Visita do equipo de baloncesto Basket Coruña

Onte, día 3 de decembro, visitáronnos catro xogadores do equipo de baloncesto "BASQUET CORUÑA". Déronnos unha charliña aos cursos de 2º, 3º, 4º, 5º e 6º de Educación Primaria, e fixéronnos uns xogos. Ademais, regalaron a cada un de nós 2 invitacións para ver o partido. Pasámolo moi ben!!

Os traballos de Outono

Fixemos un pequeno video cos traballos que fixéchedes as familias.

Moitas grazas a todos pola vosa participación, creatividade y colaboración !!!

Traballos de outono (video)

Campaña de recollida de roupa

Dende hoxe (día 26 de novembro) ata o mércores (día 11 de decembro), poden recoller no colexio unha bolsa de plástico para doar roupa ou calzado á "Fundación GLORR".

Para máis información, xúntase a circular enviada ás familias.

Saúdos.

Magosto

O pasado xoves, día 14 de novembro, celebramos o magosto no colexio. Ás 11 da mañá, os nenos/as de Educación Infantil e Primaria baixaron ao patio e fixeron diversos xogos relacionados con esta festa de tradición popular. Despois comeron unhas castañas que asamos os profes. Aquí vos deixamos algunha foto.

E aquí o video da festa

Actuación ArcosIris

O venres, día 8 de novembro, viñeron a actuar ao colexio 5 integrantes da Orquestra Sinfónica de Galicia. Aos nenos/as lles encantou, e a verdade é que o fixeron moi, pero que moi ben. Podedes ver parte da actuación premendo nos seguintes vínculos:

ArcosIris Video 1

ArcosIris Video 2

ArcosIris Video 3

Concurso de cabazas

Acordádevos que durante esta semana e ata o venres, día 8, podedes traer cabazas decoradas ao colexio, para o concurso que faremos, co gallo do Samaín. Haberá dous agasallos para as cabazas máis orixinais. A entrega de premios será o día do festival de Nadal, aínda que saberemos o nome dos gañadores/as o próximo luns.

 

Días sen clase

Recordade que o día 1 de novembro, venres, non haberá clase, por ser o día Todos os Santos. Ademais, o día 30 de outubro tampouco é lectivo, por ser o Día do Ensino.

Polo tanto, esta semana haberá clase o luns, martes e mércores.

Banco de alimentos.

Continuando co traballo do ano pasado, colaboraremos co Banco de Alimentos "Rías Altas". Durante esta semana e parte da seguinte (dende o día 21 ata o día 30), todos os nenos/as poden traer un quilogramo ou un litro dun alimento non perecedeiro. Os produtos recollidos entregaranse a dito organismo o día 4 de novembro. De todos os xeitos, aparece a circular enviada ás familias en arquivo adxunto.

Recordade a puntualidade!!

A semana pasada enviámosvos unha circular recordando algunas normas que son de interese para o mellor funcionamento do centro e para toda a comunidade educativa. Adxuntamos dita circular.

Matrícula para o curso 2013/2014

O prazo de matrícula para o curso 2013/2014 é do 20 de xuño ao 30 do mesmo mes.

 

Todo o que precisas pódelo atopar aquí.


Theme by Danetsoft and Danang Probo Sayekti inspired by Maksimer