CALENDARIO 2021

Xa chega o final deste ano 2020! E traemos o calendario 2021 listo para descargar cos debuxos dos nosos/as alumnos/as e dedicado un ano máis aos Patios Inclusivos.

Desexámosvos un 2021 con moita saúde e felicidade!

Actividade organizada polo equipo de Dinamización da Lingua Galega

Aquí o enlace:

https://drive.google.com/file/d/1RmHwJ_mExOBkNv55vB2YauAe2l_07vsu/view?usp=sharing

»

1 adxunto

The Solar System

Os nosos alumnos e alumnas de 4º na materia de Plástica bilingüe fixeron unha magnífica exposición:
"The Solar System"
Un aplauso enorme!

REVITALIZA - ACTIVIDADES SOBRE COMPOSTAXE

Nestas semanas estamos levando a cabo actividades de respecto pola natureza, organizadas pola Deputación de Pontevedra dende o programa REVITALIZA; e a axuda con Concello de Ponteareas.

Instalamos un composteiro, déronnos unha charla sobra a súa montaxe, charlas de microcompostaxe, xogo da miñoca... aquí unha pequena mostra dalgunhas actividades.