Articles

INICIO DE CURSO E NOVAS IMPORTANTES

Benvidos/as ao novo curso escolar 2020-21, un curso atípico que vai requerir da paciencia de todos/as xa que as cousas van xurdindo aos poucos.

INICIO DE CURSO:

XOVES 10 de setembro para 4º e 5º de E.Infantil (3 e 4 anos); 1º, 2º e 3º de Educación Primaria.

VENRES 11 de setembro para 6º de E.Infantil (5 anos); 4º, 5º e 6º de Educación Primaria.

As horas de entrada e saída serán escalonadas, pero aínda se están a consensuar, estade atentos/as á web e iremos colgando información cando esté dispoñible e sexa 100% fiable.

Inicialmente o comedor e a aula matinal funcionarán con "normalidade".

 

RECOLLIDA LIBROS DE TEXTO PARA 3º, 4º, 5º E 6º DE EP (FONDOLIBROS):

A recollida dos libros será o día 2 de setembro en horario de 12:00 a 14:00h; e os días 3 e 4 en horario de 10:00 a 14:00h. Se non podedes acudir presencialmente, podedes enviar unha autorización para que os recolla outro familiar por vós.

 

COLABORADORAS COMEDOR: 

O prazo para presentar a solicitude de colaboración está aberto. Se desexades participar, pasade a cubrir a solicitude o antes posible.

 

AGRADECEMOS ANTICIPADAMENTE A PACIENCIA. Iremos colgando información, protocolos e materiais necesarios en canto poidamos facelo con certeza.

BO INICIO DE CURSO!!!

O Equipo Directivo

GRADUACIÓN ALUMNADO 5 ANOS

Nesta situación tan excepcional que nos impediu realizar os actos de graduación habituais no centro, queremos dar a NORABOA AOS NENOS E NENAS DE 5 ANOS polo seu final de etapa.

Benvidos á etapa de Educación Primaria!!!

RECOMENDACIÓNS LECTORAS PARA O VERÁN

O Equipo de Biblioteca quere facervos unhas recomendacións lectoras para o verán:

Recomendacións lectoras 3 a 7 anos Recomendacións lectoras 7 a 9 anos Recomendacións lectoras a partir 10 anos

3 a 7 anos                        7 a 9 anos                          A partir de 10 anos

CONCURSO DE IDEAS CAMBIO DE DENOMINACIÓN DO CENTRO

Pechamos 50 anos de ensinanza, case nada! Así que pensamos en facer unha renovación do nome do cole, e queremos que toda a Comunidade Educativa participe (nenos/as, pais, nais, mestres, persoal do centro, Concello...)

 

Pensamos adicar o nome a unha muller (xa que o resto de coles levan nomes de homes), unha muller da vila ou da zona, e preferiblemente científica ou ilustre. Aínda que tamén podedes enviarnos outros nomes interesantes.

 

Agardamos as vosas propostas ata o 15 de xuño, cubrindo este formulario.

A PITA FALADORA 2019/20 - Nº41

Como ben sabedes, hoxe é o Día das Letras Galegas, que este ano está adicado a Ricardo Carvalho Calero.

Como non o puidemos celebrar no cole, quixemos darvos unha sorpresa e publicar a nosa Revista anual o 17 de maio de 2020

A nosa Pita Faladora xa vai polo número 41 (fai clic), e este ano é o primeiro número integramente dixital. Froito das aportacións de alumnos, alumnas, mestres e mestras; o Equipo de Dinamización da Lingua Galega encargouse da súa maquetación. Agardamos que vos guste!!! A desfrutar deste día lendo.

Portada Pita Faladora nº41   Bandeira Galicia   Contraportada Pita Faladora nº41

DÍA DA EDUCACIÓN FÍSICA NA CASA 2020

Que gran acollida tivo a nosa proposta! Como nos alegramos!

Tras procesar a morea de fotos e vídeos que nos enviastes, aquí tedes o ansiado resultado. Agardamos que vos guste e sentimos os recortes que tivemos que facer para que non se nos extendera demasiado a composición.

Un saúdo e o noso agradecemento pola participación!! Os profes de Educación Física e psicomotricidade: Rubén, Conrado e José Ángel.

#DEFC2020

      

CONSIDERACIÓNS INICIO 3º TRIMESTRE

Texto da Consellería:

Con motivo do mantemento da situación de emerxencia de saúde pública causada polo COVID-19, e conseguinte suspensión da actividade lectiva presencial desde o pasado 13 de marzo,  unha vez rematadas as vacacións de semana santa e coa finalidade que os centros educativos poidan iniciar a organización da súa actividade neste terceiro trimestre:

1.- A actividade lectiva non presencial continuarase, con carácter xeral, mediante repaso, reforzo e recuperación do traballo desenvolvido, centrándose na adquisición das competencias clave. Así mesmo, os centros educativos avaliarán as medidas a adoptar para a atención ao seu alumnado con maiores dificultades de acceso á educación no actual contexto. 

