Skip to Content

Xogade + Campo a través + Balonmán + Fútbol sala + Xogando ao atletismo + Bádminton + Actividade lúdica

II Torneo de bádminton

Durante o mes de xuño realizamos no centro o II torneo de bádminton.

Participou todo o alumnado de 2º e 3º ciclo de Ed. Primaria. Este ano notouse unha melloría importante no nivel dos participantes debido á experiencia acumulada ao longo destes dous últimos anos.

Organizamos dúas competicións: unha de participación individual e outra en parellas.

Cadro de Honra:

 Finalistas individuais  Finalistas de dobres

Tivemos medallas para todos os participantes e trofeo para os gañadores de cada categoría.

Asemade, hai que destacar os seguintes premios otorgados ao xogador revelación e á deportividade:

Revelación: Laura González Deportividade: Naomi Estévez

Galería de imaxes da fase final do torneo:

 

Entrega de premios:

Iniciándonos no taekwondo

A principios do mes de abril organizamos no colexio unha xornada de taekwondo dentro das actividades lúdicas do Plan Proxecta.

A actividade comezou cun pequeno relatorio a cargo dun membro da Federación que nos amosou de xeito ilustrativo e motivador cal é a esencia desta modalidade deportiva, que máis que un deporte pódese considerar como unha forma de vida.

Posteriormente á charla, pasamos á acción. Nas instalacións deportivas do noso centro realizamos unha serie de exercicios introdutorios para practicar taekwondo.

A maioría do alumnado non tiña experiencia neste deporte polo que esta actividade foi para eles unha gran novidade  supuxo unha experiencia irrepetible.

Na seguinte galería podedes abservar en imaxes as actividades realizadas durante a xornada.

Xogando ao atletismo 2014

O 21 de maio participamos no pavillón do Paco Chao na derradeira competición deportiva do curso 2013/2014: Xogando ao atletismo.

Este ano celebramos a V edición dunha das nosas actividades deportivas favoritas. Participaron os seguintes colexios da Agrupación Deportivo Arenteiro:

  • CEIP Nosa Sra de Xuvencos de Boborás.
  • CEIP Virxe da Pena da Sela do Irixo.
  • CPI Virxe da Saleta de Cea.
  • CEIP de Amoeiro.
  • CPR Vila de Arenteiro do Carballiño.
  • CEIP Calvo Sotelo do Carballiño.
  • CEIP de Beariz.

Os colexios do Vila de Arenteiro e de Calvo Sotelo repartíronse os primeiros postos nas das categorías de alevíns e benxamíns.

Nós acadamos un meritorio 3º posto na categoría benxamíns e un 4º posto na categoría de alevíns.

Marcas e resultados das distintas probas:

Galería de imaxes da competición:

IX edición do torneo de minibalonmán

O día 30 de abril participamos no IX edición do torneo de minibalonmán que organizou a agrupación Deportiva Arenteiro, e que tivo lugar no pavillón Paco Chao do Carballiño.

Os equipos presentes no campionato foron os seguintes: CEIP Virxe da Pena da Sela do Irixo; CEIP Otro Pedrayo de Amoeiro; CEIP Nosa Sra de Xuvencos de Boborás; CPI Virxe da Saleta de Cea e CEIP da Uceira do Carballiño e CPI Antoinio Failde de Cambeo.

Este ano o número de equipos participantes foi superior aos últimos anos,  por iso resultou ser un torneo moi compititivo e igualado quedando os nosos representantes nun meritorio 4º posto.

Hai que felicitar a todos os participantes no torneo pola súa deportividade e bo comportamento.

Na seguinte ligazón podedes descargar os resultados e a clasificación

 

GALERÍA DE IMAXES

VI convivencia de EDL en Boborás: "Coa máxia do galego"

O martes, 25 de marzo, tivo lugar no noso centro a VI convivencia de EDL da comarca do Carballiño, coa participación dos seguintes colexios: CEIP Nosa Sra de Xuvencos; CEIP de Beariz; CEIP Virxe da Pena da Sela do Irixo e CEIP Eulogio Gomez Franqueira de San Amaro.

Durante toda a xornada estivemos acompañados do prestixioso pallaso Tanito, que co seu espectáculo "Sonrisas Máxicas" se encargou de dinamizar a convivencia e de facernos pasar uns momentos inolvidables.

     
     

 

Resultados dos encontrosPola mañá, o alumnado de máis idade participou nos diferentes encontros de fútbol sala que tiveron lugar no pavillón do Concello de Boborás.

Está é unha das actividades deportivas que ten máis éxito entre todo o alumnado dos diferentes centros, tanto feminino como masculino. A pesar do carácter non competitivo que se lle confire a esta actividade, todos queren participar nos diferentes partidos que se programan, aínda que só sexan uns poucos minutos...

