Sesión

Novas

LISTAXE PROVISIONAL DE ALUMNOS ADMITIDOS PARA O CURSO 2019/2020

Bo día,

 

Informamos que a listaxe provisional de admitidos para o curso 2019/2020 xa se pode consultar no taboleiro do noso colexio.

                

 

                 

CHARLA INFORMATIVA:BO USO DE INTERNET, XOGOS E RRSS PARA PAIS DE ALUMNOS ATA 6º DE ED.PRIMARIA

Bo día, familias,

 

Ante a enorme importancia que ten, cada vez máis en idades temperás, un bo uso de internet, xogos e redes sociais, invitámosvos a asistir a un encontro con persoal especializado para falar destas ferramentas e do mellor uso e precaucións a tomar con elas para evitar problemas que poden afectar tanto a súa saúde física como intelectual, emocional e de relacións.

Agardamos a vosa presenza e participación para informarnos e compartir medidas que axuden a unha mellor educación integral dos vosos fillos.

 

DATA: MARTES, 26 DE MARZO.

LUGAR: SALA DE USOS MÚLTIPLES DO COLEXIO (1º andar).

HORA: 19:00 HORAS (tempo aprox. 1 hora).

 

AGARDÁMOSVOS!!

PONTE DE MARZO

Bo dìa familias,

 

Recordade que non teremos clase ata o mércores, 20 de marzo, posto que este luns foi un dos dìas escollidos como non lectivo e o martes é festivo.

Disfrutade da ponte!!! 

Vémonos o mércores.

DIA INTERNACIONAL DA MULLER

Bo día, familias

 

Con motivo da folga convocada par ao día 8 de marzo ( Día Internacional da Muller), este centro informa que parte do persoal docente e non docente ten pensado acollerse ao seu dereito á participación na folga polo que o desenvolvemento habitual da xornada escolar verase afectado.

Para abordar a situación o colexio seguirá o disposto no Decreto 19/2019 do 28 de febreiro, polo que se ditan as normas para garantir os servizos esenciais para ese día (Dog 1/03/2019).

Agracedemos a vosa colaboración.

 

LEMBRANZA

Dende o Ceip Luis Seoane de Canide non podiamos deixar pasar este día sen lembrarnos de ESTHER PITA, unha muller loitadora, boa , xenerosa e amante dos nenos e nenas que co seu bo facer contribuiu a que Oleiros sexa ese lugar para vivir e disfrutar que todos queremos.

 

GRACIÑAS ESTHER, SEMPRE TE RECORDAREMOS

PREMIO LITERARIO "COÑECENDO OLEIROS"

Bo día, familias,

 

Temos o pracer de anunciar que no concurso literarios "COÑECENDO OLEIROS" resultaron gañadores dous alumnos do noso colexio:

 

Samuel Ríos Mosquera de 6º de EP

Inés Santiago García de 4º de EP

 

A entrega de premios será o domingo, 24 de febreiro, nas Torres de Santa Cruz ás 12:00 horas e á que todos estades convidados. No acto farase unha pequena homenaxe a Rosalía de Castro.

 

Noraboa aos gañadores e a todos os participantes!!

Moitas grazas ao Concello de Oleiros.

ALUMN@S DE 6º DE PRIMARIA-SOLICITUDE DE RESERVA DE PRAZA PARA O CURSO 2019/2020

Bo día, familias!!!!

O alumnado de 6º de primaria que queira continuar o seus estudos de secundaria no centro ao que estamos adscritos, o IES María Casares (Bastiagueiro), deberá presentar a solicitude de reserva de praza no noso centro (Ceip Luis Seoane) do 1 ao 15 de febreiro. Será o noso centro o que envía estas solicitudes ao instituto.

Aqueles que decidan ir a outro instituto, deberán ir directamente a ese centro para informarse.

Podedes ver toda esta información no seguinte enlace:

 

ENLACE

 

ACLARAMOS QUE:

O alumnado que no curso 18/19 estea matriculado no noso centro e permaneza no curso 19/20 non deberá realizar reserva nin admisión. A matrícula é automática.

RESOLUCIÓN DA SUBVENCIÓN PARA A PROMOCIÓN E DIFUSIÓN DA CULTURA E O DEPORTE ANO 2018 DO CONCELLO DE OLEIROS

Familias, bo día e bo inicio do 2º trimestre,

 

Non podemos empezar de mellor maneira que coa notificiación da concesión da subveción para a promoción e difusión da cultura e o deporte do Concello de Oleiros.

Podedes ver os detalles no adxunto desta mensaxe.

 

MOITÍSISMAS GRAZAS AO CONCELLO DE OLEIROS

RESOLUCIÓN BECAS COMEDOR

Bo día familias,

 

Adxuntamos a listaxe de solicitudes de asistencia a comedores escolares durante este curso: as admitidas, as desestimadas e as que teñen que presentar documentación.

Tamén a podedes consultar no taboleiro do colexio.

 

IMPORTANTE!!! Tedes 10 días para presentar alegacións se o considerades necesario.

 

Para ver a listaxe tedes que pinchar no arquivo adxunto.

 

Un saúdo

ELECCIÓNS AO CONSELLO ESCOLAR

Bo día familias,

 

Recordamos que o luns, 26 de novembro, terán lugar as eleccións para a renovación parcial de representates de nais e pais do consello escolar.

As candidaturas presentadas son:

-María de la Oliva Blanco Díez

-Almudenas Matos Fariñas

-Mar Fraga Pérez

 

A mesa electoral estará situada na secretaría do colexio e o horario de votación será o seguinte:

De 9:00h a 9:30h

De 13:30h a 14:00h

De 16:00h a 18:30h

 

Un saúdo

 

 

Distribuir contido