2009/10

Termas de Ourense

O venres 21 de maio fixemos unha excursión a Ourense para relalizar unha andaina  visitando as diferentes termas que se encontran na ribeira do Miño.

Comezamos a andaina na ponte romana e rematamos nas termas públicas de Outariz, disfrutando das súas augas todos o alumnado e profesorado.

Estes foron os espacios termais cos que nos atopamos:

Educación Vial

O venres, 14 de maio, asistimos a ExpoOurense para participar no programa de Educación Vial do concello de Ourense.


 Foi unha xornada moi especial, porque ademais de aprender cousas sobre as normas de circulación: sinais, semáforos, condución... practicamos no circuíto con bicicletas e coches de karts eléctricos.Foi unha experiencia fenomenal que esperamos repetir para o próximo ano.


Podedes ver máis imaxes na galería do centro


 


V edición torneo balonmán

O mércores 12 de maio celebramos no pavillón Paco Chao do Carballiño a V edición do torneo de balonmán que organizou a Agrupación Deportiva Arenteiro.

Participamos no torneo os equipos dos colexios de Beariz, Boborás, Amoeiro e O Irixo  e a competición tivo un formato de liguilla: xogamos todos os equipos contra todos. O xogo desenvolvido polos participantes foi de gran calidade, levándose o trofeo de campión os pupilos de Beariz nun partido trepidante ante o equipo de Amoeiro.

O resto de resutados e clasificación podédeslo ver na seguinte ligazón.

 Podedes ver máis imaxes na galería do centro

 

Día da poesía

Na semana seguinte ao 21 de marzo realizamos en todas as aulas talleres de poesía no que participou todo o alumnado do centro.

O equipo de biblioteca encargousse de seleccionar os mellores poemas de cada curso. Os autores dos poemas gañadores recitaron na biblioteca, ante todo o colexio, os seus traballos con gran solemnidade.

Con todos os poemas, elixidos ou non, fixemos un libro que pasa a formar parte dos fondos da biblioteca. Algúns deles serán incluídos no xornal escolar.

 

Podedes ver máis imaxes na galería do centro

Xogos populares

Durante o 2º trimestre desenvolveuse no colexio un obradoiro de xogos populares a cargo dos animadores da Fundación Xaquín Lorenzo que un ano máis nos sorprenderon coa posta en escena de diferentes xogos aos que xogaban os nosos paiss e avós.

Foron tres xornadas inolvidables. Xa estamos desexando que chegue o próximo curso...

 

Podedes ver máis imaxes na galería do centro

Desfile de disfraces 2010

Durante toda a semana do entroido celebramos esta festa no colexio. Este ano como novidade o xoves de comadres toda a comunidade educativa apareceu disfrazada no centro con disfraces de libre elección.

O venres de entroido foi a culminación de toda a semana carnavalesca, onde o acto principal foi o desfile que realizamos por todo o pobo de Boborás. Este ano a temática foi o conto de "O soldadiño de chumbo": uns escolleron ir de soldadiños e outros de bailarinas.

Como en anos anteriores, ao finalizar o desfile toda a comunidade educativa estivo envitada a unha gran chocolatada.

 Podedes ver máis imaxes na galería do centro

Obradoiro sobre o millo

A través da Consellería de Cultura e coordinados polo ENDL, realizamos no centro un Obradoiro sobre os  cabaceiros. O ponente informou ao alumnado de todo o relacionado co cultivo do millo e os diferentes modelos de cabaceiros (canastros) que hai na xeografía galega.

Moitos dos nenos descoñecían multitude de datos de este cereal que na nosa comarca apenas se cultiva. Tamén manipularon todas as ferramentas que son necesarias para o seu cultivo e a súa transformación en fariña. Pero o que lles chamou máis a atenciín foron as maquetas de cabaceiros feitas polo  ponente. 

Podedes ver máis imaxes na galería do centro

23 de abril Día Mundial do Libro. Ano 2010

Día do libroDurante a semana do 23 de abril celebramos no noso colexio o Día Mundial do Libro. As actividades que realizamos foron coordinadas polo equipo de biblioteca e nelas participou toda a comunidade educativa.

As máis destacadas e que tiveron unha gran participación, foron as seguintes:

  • E ti..., Para que les?. Actividade elaborada desde os centros do Plambe, na cal participamos a nivel individual, realizando un mural con todos os cartaces dos alumnos. Unha vez desmontada a exposición elaboraremos un libro cos cartaces que pasará a formar parte da biblioteca.
  • Concurso de comics onde o protagonista tiña que ser a mascota da nosa biblioteca. "Xuve".
  • Concurso de contos sobre a historia de "Xuve".
  • Concurso de debuxo sobre "Xuve", para os alumnos de Educación Infantil.
  • Elaboración de tres murais sobre esta data, un deles en inglés.
  • Creación de marcapáxinas.
  • Memorizar e recitar varios poemas sobre o libro. Cada ciclo recitou un poema na biblioteca, tendo de espectadores aos demais alumnos.
  • Lectura dos contos gañadores polos seus autores.
  • Entrega de carnet da biblioteca, para poder xeestionar os préstamos por medio do Meiga.

Podedes ver máis imaxes na galería do centro

Xogando ao atletismo

Equipo de BoborásO mércores 21 de abril celebramos unha xornada de atletismo, dentro da modalidade "Xogando ao atletismo" no pavillón do Paco Chao de Carballiño. Participamos xunto cos colexios do Vila de Arenteiro, CEIP de Beariz, CEIP Virxe da Pena da Sela do irixo, CEIP de Amoeiro e CEIP de Carballeda de Avia.

Era a primeira vez que participábamos nunha xornada deste tipo, e a verdade é que resultou ser unha experiencia fabulosa xa que nos encontramos con compañeiros coñecidos doutros coles da comarca e coñecemos a outros novos.

Xa estamos desexando que chegue o ano que ven para volver a repetir a actividade, pero a próxima vez esperemos contar con máis tempo para desenvolver todas as probas...¡¡¡quizás unha xornada de convivencia... con xantar incluído!!!

 Clasificación por equipos da categoría de benxamíns.  Menús de marzo

Clasificación por equipos da categoría de alevíns. Menús de marzo

Podedes ver máis imaxes na galería do centro

 

 

Saída Avatar 3D

AVATAR

O pasado día 9 de febreiro os alumnos e alumnas do C.E.I.P Nosa Señora de Xuvencos, así coma varios mestres e mestras do centro, acudimos ao mesmo corazón do Ribeiro para ver a última película do director de orixe canadense James Cameron. Estamos a falar de Avatar, a longametraxe de maior recadación na historia do cine. A proxección tivo lugar na sala “Novocine Leiro”, no concello que leva o mesmo nome. Esta sala é a única na provincia de Ourense dotada con sistema 3D. Nenos e maiores gozamos deste filme de ciencia-ficción que nos tivo pegadiños ás nosas cadeiras durante mais de dúas horas. Foi unha divertida mañá na que abraiados, contemplamos coma os personaxes parecían saíren da pantalla.

Podedes ver máis imaxes na galería do centro

Distribuir contido