PROXECTO CORREDOR VERDE DE INSECTOS 6º A/B. VOZ NATURA./SUSTINEA

Sustinea somos unha entidade sen ánimo de lucro de ámbito estatal que fixa o desenvolvemento sostible como alternativa á degradación natural e como saída ás necesidades locais.
Esta iniciativa xorde dun grupo de persoas relacionadas coa defensa e posta en valor dos recursos naturais, que preocupadas pola súa situación queremos afrontar os seus problemas aportando a nosa experiencia e coñecementos.
Os nosos fins son o estudo, a divulgación e defensa do Medio, a promoción dun cambio posible e necesario, da relación do ser humano coa Natureza nun modelo sostible, de aí xorde o nome da asociación

Que facemos?
Conservamos a natureza
A nosa preocupación pola medio natural máis achegado e a súa defensa para integralo nos proxectos de futuro é un estímulo constante no noso traballo.
Prestamos apoio e deseñamos alternativas sostibles para as diferentes administracións coa finalidade de establecer solucións ambientais aos proxectos emprendidos por estas.
Divulgamos e sensibilizamos
Poder explicar as diversas realidades ambientais, as súas causas e efectos de forma sinxela e amena para os diferentes públicos, é un reto fascinante co que camiñamos da man.
Organizamos campañas de sensibilización, proxectos educativos, campamentos ambientais, material didáctico e divulgativo, formacións en educación ambiental.
Deseñamos proxectos de desenvolvemento local
Pensamos global e actuamos localmente para axudar a emprender camiños construídos polo progreso e o respecto polo entorno.
Elaboramos e implementamos iniciativas locais coa finalidade de sentar as bases para un futuro sostible.

  Como o facemos?
    Desenvolvemos campamentos, campos de traballo, intercambios culturais,…
    Impartimos programas de formación propios e concertados, xornadas, seminarios nacionais e internacionais.
    Realizamos prácticas de campo: mostraxes, plantacións, paisaxe, biodiversidade, edafoloxía, sensibilización co medio...
    Deseñamos roteiros interpretativos polas montañas galegas. espazos naturais protexidos, …
    Visitamos as nosas aldeas, as construccións tradicionais e recuperamos a memoria etnográficas dos nosos pobos.
    Impulsamos a realización de actividades deportivas na natureza: escalada, roteiros en bicicleta por montaña e por cidade, xeocaching, espeleoloxía, barranquismo, sendeirismo e roteiros a cabalo pola montaña.