Skip to Content

MMAF

Carreira de orientación en inglés

O último día de clase volvemos a realizar nas dependencias exteriores do colexio unha nova carreira de orientación.

Esta vez as pistas que íamos atopando nos diferentes controis estaban en inglés. En total tivemos que localizar sete controis, onde a preparación física e os coñecementos en inglés resultaron primordiais para realizar o recorrido o máis rápido posible.

Na galería de imaxes podedes ver o ben que o pasamos:

 

Carreira de orientación no cole

O mércores 11 de xuño, como actividade final do traballo documental que realizamos sobre as árbores do noso patio, organizamos unha carreira de orientación con 12 puntos de control nos que o alumnado, repartido en grupos, ía buscando pistas para resolver un enigma que resultou ser a seguinte frase "Facer exercicio físico é bo para o noso corpo e para a nosa mente".

A verdade é que esta resultou ser unha actividade na que todo  o alumnado o pasou xenial, ao tempo que foi coñecendo as características das diferentes especies arbóreas que temos no noso colexio.

Día internacional da nutrición

O 28 de maio, Día nacional da nutrición, realizamos na biblioteca do centro un relatorio sobre os bos hábitos de alimentación que foi impartido por Lydia Gisselle Almonte, especialista en nutrición e dietética, e Presidenta da ANPA.

Despois do relatorio construímos no patio do cole unha roda dos alimentos con cartolinas de cores e para finalizar a cociñeira, Carmen, preparounos unha deliciosa merenda a base de bocata, froita e iogur.

Todo o alumnado recibiu un tríptico informativo sobre nutrición e unha tatuaxe.

Na seguinte galería de imaxes podedes ver o ben que o pasamos:

 

As árbores do noso xardín

Imos pescudar información sobre as árbores do noso xardín. Os pasos a seguir serán os seguintes:

Para cumprimentar a ficha podedes utilizar a web de InfoXardín.


Plano para localizar ás distintas árbores:

Happy no CEIP de Boborás

Emulando aos nosos compañeiros do CEIP de Os Blancos realizamos unha pequena presentación do que é o noso colexio ao ritmo da música de Happy de Pharret Williams.

No vídeo está representada o toda a comunidade educativa do colexio, pondo todos eles moito empeño en que todo saíra ben.

Esperamos que sexa do voso agrado!!

Unha alimentación equilibrada

ASOCIACIÓN DE NAIS E PAIS (ANPA)  E DIRECCIÓN
CEIP Nosa Sra. de Xuvencos Boborás (9- maio - 2014)

A ANPA e a Dirección do colexio, infórmalles e invítalles a asistir á cuarta e última charla coloquio neste curso, da Escola para nais e pais que se celebrará o próximo martes día 13 de maio, as 16:15, na biblioteca do CEIP Nosa Sra. De Xuvencos.

Nesta ocasión trataremos o tema da nutrición :” Unha alimentación equilibrada” Será impartida por Lydia Almonte Polanco, especialista en nutrición e dietética e asemade Presidenta da ANPA

Esperamos, coma sempre, a vosa colaboración e asistencia. Moitas grazas.
Un saúdo,

Lidya Almonte (Presidenta ANPA)
María Sánchez Seco ,Directora do Centro.

Curso de formación en soporte vital básico

Durante os días 8 e 9 de abril dous mestres do cole e tres nenos de sexto curso participaron nun curso de formación en “Soporte  vital básico e uso do DESA (desfibrilador semiautomático) para persoal non sanitario". O curso foi organizado polo Concello de Boborás e desenvolveuse nas instalación do CEMIT. Nel tamén estiveron presentes persoal da gardería infantil, do Concello e da residencia da terceira idade.

Os responsables de impartir o curso, conseguiron, grazas a súa formación e organización dos contidos traballados, que os asistentes ao mesmo sexan quen de atender a un accidentado que precise destes primeiros auxilios. O Concello, a partir de agora conta con 8 novas persoas que están capacitadas para empregar o DESA en caso de necesidade, o que pode chegar a salvar moitas vidas.

Desde aquí, queremos agradecer ao Concello a realización deste tipo de actividades formativas e tamén por ternos invitado á mesma.

Entendemos que a formación en soporte vital básico e utilización do DESA debería ser materia curricular e de obrigado coñecemento por todos os membros da comunidade educativa i esperamos que así sexa nun curto espazo de tempo.

Na seguinte galería de imaxes podedes ver en que consistiron as prácticas.

Máis e mellor actividade física

Desde o curso 2012/2013 participamos no programa do Plan Proxecta de Máis e mellor actividade física".

Enténdese que a actividade física implica un movemento corporal nun contexto físico, social e cultural determinado. De tal xeito que, ademais de constituír un fenómeno biolóxico (que permite o coñecemento das estruturas e funcionamento do propio corpo dun xeito integral), facilita a interacción cos/as compañeiros/as e co medio ambiente (o mundo físico no que nos desenvolvemos) e a transmisión de valores e tradicións. Baixo esta visión, a colaboración entre as dúas materias xurdirá dun xeito natural, propiciando a innovación educativa a través dun proxecto interdisciplinario compartido.

O alumnado experimentará como, a través das actividades máis sinxelas, podemos incorporar, ao noso día a día, unha actividade física que incremente a nosa calidade de vida, mellore a nosa saúde e preveña enfermidades.

A utilización das novas tecnoloxías, a participación activa e cooperativa do alumnado durante todo o proceso e o traballo integrado e transversal conforman as liñas estratéxicas principais da interrelación entre o Plan Proxecta e o programa Máis e Mellor Actividade Física.

Todas as actividades que realizamos en dito programa aparecen reflectidas no blog do noso centro de "Boborás en xogo".

Magosto 2013

O 12 de novembro celebramos a festa do magosto no colexio coa realización de múltiples actividades. A cociñeira Carmen realizou un suculento menú a base de produtos típicos desta festa: empanada, bocadillo de chourizo e bica caseira que fixo as delicias de todos os comensais

Tamén contamos con tres invitados moi especiais: o profe Miguel e a súa familia.

Despois do xantar realizamos varios xogos populares nos que participou todo o alumnado do centro organizados polo mestre de Ed. física.

Na seguinte galería podedes observar as imaxes que amosan o ben que o pasamos.

VIVA O MAGOSTO!!

Distribuir contido


by Dr. Radut