ACTIVIDADE: INICIO DO CLUB DE LECTURA "ACIOS E VIDES"

O CEIP As Covas-Meaño presenta o seu Club de Lectura Interxeneracional, un proxecto que busca promover a lectura entre as persoas de diferentes idades, desde os alumnos e alumnas ata os seus familiares maiores. O club é un espazo de encontro e diálogo onde se comparten lecturas, opinións e experiencias.

O club funciona como unha actividade extraescolar que se realiza unha vez ao mes, polas tardes, cunha duración de hora e media. Nel, poden participar todos os membros da comunidade educativa, así como calquera persoa interesada na lectura do concello de Meaño. Non hai límite de idade.

O nome do club, “Acios e Vides”, representa a relación entre as xeracións que se reúnen ao redor dun libro. Os “Acios” son as/os nenas e nenos, que aportan a súa frescura e curiosidade. As “Vides” son os adultos, que ofrecen a súa sabedoría e experiencia.

O club non só se centra na lectura, senón que tamén inclúe unha parte gastronómica, na que se degustan doces caseiros e bebidas quentes, creando un ambiente acolledor e familiar.

O Club de Lectura Interxeneracional é unha iniciativa do CEIP As Covas-Meaño que pretende fomentar a lectura como unha forma de aprendizaxe, de comunicación e de lecer. O club é unha oportunidade para crear vínculos entre as persoas, para descubrir novos libros e para gozar da literatura.

Queremos agradecer expresamente a participación nesta primeira convocatoria de varias veciñas e veciños de Meaño usuario do Centro de Día, que moi gustosamente contaron e mostraron cales foron as súas primeiras experiencias de infancia ligadas ao mundo da lectura.