Responder ó comentario

"Tras las huellas de Sonia"

Non é o título dunha novela romántica nin tampouco dunha película de acción; realmente , trátase dun ambicioso proxecto suscrito entre o noso Centro, Cuarzos Industriales e o Concello de Mañón para participar no programa e coñecido concurso VOZ NATURA.

O Concello prestará a loxística necesaria.

Cuarzos Industriales mandaranos a inestimable axuda de 2 biólogos e aportará importantes medios económicos e materiais.

O López Estrada aporta profesorado , pero sobre todo , o alumnado que será o verdadeiro protagonista do proxecto e , ao mesmo tempo , benificiarase dos numerosos traballos que desenrolará o traballo en cuestión. Tamén gastaremos os 500 euros que nos asignou Voz Natura.

O obxectivo é que o noso alumnado comprenda como unha explotación mineira como a nosa , que non deixa de ser unha forte agresión ao medio ambiente, pode rexenerarse convintemente e de xeito racional para intentar paliar os inevitables danos causados.En fin , intentará ser unha lección de " economía sostible e humanizada " , porque a minería xenera postos de traballo e mellora a economía local dos pobos que a teñen.

Neste traballo verase empiricamente como se recupera a flora e fauna do Monte Cañoles por medio de actuacións do campo con cámaras fotográficas instaladas e camufladas en lugares estratéxicas par funcionar pola noite... "esperemos que non collan furtivos ".Tamén teremos charlas e outras actividades para que os nosos rapaces disfruten e aprendan de forma amena e activa.Tódolos meses teremos unha actividade que quedará plasmada nunha Unidade Didáctica.

A importancia do evento fará que teñamos saídas locais polo entorno do Centro e do Monte Cañoles e seguro que , en varias ocasións, sexamos visitados e fotografiados pola prensa ; ademais poden saír os nosos alumnos nas páxinas Web e Blogues do noso Centro, Voz Natura e Cuarzos Industriales.

 

 

Esperamos que sexa un éxito en tódolos sentidos !

 

 

Un saúdo.

 

 

Responder