tel: 886 151 371 / email: ceip.meanho.ascovas@edu.xunta.gal / 42°26'36.1"N 8°46'48.1"W
ACTIVIDADE: ESCOLA DE FAMILIAS
Este venres, 20 de outubro, celebrarase a primeira xuntanza da Escola de Familias, un encontro mensual deseñado exclusivamente para nais, pais e titoras/es legais.
Oscar Páramos, psicólogo da Asociación Avante, será o encargado un curso máis de dirixir estas xuntanzas. Non só proporcionará orientación e información, senón tamén proporá temas de interese e fomentará debates construtivos. Quere ser este un espazo onde compartir opinións, aprender sobre a saúde e benestar das nenas e nenos, coñecer outras familias do colexio e moito máis.
Consideramos que a Escola de Familias é unha oportunidade única para fortalecer a nosa comunidade escolar, colaborar e aprender xuntos. Estades todas e todos convidadas/os a unirvos nesta primeira xuntanza.
Animádevos a participar!
![Nome Imaxe descrición imaxe](https://www.edu.xunta.gal/centros/ceipmeanhoascovas/system/files/Escola%20de%20Familias.%20Outubro%202023.jpg?1697524372)