Skip to Content

O noso colexio

                                                                                                     

ADMISIÓN DE ALUMNADO PARA O CURSO 2019/20

A admisión do alumnado neste Centro para o curso 2019/20 axustarase á lexislación e proceso que se indican:

 

1. NORMATIVA REGULADORA DE ADMISIÓN

 

·         Decreto 254/2012, do 13 de decembro (DOG 26/12/2012).

 

·         Orde do 12 de marzo de 2013 (DOG 15/03/2013).

 

·         Orde do 25 de xaneiro de 2017 (DOG 01/02/2017).

 

·         Instrucións da Dirección Xeral de Centros e Recursos Humanos para o proceso de admisión e da Xefatura Territorial da Consellería de Educación, Universidade e Formación Profesional, se é o caso.

 

2. OFERTA DE POSTOS ESCOLARES DISPOÑIBLES

 

 

 

Cursos de Educación Infantil (1) Cursos de Educación Primaria (1)
  Cuarto (3 anos) .................66 Quinto (4 anos) ..................   0 Sexto (5 anos) ...................    2   9   Primeiro ...............................................         0 Segundo ...............................................        0 Terceiro ...............................................          0 Cuarto ...............................................            3 Quinto ..................................................         1 Sexto ....................................................         0  
(1) Postos escolares a disposición da comisión de escolarización para o alumnado con necesidades específicas de apoio educativo (art. 3 da Orde do 12 de marzo de 2013, DOG do 15)

 

3. ÁREA DE INFLUENCIA E IES DE ADSCRICIÓN DO CENTRO

 

A área de influencia do Centro, ao obxecto de aplicar a puntuación que corresponda por proximidade do domicilio ou do centro de traballo, é a que figura no plano exposto ao lado do presente escrito. Aos efectos de continuidade dos estudos de Educación Secundaria Obrigatoria o Centro está adscrito ao Instituto de Educación Secundaria Agra do Orzán.

 

4. LETRAS DE PRIORIDADE EN CASO DE EMPATE

As letras de prioridade que afectan ao primeiro apelido son "E" e "T", así mesmo, afectan ao segundo apelido as letras "U" e "J".

 

5. PRAZO DE PRESENTACIÓN DE SOLICITUDES

 

As solicitudes de admisión, que se axeitarán ao modelo oficial (formulario ED550B), poderanse recoller na secretaría do centro. Tamén estará dispoñible na páxina web do centro, na sede electrónica da Xunta de Galicia, na aplicación “admisionalumnado” (https://www.edu.xunta.es/admisionalumnado) e na páxina web da Consellería de Educación, Universidade e Formación Profesional.

 

            Deberán ser presentadas na Secretaría do Colexio do 1 ao 20 de marzo ambos os dous inclusive, (horario de mañá de luns a venres de 9 a 13:30 horas e en horario de tarde os luns de 16:00 a 18:00 horas) debendo ir acompañadas da copia do DNI do/da alumno/a ou da copia de todas as follas escritas do libro de familia. No caso de optar a un curso de Primaria, deberán achegar tamén certificación de matrícula do centro de procedencia. En caso de separación xudicial ou divorcio, deberán presentar o convenio regulador ou resolución xudicial.

* É necesario presentar o orixinal de todos os documentos fotocopiados. As compulsas realízanse na Secretaría do centro.

6. PRESENTACIÓN DA DOCUMENTACIÓN XUSTIFICATIVA DOS CRITERIOS DE BAREMACIÓN ALEGADOS

 

O prazo de presentación da documentación xustificativa dos criterios de baremación é do 25 de marzo ao 5 de abril. Porén, para facilitar trámites e evitar viaxes ao Centro, poderán achegala coa solicitude.

 

Só será necesario presentar a documentación relativa aos criterios de: DNI da persoa solicitante e dos membros computables da unidade familiar, domicilio fiscal, renda, condición de familia numerosa e discapacidade do alumno/a, do proxenitor/a, do titor/a ou dos irmáns/ás cando a persoa interesada denegue a consulta automática de datos (artigos 14.bis e 17.1).

 

A presentación dos xustificantes dos criterios de baremación ten carácter voluntario. A non presentación dalgún deles suporá a renuncia explícita a ser baremado no criterio correspondente (art. 17.2).

 

7. PUBLICACIÓN DA LISTAXE DO ALUMNADO ADMITIDO

o    Antes do 25 de abril: Publicación da resolución provisional de admitidos e non admitidos. A listaxe ou listaxes que se publiquen terán carácter provisional e poderán ser obxecto de reclamación ante o Consello Escolar do centro no prazo de cinco días hábiles (art. 30.3).

 

o    Antes do 15 de maio: Publicación da resolución definitiva de admitidos e non admitidos. Contra esta resolución poderase interpoñer recurso de alzada ante o responsable da Xefatura Territorial da Consellería de Educación, Universidade e Formación Profesional no prazo dun mes (art. 31.2 e 32).