2.- Unha vez teña lugar a xuntanza da Conferencia Sectorial de Educación, prevista para o vindeiro mércores, 15 de abril, na que participan o Ministerio de Educación e Formación Profesional e as Comunidades Autónomas, coa finalidade de coordinar as medidas concretas a adoptar para o desenvolvemento do terceiro trimestre e final do curso 2019/2020, ditaranse as instrucións que procedan.

 

- En canto recibamos información máis precisa, a partir desa reunión do mércores, vos poderemos aclarar algunhas dúbidas que nos consultades; mentres, plantexamos unha primeira semana de repaso con tarefas sinxelas.

- Nada máis poidamos saber se o terceiro trimestre se adicará a repaso, si se poderá ampliar contidos, se os contidos virán predeterminados logo dun acordo nacional, se serán avaliables, se se entregarán tarefas, como dar resposta á fenda dixital para chegar a todo o alumnado... nada máis poidamos saber todo isto volo faremos saber.

 

Paciencia e moito ánimo nesta situación tan complicada. SAÚDE!

MENSAXE D@S PROFES: VÍDEO

Todo o profesorado do CEIP Nosa Señora dos Remedios queremos enviarvos unha mensaxe en forma de vídeo. Un graniño de area para intentar animar a todos os nenos e nenas e a toda a familia. Na distancia, seguimos estando ao voso lado e vos estrañamos.

Pero... PRONTO ESTAREMOS XUNTOS!!!


Moito ánimo familias, e moita saúde.

Unha aperta enorme de todo o profesorado.

AXUDAS ECONÓMICAS USUARIOS COMEDOR ESCOLAR

Hoxe, publícase no Diario Oficial de Galicia a Orde de 27 de marzo de 2020 pola que se aproban axudas económicas destinadas ás familias con fillos/as usuarios de comedor, na condición de gratuidade total ou semigratuidade (os pagadores dun euro).

TRAMITACIÓN EXCLUSIVAMENTE TELEMÁTICA (fai clic)

Explicámosvos todo o proceso nos dous ficheiros adxuntos: a propia Orde, e un resumo que vos fixemos para unha interpretación máis doada da mesma.

Dende o martes 31 ao venres 3, o Equipo Directivo resolverá dúbidas en horario de 10 a 13h no teléfono 886110532 e no mail ceip.nosasenora.remedios@edu.xunta.gal

PRAZO LÍMITE DE SOLICITUDE: LUNS 6 DE ABRIL DE 2020

AVISO URXENTE: SUSPENSIÓN DAS CLASES

A partir do luns 16 de marzo o centro estará pechado, suspendéndose polo tanto os servizos de transporte, comedor, excursións e todo tipo de actividades extraescolares. A atención ao público farase telefónicamente de 10 a 13h no 886110532 ou vía correo electrónico ceip.nosasenora.remedios@edu.xunta.gal (non se atenderá presencialmente).

Continuaremos actualizando esta entrada.

Un saúdo,

O Equipo Directivo.

*Actualización ás 19:39h do 12/03/20: publícanse as medidas a adoptar no seguinte enlace http://www.edu.xunta.gal/portal/medidas-coronavirusMedidas a adoptar en todos os centros de ensino en relación coa pandemia covid-19 para os vindeiros 14 días naturais contados dende o día 16 de marzo de 2020.

*Actualización ás 11:47h do 13/03/20: debido ao peche de todos os centros educativos dende o luns 16, todos aqueles alumnos/as que teñan libros, libretas, estoxos... na aula que desexen recoller, poden facelo durante a maná de hoxe. Agora mesmo o profesorado se atopa seleccionando as tarefas a enviar durante o período no que o centro se atope pechado. A partir do luns farémosvos saber como acceder ás mesmas.

*Actualización ás 20:08h do 13/03/20: a presentación de SOLICITUDES DE ADMISIÓN prolóngase, e finalizará unha semana despois do reinicio das clases. Recoméndase a utilización preferente da modalidade telemática para a presentación das solicitudes.

*Actualización ás 23:47h do 15/03/20: Nos centros educativos de todos os niveis de ensino non universitario de mais de seis unidades solo permanecerá en réxime de quendas unha persoa do equipo directivo do centro de 10 a 13 horasEn todo caso, tal como xa explicamos, non se atenderá presencialmente a ningunha persoa; a atención será telefónica e telemática.