Número 70 do noso xornal escolar "O espigonciño"

Preme para velo en formato PDF.

Un ano máis, e como xa é tradición, celebramos o Nadal no noso cole: decoramos unha Árbore Solidaria con bonecos de peluche que donou a comunidade educativa para agasallar aos máis desfavorecidos, montamos un Belén feito con material reciclado, xogamos ao amigo invisible con orixinais postais elaboradas por todos/as nós e, para ledicia de pequenos e maiores, recibimos a visita dos Reis Magos que nos adiantaron un pequeno agasallo.

Preme na imaxe para ver máis fotos do Nadal.

BO NADAL E FELIZ 2018!

Durante a semana do 27 ao 1 de decembro celebraremos na biblioteca a "Semana da ciencia en galego".

Temos preparados catro rincóns:

1. Investigación. Para observar e investigar.
2. Construción. Para inventar.
3. Programación. Para programar os robots.
4. Libros sobre ciencia. Para aprender moitas cousas de ciencias.

Visita a galería de fotos do evento.

Dende o domingo 29 de outubro ata o sábado 4 de novembro o alumnado de 5º de Educación Primaria está a participar na actividade formativa "Semana STEM" que se celebra nas instalacións CEMAR de Mondariz-Balneario. Durante o transcurso do campamento o alumnado vai realizar actividades de ciencia, biotecnoloxía, electrónica, soldadura, programación, deseño, impresión 3D e robótica. Esta actividade pretende proporcionar ao alumnado un escenario propicio para impulsar as coñecidas como vocacións STEM (Ciencia, Tecnoloxía, Enxeñaría e Matemáticas) e aumentar o seu interese por saber, cada vez máis, sobre diversos campos da ciencia e as súas posibilidades de aplicación na Tecnoloxía.

Divertídevos coa ciencia!!!