CEIP Manuel Padín Truiteiro

 Vista a memoria de actividades da biblioteca do noso centro durante o curso 2018/19 e as liñas de actuación presentadas para o curso 2019/20, a Consellería de Educación concedeunos o “Plan de mellora de bibliotecas escolares en centros públicos”. Para nós foi todo un reto poñer en funcionamento a biblioteca e esperamos que dia a día ,a través das actividades orgnizadas ,sexa un estímulo para a concienciación e sensibilización cultural e social do noso alumnado.

Breves verbas cheas de cores e aloumiños para comenzar o curso. Os mestres e mestras dia a día, ano a ano, heroes da docencia ordinaria, querémosvos ofrecer o noso esforzo e ilusión para lograrmos, entre toda a comunidade educativa, unha escola aberta ao mundo dos afectos,sentimentos e emocións.

Que de luns a venres a nosa escola sexa unha fábrica de soños e ilusións dos nosos alumnos e alumnas, onde o líquido amniótico que rodee e protexa aos cativos sexa a igualdade, a empatía, o respecto,a soliedariedade e o altruismo.

Que ninguén nin nada impida que os nenos e nenas sexan felices a carón dos seus mestres e mestras.

BENVIDOS AO NOVO CURSO!!!  

O mércores 5 tivo lugar no noso centro un obradoiro de regueifas impartido por Luís "O Caruncho" e Pinto de Herbón, extraordinario dúo de regueifeiros que nos transmitiron a súa paixón e bo facer na creación destes desafíos improvisados de caracter oral en verso, que teñen certa similitude co rap actual. Como podedes ver no vídeo, as súas improvisacións fixéronos rir un montón e o alumnado, ao rematar o obradoiro, poido interpretar as súas propias creacións. As regueifas amosan ser un interesante recurso para achegar a creación literaria, a poesía e a tradición oral aos cativos. Moitas grazas a Luís e a Pinto por facernos pasar uns intres tan divertidos.