 

8. PRAZO PARA A FORMALIZACIÓN DA MATRÍCULA

O alumnado admitido no Centro formalizará a súa inscrición na Secretaría do 20 de xuño ao 1 de xullo (luns a venres de 9 a 13 horas). Se finalizado o prazo de matrícula, non se formalizase esta, teráselle por decaído o dereito á praza obtida (art. 40.2a e 40.3).

 

9.SERVIZOS COMPLEMENTARIOS

Os servizos complementarios que ofrece o Centro son:

9.1.- Transporte Escolar.Soamente para os alumnos da zona de Bens.

Empresa Autos Fernández

o    Ruta: A Moura – Comeanda – Mazaido – Bens – San José

Non teñen dereito a este servizo os alumnos que, estando domiciliados nas áreas de influencia doutros centros, decidan solicitar praza neste. (Art. 6. Orde de 12 de marzo de 2013).

Só ten dereito a este servizo o alumnado domiciliado a máis de 2 Km. do Centro,  pero dentro da zona de influencia do mesmo.A Xefatura Territorial poderá conceder, previa solicitude, autorización excepcional para alumnado domiciliado a unha distancia do Centro inferior a 2 Km. e superior a 1 Km., sempre que:  existan prazas vacantes, non comporte a modificación das rutas, non supoña a creación de novas paradas,  non incremente a duración do traxecto e non precise incorporación de acompañante. Estas autorizacións concederanse en precario e serán revogables. (Punto 3. Instrución 3/2018)

Lexislación aplicable:

. Orde do 12 de marzo de 2013, pola que se desenvolve o procedemento para a admisión do alumnado en centros sustentados con fondos públicos… (DOG 15/03/2013).

. Decreto 203/1986, do 12 de xuño, polo que se regulan provisionalmente determinados aspectos do transporte escolar. (DOG, 09/0/1986).

. Real Decreto 443/2001, do 27 de abril, sobre condicións de seguridade no transporte escolar e de menores. (BOE, 02/05/2001).

. Instrución 3/2012, do 22 de xuño, sobre a xestión do uso do transporte escolar.


9.2.-Comedor Escolar.

Organizado e xestionado pola ANPA do Centro:

Teléfono ANPA: 607 04 29 49

Web: www.anpa-agarimo.es

e-mail: anpa.agarimo@gmail.com

- Lexislación aplicable:

. Decreto 10/2007, do 25 de xaneiro, polo que se regula o funcionamento dos comedores escolares nos centros docentes públicos non universitarios dependentes da Consellería de Educación e Ordenación Universitaria. (DOG, 06/02/2007).

. Orde do 21 de febreiro de 2007, pola que se regula a organización, funcionamento e xestión do servizo de comedor escolar nos centros docentes públicos non universitarios dependentes da Consellería de Educación e Ordenación Universitaria. (DOG, 05/03/07).

9.3.- Madrugadores (7:45 - 9:00h).

Organizado e xestionado pola ANPA do Centro:

Teléfono ANPA: 607 04 29 49

Web: www.anpa-agarimo.es

e-mail: anpa.agarimo@gmail.com

9.4.- Actividades extraescolares (16:00 – 18:00h).

Teléfono ANPA: 607 04 29 49

Web: www.anpa-agarimo.es

e-mail: anpa.agarimo@gmail.com

10.- CRITERIO COMPLEMENTARIO ESTABLECIDO POLO CENTRO:

Por solicitar en primeiro lugar un centro de ensino público: 1 punto

A acreditación farase de oficio polo propio centro, sendo o documento acreditativo a propia solicitude de admisión, anexo II da Orde.


INFORMACIÓN IMPORTANTE

 

A solicitude será única e vinculante, poderá conter ata seis centros, por orde preferencia e presentarase no centro indicado en primeiro lugar. Estará asinada por calquera dos titulares da patria potestade. No caso de separación ou divorcio, será necesaria a sinatura de ambos proxenitores, agás que a patria potestade estea atribuída, con carácter exclusivo, a un deles. En ambos casos, será necesario presentar xunto coa solicitude de admisión a resolución xudicial correspondente para o seu cotexo polo centro educativo (art. 14).

O alumnado que ten garantía de permanencia nun centro, se presenta solicitude de admisión noutro centro distinto deberá comunicalo, ao mesmo tempo, ao centro de orixe.

Darán lugar á perda de dereito de prioridade (art. 34):

o    A presentación da solicitude fóra de prazo.

o    A presentación de máis dunha solicitude.

o    A presentación de solicitudes estando vinculado por reserva. A reserva ten carácter vinculante e será incompatible coa presentación de solicitude noutro centro, salvo renuncia expresa por escrito presentada no centro de adscrición antes do inicio do prazo ordinario de presentación de solicitudes de admisión.

o    As solicitudes que conteñan datos que non se axusten ás circunstancias reais do alumno.

o    As solicitudes que estean acompañadas por documentación que reflicta datos que non se axusten ás circunstancias reais.

As familias poderán consultar o estado da tramitación das súas solicitudes a través da aplicación: admisionalumnado (https://www.edu.xunta.es/admisionalumnado), utilizando o código de solicitude e o nº do DNI da persoa solicitante (Art. 13.3).

 

 

 

 

 



page | by Dr. Radut