Secretaría

Achégase a listaxe de libros de texto para o vindeiro curso académico. Premede na imaxe para descargalo.

Na ORDE do 29 de abril de 2022 ( DOG nº 95 do mércores 18 de maio) regúlase a participación no fondo solidario de libros de texto e convócanse axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2022/23.

BENEFICIARIAS

Aquelas familias con alumnado matriculado en centros docentes da Comunidade Autónoma de Galicia sostidos con fondos públicos nas modalidades de gratuidade solidaria que se relacionan a seguir:

a) Fondo solidario de libros de texto do alumnado matriculado en 3º, 4º, 5º e 6º de educación primaria (EP), e en 1º, 2º, 3º e 4º de ensinanza secundaria obrigatoria (ESO).

b) Axudas para adquirir libros de texto destinadas ao alumnado matriculado en 1º e 2º de EP, e en educación especial (EE), así como as axudas que pode recibir o alumnado incluído na disposición adicional primeira da orde.

c) Axudas para material escolar destinadas ao alumnado matriculado en Ed. Primaria, ESO e EE.

PRESENTACION DAS SOLICITUDES

Iniciarase o día seguinte ao da publicación desta orde no DOG ( 19 de maio) e rematará o martes, día 22 de xuño de 2022.  

Pódese facer:

• De xeito telemático: https://www.edu.xunta.gal/fondolibros/
• De xeito presencial: No horario de Atención ao Público do Equipo Directivo, exposto tanto no taboleiro de anuncios do Centro como na Web.

RESERVA DE PRAZA PARA O CURSO 2022-2023

1. Para iniciar o proceso de reserva de praza do alumnado de 6º curso para o IES de Melide (centro adscrito) deberán ter en conta o seguinte:

• Presentación da solicitude de reserva segundo o Anexo I  da Orde do 18 de decembro de 2020 (procedemento ED550A), que será facilitada polo Centro ou que poden descargardirectamente da aplicación https://www.edu.xunta.gal/admisionalumnado.

SOLICITUDES  →  RESERVA DE PRAZAS  → CREAR SOLICITUDE RESERVA

• Entregarase no centro educativo no que está matriculado o alumno/a.

• Prazo: do 11 de xaneiro ao 8 de febreiro de 2021.

2. O alumnado que NON queira cursar a ESO no IES de Melide deberá comunicalo no Centro.

Lexislación aplicable:

- Decreto 254/2012, do 13 de decembro, polo que se regula a admisión do alumnado (DOG, 26/12/2012)

- Orde do 12 de marzo de 2013 (DOG, 15/03/2013)

- Orde do 25 de xaneiro de 2017 (DOG, 01/02/2017)

- Orde do 18 de decembro de 2020 (DOG, 22/12/2020)

AXUDAS PARA MERCAR MASCARILLAS

Orde do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2021/22 (código de procedemento ED330E) Diario Oficial de Galicia nº 218, do venres 12 de novembro de2021.

ALUMNADO DESTINATARIO

Alumnado matriculado en educación primaria, educación secundaria obrigatoria e educación especial:

1.    

O alumnado que recibiu  axuda de material escolar no curso 2021-22 nonten que presentar a solicitude

2.    

O alumnado que non foi beneficiario da axuda de material escolar no curso 2021-22 e que cumpra algunha das seguintes condicións ten que presentar a solicitude:

• Que pertenza a unha familia cunha renda per cápita igual ou inferior a 6.000 €.
• Alumnado matriculado en educación especial.
• Alumnado suxeito a tutela ou garda da Xunta de Galicia.
• Alumnado cun grao de discapacidade igual ou superior ao 65%.

PRAZO DE PRESENTACIÓN

Será de 10 días hábiles a partir do seguinte á publicación no Diario Oficial de Galicia, é dicir,do 15 ao 26 de novembro de 2021.

Forma de presentación da solicitude: Unicamente de forma presencial no centro, con cita previa.

PREME NA IMAXE PARA ACCEDER Á INFORMACIÓN RELACIONADA

COAS ELECCIÓNS AO CONSELLO ESCOLAR

Prezadas familias. Como ben sabedes, o próximo xoves, 9 de setembro, iniciamos o curso escolar. Xa vos comunicamos a organización dese primeiro día de clase.

Esperámosvos!!!

PREMEDE NA IMAXE PARA DESCARGAR A LISTAXE DE LIBROS DE TEXTO PARA O VINDEIRO CURSO ACADÉMICO 2021-2022 PARA OS TRES NIVEIS DE EDUCACIÓN INFANTIL E 1º E 2º DE EDUCACIÓN PRIMARIA.

O RESTO DOS NIVEIS DE EDUCACIÓN PRIMARIA UTILIZARÁN OS LIBROS DO FONDO DO CENTRO.

INFORMAMOS DE QUE ESTÁ ABERTO O PRAZO DE FORMALIZACIÓN DE MATRÍCULA PARA O ALUMNADO ADMITIDO NO NOSO CENTRO PARA O PRÓXIMO CURSO 2021/22.

DO 20 AO 30 DE XUÑO

Vense de publicar a Orde do 6 de maio de 2021 (DOG. nº 93 do xoves 20 de maio), que regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos.

BENEFICIARIOS/AS

Aquelas familias con alumnado matriculado en centros docentes da Comunidade Autónoma de Galicia sostidos con fondos públicos nas modalidades de gratuidade solidaria que se relacionan a seguir:

• Fondo solidario de libros de texto do alumnado matriculado en 3º, 4º, 5º e 6º de Educación Primaria, e en 1º, 2º, 3º e 4º da Ensinanza Secundaria Obrigatoria.

• Axudas para adquirir libros de texto destinadas ao alumnado matriculado en 1º e 2º de Educación Primaria, e en Educación Especial, así como as axudas que pode recibir o alumnado incluído na Disposición Adicional I da nomeada Orde.

• Axudas para material escolar destinadas ao alumnado matriculado en Educación Primaria, Educación Secundaria Obrigatoria e Educación Especial.

PRESENTACIÓN DE SOLICITUDES

• O prazo permanecerá aberto ata o martes, 22 de xuño de 2021 (incluído).

• Pódese facer:

1. De xeito telemático, na seguinte ligazón: https://www.edu.xunta.es/fondolibros/
2. De xeito presencial, cubrindo a documentación que o alumnado levará dentro dun cartafol; unha vez cumprimentada será devolta ao Centro.

Se tedes algunha dúbida podedes contactar co Centro.

Infórmase de que a totalidade do alumnado que presentou solicitude de admisión no noso centro obtivo praza. As familias deberán formalizar a matrícula entre o 2º e o 30 de xuño.