Skip to Content

Secretaría

PROTOCOLO COVID19 CEIP MANUEL LUIS ACUÑA

09/09/2020 12:08
Atlantic/Bermuda

 

O primeiro día de colexio as famiias recibirán unha declaración responsable que teñen que asinar. Antes de asinar esta declaración deben ser coñecedores do protocolo adaptado para este centro.

Nos seguintes arquivos tendes a seguinte información:

1.- PROTOCOLO COVID19 CEIP MANUEL LUIS ACUÑA

2.- ENQUISA DE AUTOAVALIACIÓN CLÍNICA A REALIZAR DIARIAMENTE NA CASA

 

Para velos pincha en "ARQUIVOS ADXUNTOS"

 

 

INICIO CURSO 2020-2021

09/09/2020 10:30
Atlantic/Bermuda

 

Benvidas todas as familias a este novo curso escolar que comeza!

Como sabedes, non está sendo fácil e temos a intención de normalizar todo o mellor posible, sen deixar de ter en conta as máximas medidas de seguridade fronte á COVID19. Entre todos e todas conseguiremos que todo vaia ben.

O curso comezará o día 10 de setembro para 4º e 5º de Educación Infantil (3 e 4 anos) e 1º, 2º e 3º de Primaria.

O día 11 de setembro engadiránse os cursos de 6º de Educación Infantil (6 anos) e 4º, 5º e 6º de Primaria.

O horario lectivo ambos días será de 9:00 a 14:00. O alumnado de comedor poderá ser recollido entre as 15:30 e 16:00 horas, salvo os que van no transporte escolar que sairán do centro ás 15:10 horas.

Este curso será moi diferente, polo que é de suma importancia a reunión con pais/nais/titores/as o primeiro día. Estas reunións serán por cursos, para manter as distancias de seguridade. Os horarios e normas das reunións serán os seguintes:

·        

REUNIÓNS DÍA 10 de setembro:

4ºEducación Infantil: 10:00 horas (Patio cuberto)

5ºEducación Infantil: 11:00 horas (Salón de Actos)

1º/2º Primaria: 12:00 horas (Salón de Actos)

3º Primaria: 13:00 horas (Salón de Actos)

·        

REUNIÓNS DÍA 11 de setembro:

6ºEducación Infantil: 9:30 horas (Salón de Actos)

4º Primaria: 10:30 horas (Salón de Actos)

5º Primaria: 12:30 horas (Salón de Actos)

6º Primaria: 13:30 horas (Salón de Actos)

·        

NORMAS A TER EN CONTA PARA TODAS AS REUNIÓNS:

Os pais e nais non poden entrar no centro (nin sequera no patio) ata a hora xusta da reunión.

Deben entrar con mascarilla, que terán que ter posta durante toda a reunión, respectar as distancias e desinfectar as mans na entrada.

Só poderá permanecer na reunión un membro da familia.

Pedimos puntualidade estricta, as reunións comezarán xusto á hora indicada.

Para asistir á secretaría, dirección ou titoría hai que solicitar cita telefónica previa a través do teléfono do centro (988243751).

O equipo docente temos preparado para recibir ós nosos alumnos e alumnas e moitas gañas de velos!!!!

 

Vales e do Fondo Libros

Vales e Fondo Libros

Hola a todos e todas. Sodes moitos e moitas os que estades pendentes dos vales e do Fondo Libros. Quixeramos atender as vosas necesidades coa maior dilixencia pero a administración impón prazos que hai que respectar e este ano son máis prolongados. Como queremos darvos o mellor servizo e evitar masificación no centro, dado que ademáis, como sabedes, está habendo actividades do concello nas nosas instalación, establecemos o seguinte calendario que nos gustaría que respectarades na medida do posible:

LUNS DÍA 6 DE XULLO

  • Recollida de vales de material e libros de texto para 1º e 2º (que son os alumnos que fixeron 6º de Infantil e 1º de Primaria este curso)
  • Estaremos dende as 10:00 ata as 14:00 horas. Se algún de vós ten algunha dificultade rogamos vos poñades en contacto a través do teléfono do centro para concertar outra cita.

MARTES DÍA 14 DE XULLO

  • Listaxe provisional de libros en empréstito para os cursos de 3º a 6º de primaria
  • Entrega de vales de material para os cursos de 3º a 6º de Primaria con este horario preferente que rogamos respectedes para evitar risco de aglomeración en zonas comúns:
  • 10:00 horas- 3º Primaria
  • 11:00 horas- 4º Primaria
  • 12:00 horas- 5º e 6º Primaria
  • A partires das 13:00 atenderemos a todos os que non puideron recoller o vale con anterioridade
  • Concertar cita ante calqueira imposibilidade de asistencia as marcadas

DE MARTES DÍA 14 A VENRES DÍA 17 ÁS 10:00 HORAS- RECLAMACIÓNS

VENRES ÁS 13:00 HORAS- LISTAXE DEFINITIVO FONDO LIBROS (e avisamos individualmente se houbese modificacións respecto da listaxe provisional por mor dalgunha reclamación)

Lista de admisión definitiva para o curso 2020-2021

Lista de admisión definitiva  para el curso 2020-2021
Xa está ao dispor dos e as interesados/ as a lista de admisión definitiva  para o curso 2020-2021. Pódese consultar na secretaría do centro en horario de 10:00 a 13:00.  Comunicamos que, ao non haber reclamacións, a lista definitiva coincide coa provisional editada anteriormente. Ningunha solicitude foi rexeitada.

Admisión de alumnado de nova incorporación para o Curso 2020 - 2021

Alumnado admitido para o Curso 2020 - 2021
Comunicamos que todos os alumnos que solicitaron praza neste centro  para o vindeiro curso 2020-2021 están admitidos. Ata o día 4 de xuño podense facer reclamacions. Podedes chamar ó teléfono do centro para comprobar que figurades na listaxe.
Distribuir contido


by Dr. Radut