O NOSO COLE NOS MEDIOS DE COMUNICACIÓN
Enviado por Anónimo o Ven, 16/04/2021 - 16:03Nesta semana, o noso cole foi protagonista nos medios de comunicación polo seu traballo no eido da dinamización da lingua galega.
Deixámosvos os enlaces das novas publicadas en La Voz de Galicia e no El Progreso (1) e no El Progreso (2) para que as poidades ver.
Que orgullosos estamos das nosas nenas e nenos !!!
PARABÉNS MIREIA !!
Enviado por Anónimo o Mér, 14/04/2021 - 21:20Estamos de aniversario! Na aula de infantil temos unha chea de celebracións durante o mes de abril e comezamos cunha moi especial. A nosa compañeira Mireia acaba de cumprir 6 anos, moitas felicidades!
Como xa sabedes este curso as celebracións son un pouco diferentes pero o que non pode faltar é un agasallo compartido para a homenaxeada: un cadro feito con moito agarimo entre todos! A Mireia encantoulle.
UN VÍDEO FEITO CON MALICIA... NOTICIAS.
Enviado por Anónimo o Mar, 13/04/2021 - 13:53Como resposta ao vídeo do #DígochoEU que lle enviamos, o presentador do programa de TVG "Malicia Noticias", o gran Arturo Fernández, enviounos este simpático vídeo para saludarnos e amosarnos como é o seu programa dende dentro.
Fíxonos moitísima ilusión e pasámolo xenial vendo o teu vídeo!!
Moitas grazas, Arturo !!
Aquí vos deixamos o vídeo para que disfrutedes tamén con el:
POLO CAMIÑO
Enviado por Anónimo o Mar, 06/04/2021 - 15:35No trimestre pasado pasámolo xenial con contiños como Aurelio, Te quiero casi siempre, Iriña bailarina, Coelliño branco e Polo Camiño. Este último axudounos a traballar a seriación ata o 10 para o que empregamos tamén outros materiais de escritura, manipulativos e ata musicais, xa veredes!
Ademais de traballar o concepto de número, a lectoescritura, as seriacións, o conteo e os diferentes trazos co material impreso, fixemos varios xogos cos bits de intelixencia dos números ata o dez. Algún destes xogos ata os fixemos ao aire libre... que sorte temos no noso cole... poder gozar da natureza e dunhas vistas tan bonitas fai que todos os retos sexan máis sinxelos de afrontar!
CONCURSO DE DEBUXO "MURALLA DE LUGO"
Enviado por Anónimo o Mar, 06/04/2021 - 15:31As nenas e nenos do cole participamos nun concurso sobre a Muralla de Lugo. Os pequenos fixemos uns debuxos chulísimos e os maiores uns relatos cortos moi interesantes.
Para poder facer os nosos debuxos, na aula de infantil tivemos que investigar que é unha muralla. Primeiro falamos sobre a Muralla de Lugo e vimos varios vídeos nos que ata a puidemos ver dende o aire. Despois de vela e falar sobre ela tocou vivenciala a través das pezas de construcción que temos na clase, pasámolo moi ben, mirade!
O NOSO PANEL PARA AS MÁSCARAS
Enviado por Anónimo o Mar, 30/03/2021 - 18:24Hoxe queremos ensinarvos unha peza moi importante dentro da aula de infantil, importante porque é moi necesaria e importante, e tamén porque foi feita con moito agarimo por Ángeles, a coidadora do cole.
Durante moitos días Ángeles estivo traballando coa súa máquina de coser, xuntando telas con fíos de cores e fixándose moito para que todo quedase perfecto.
Non sabíamos nada, pero un día, entrou na nosa aula e... sorpresa! Fixera para nós un panel para as máscaras! Canto nos gustou e que faciliño era de usar! Mirade, mirade.
#DígochoEU
Enviado por Anónimo o Lun, 29/03/2021 - 09:54As nenas e nenos de 4º5º6º do cole andan a mellorar a súa competencia lingüistica, e xunto coa súa titora Carmen ocurríuselles facer unha homenaxe a un programa da RTVG que lles encanta a tod@s:
#DígochoEU !!!
Traballaron moito nel e nótase no resultado. E ademais de divertirse, aprenderon un montón de cousas...
En hora boa polo voso traballo... ou debera dicir "Parabéns"???
Non vos perdades o vídeo !!!
MENÚ DE ABRIL
Enviado por Anónimo o Lun, 29/03/2021 - 09:41Bo día, familias,
adxuntamos o noso menú para o mes de abril.
Apertas !!
PROXECTO DO MUNDO POLAR: FOLERPAS E IGLÚS
Enviado por Anónimo o Mér, 24/03/2021 - 10:51Xa comezou a primavera e estamos moi ilusionados porque xa estamos iniciando un novo proxecto cheo de cores e animaliños misteriosos. pero como vos decíamos a semana pasada queremos ensinarvos as últimas actividades sobre o mundo polar que realizamos fai xa un tempiño: Folerpas absorbentes e iglú xeométrico.
XENTE PEQUENA FACENDO COUSAS GRANDES
Enviado por Anónimo o Sáb, 20/03/2021 - 12:52Ao comezo do curso, as nenas e nenos e a comunidade educativa do CEIP As Nogais fixemos unha votación para escoller un logotipo do cole, que agora figura nos membretes das nosas cartas e é a imaxe corporativa na nosa web.
Para amosarlle ao alumnado que a xente pequena é a que cambia o mundo, quixemos sorprendelos poñendo na entrada do cole á bonita árbore que eles escolleran de logotipo, e de paso actualizar a imaxe exterior do centro.
Esa misma tarde, quixeron saír a "estrenalo"...
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- …
- seguinte ›
- última »