CALENDARIO
A NOSA MASCOTAIniciar sesión |
CONCURSO: "A natureza que nos rodea" Praia de Esteiro - MañónA praia de Esteiro atópase na desembocadura do río Esteiro, que deixa á súa esquerda a parroquia de Loiba (Ortigueira) e á súa dereita a parroquia de Mogor (Mañón), nun entorno natural rural con sucesión de espazos de dunas e cun piñeiral. Ten unha zona aberta ao mar, ventosa e con fortes ondas, e outra zona na desembocadura do río Esteiro, de augas tranquilas, ideal para os nenos/as. Unha praia que ademais alberga unhas condicións ideais para practicar moitos deportes, como por exemplo o surf. Sobre todo na tempada de primavera-verán, cando predominan os famosos ventos do nordés que traen con eles bo tempo e ondas perfectas.
Neste lugar pérdese un ante tanta beleza. A praia de Esteiro, cun quilómetro de lonxitude, queda entre Punta Vilardeira e Punta Herbosa. Vir ata aquí e respirar profundamente fai que o aire chegue ata o fondo dos pulmóns, un aire limpo e con cheiro á gran variedade de piñeiros dos máis diversos tamaños, árbores e arbustos que foron plantados polas ladeiras rochosas que rodean esta espléndida praia. A praia e o estuario de Esteiro están incluídos dentro de Rede Natura 2000 como Zona de Especial Conservación (ZEC) baixo a denominación de “Estaca de Bares” E agora as preguntas. |