Escolares, 1º Curso, 2º Curso, 3º Curso, 4º Curso, 5º Curso, 6º Curso, Ed. física, Ed. infantil, Idioma estranxeiro

PROXECTO DO MUNDO POLAR: AURORAS POLARES

Na aula de infantil comezamos o segundo trimestre cun novo proxecto moi invernal no que descubrimos moitas cousiñas relacionadas co Mundo Polar: os animais polares, os fenómenos atmosféricos, os esquimós, as vivendas polares... e para comezar este achegamento empregamos o conto "Os mil brancos dos esquimós" de Isabel Minhós Martins e Madalena Matoso, editado en galego por OQO.

PARABÉNS VALERIA !!

Este luns estivemos de festa na aula de infantil! O pasado sábado 27 foi o aniversario da nosa compañeira Valeria e á volta do fin de semana tocou celebralo todos xuntos. 

Como agasallo elaboramos un cadro moi especial no que cada un de nós participou ata que quedou ben repletiño de cores, e como sempre non faltou a súa coroa adicada.

Pasámolo moi ben e ata cantamos en inglés coa axuda da profe Rosalía.
Parabéns Valeria, mandámosche moitos biquiños voadores!

AURELIO: UN CONTO CHEO DE VOGAIS

Na aula de infantil levamos unhas semanas dándolle voltas a un conto moi especial que fai que teñamos que prestar moita atención... Aurelio! O conto dun morcego ao que lle encantan as vogais, tanto que non fan máis que aparecer e desaparecer, queredes saber que facemos nós para axudarlle a atopar todas as vogais?

TE QUIERO (CASI SIEMPRE)

O pasado 30 de Xaneiro conmemorouse o Día da Non Violencia e a Paz, e na aula de infantil quixemos adicar toda a semana a falar, aprender e comprender o que significa eso da Paz. Para comezar traballamos un conto de Anna Llenas, a autora do Monstro de Cores: Te quiero (casi siempre)

A través do conto coñecimos a Lolo e Rita, dous amigos que a pesar de ser moi diferentes e de enfadarse algunha que outra vez, respectanse, axúdanse e quérense moito... Claro! que sexamos diferentes non quere decir que non podamos entendernos, e eso, está clarísimo que é Paz.
Como vedes na imaxe de arriba, ademais de ler o conto e debuxar a estes amigos tan especiais, aprendimos a escribir a palabra PAZ, que ten unha vogal e unha sóla sílaba, facilísimo!

O DÍA DA PAZ NA AULA DE 1º, 2º E 3º

Aínda que non nos puidemos xuntar co resto do colexio por mor das restriccións impostas polo Protocolo Covid19, os nenos e nenas da aula de 1º, 2º e 3º non deixaron de celebrar o día da paz, un día para condenar a violencia e conmemorar os ideais de paz.

Na clase, aproveitamos para reflexionar sobre os distintos problemas e inxustizas que nos arrodean, e para concienciarnos de que a solución atoparémola nos valores que promove a cultura da paz: respecto, tolerancia, comunicación, empatía...

Durante toda a semana escoitamos a canción "Se buscan valientes", que lanza unha mensaxe contra o acoso escolar e anima aos nenos e nenas a ser valentes e non quedar calados ante as inxustizas.

O NADAL NA AULA DE INFANTIL

Dende a aula de infantil do cole das Nogais, queremos mandarvos unha mensaxe de felicidade a todas as familias e agardamos que o 2021 sexa un bo ano e que todo saia moi pero que moi ben!

Tamén queremos ensinarvos algunha  das cousiñas que estivemos facendo no mes de decembro, o mes do nadal. Agardamos que vos gusten!
A primeira imaxe é das postais de nadal que lles enviamos aos amigos e amigas do Centro de Día de As Nogais. Quedaron chulísimas!

Na seguinte, veredes aos  Papá Noel que fixemos e que engalanaron a árbore do Nadal da entrada do cole!

BO NADAL !!!

O CEIP As Nogais deséxavos un Bo Nadal e un Aninovo cargado de paz, saúde e felicidade para tod@s.

Unha aperta moi grande para as nosas nenas e nenos !!!

 

EXPERIMENTO DE OUTONO: PIÑAS E LENTELLAS

No mes de outubro, as nenas e nenos de infantil escribiron unha notiña para as súas familias. Nela pedian unha piña que empregaríamos no mes de novembro para realizar un experimento moi especial. É posible sementar lentellas dentro de piñas? Pois iso foi o que investigamos na aula durante todas estas semanas.

Para realizar este experimento tivemos que ser moi coidadosos porque as lentellas son oi pequeniñas e non é nada sinxelo metelas dentro das piñas. Aínda así con moita, moita paciencia todos conseguimos encher as nosas piñas. Xa estaba listo o primeiro paso pero... que máis precisan as prantas para nacer e crecer? pois segundo as nosas pesquisas... auga!

RESUMO DE NOVEMBRO - O MES DA CIENCIA !!

No mes de novembro celébrouse o "Día da Ciencia en galego" pero na aula de infantil decidimos adicar todo o mes a facer investigacións e experimentos diferentes que nos axudaron a traballar o  pensamento científico de maneira directa. Logo de falar do que sabíamos sobre a ciencia e os dientíficos e científicas (a que se adican, como traballan, que instrumentos empregan...) comezamos.

AS FOLLIÑAS CAEN E CAMBIAN DE COR...

Como di a canción de "Uxía Lambona e a banda molona" no outono, as folliñas caen e cambian de cor. Por iso, na aula de infantil estivemos facendo moitas actividades que tiveron como protagonistas as follas que recollimos do patio da escola. Aquí podedes ver algunha delas...

Nesta actividade empregamos a técnica artística do Frottage, conseguindo unha impresión case perfecta das follas máis grandes que tiñamos na nosa colección. Con esta técnica traballamos ademais o sentido do tacto, descubrindo as diferentes texturas, posto que tiñamos que experimentar ata atopar o lado rugoso das follas. Pasámolo moi ben e sorprendeunos moito o resultado final.

Theme by Danetsoft and Danang Probo Sayekti inspired by Maksimer