Para coñecer os resultados dos diferentes partidos premede na imaxe da esquerda.

 Galería de imaxes da VI Convivencia

Final comarcal de bádminton

O martes 11 de marzo participamos na final comarcal de bádminton da comarca do Carballiño organizado pola Agrupación deportiva Arenteiro e coodinada por Cristina Chamoso nas magníficas instalacións do IES nº 1 do Carballiño.

O noso centro tivo 12 representantes nas categorías alevín masculino e feminino que competiron contra os representantes do CEIP da Uceira do Carballiño e o CEIP Virxe da Pena da Sela do Irixo.

Foi unha xornada moi intensa na que, ademais de competir, convivimos cos nosos compañeiros dos outros centros.

Cadro de honra:

Alevín masculino

  1. Alberto do CEIP Nosasa Sra de Xuvencos
  2. Adrián do CEIP da Uceira
  3. Daniel do CEIP da Uceira
  4. Samuel do CEIP Virxe da Pena da Sela

Alevín feminino

  1. Laura do CEIP da Uceira.
  2. Ana do CEIP Virxe da Pena da Sela
  3. Eva do CEIP Nosa Sra de Xuvencos
  4. María do CEIP Virxe da Pena da Sela

Moitos parabéns para todos os participantes e en especial para Aberto e Eva do noso centro.

  GALERÍA DE IMAXES DO TORNEO

Final comarcal de Campo a Través

O martes, 18 de febreiro, por fin puidemos celebrar a final comarcal da proba de campo a través no Puzo do Lago de Maside, despois de varios aprazamentos por mor da choiva.

O tempo deixounos disfrutar dun día espléndido nunha paraxe ideal para a práctica deste deporte.

Na proba participaron case a totalidade dos centros educativos da comarca do Carballiño, pertencentes á Agrupación Deportiva Arenteiro:

  • CEIP Nª Sª de Xuvencos-Boborás.
  • CEIP de Beariz
  • CPI Antonio Failde-Cambeo
  • CEIP Virxe da Pena da Sela-O Irixo
  • CEIP Ramón Otero Pedrayo –Amoeiro
  • CEIP Eulogio Gómez Franqueira-San Amaro
  • Colexio Sagrado Corazón-Carballiño
  • Colexio Vila do Arenteiro-Carballiño
  • IES Chamoso Lamas-Carballiño
  • CEIP da Uceira-Carballiño
  • IES Nº1-Caballiño
  • CPI Virxe da Saleta- Cea

O número de atletas participantes foi de 633, nas categorías de benxamíns, alevíns, infantís e cadetes, tanto feminino como masculino.

O nivel amosado polos atletas foi espectacular. Cada ano se superan a se mesmos nas marcas obtidas, a pesar de que este ano o percorrido trazado pola organización foi un pouco máis grande que en pasadas edicións. Nas seguintes ligazóns podedes descargar as clasificacións:

Desde aquí queremos amosar o noso agradecemento a todas e todos os participantes, aos seus mestres e sobre todo ao concello de Maside pola súa colaboración desinteresada na organización deste evento multitudinario.

 

Agrupación deportiva Arenteiro

Imos a pescudar información en internet e na biblioteca sobre os concellos onde viven os nosos compañeiros dos colexios cos que imos a competir no programa Xogade da Consellería de Cultura e Educación.
A información que elaboremos reflictirémola na WIKI do noso aula virtual.

 Completaremos a WIKI con información sobre as destintas competicións nas que imos a participar.

 

 

Deporte en Idade Escolar

Este ano, volveremos repetir a experiencia destes últimos anos nos Xogos Galegos Deportivos en Idade Escolar.

As modalidades nas que tentaremos participar serán: cross; fútbol sala; balonmán; xogando ao atletismo.

Participarán destes deportes todos os alumnos do 2º e 3º ciclo.

Intentaremos ver se se pode crear un torneo de bádminton.

 Se premedes na imaxe obteredes máis información sobre a campaña 2013/2014.

Colombofilia

O venres, 31 de maio, realizamos no centro a última actividade deste curso dentro do programa Xogade.

Nesta ocasión tivemos un fantástico relatorio sobre a colombofilia que foi impartido polos membros da Federación Galega de colombofilia Angel (Presidente da mesma) e Carlos.

Explicáronnos en que consiste este deporte e todo o que se precisa saber para practicalo. Para a maioría dos presentes foi un descubrimento todo o que nos expuxeron relacionado coa competición deportiva das soltas de pombas mensaxeiras, así como os adestramentos que hai que facer con elas: desde que son moi novas ata que xa están en idade de competición

Asemade, trouxeron varias pombas mensaxeiras que puidemos observar e tocar, localizando nelas os sensores que levan no peteiro que as diferencian das outras pombas.

Distribuir contido


by Dr. Radut