OS MITOS NA ARTE

Bos días Xoaniñ@s artistas!

Esta obra representa un mundo mariño, inspirado nas lendas e mitos da cultura galega e na literatura fantástica de Xulio Verne. Pintada en tonos azulados e escuros, unha figura dunha serea alada, elevada por unha gran ola, descansa enmarcada entre acantilados e ruinas.

Todas estas características son representativas do pintor surrealista galego, Urbano Lugrís.

Invítovos a que, como ata o momento, fagades a vosa propia interpretación da obra, para o noso recanto da arte do próximo curso. Creo que é unha oportunidade estupenda para experimentar coas acuarelas, que lle aportan á pintura un carácter máis acuoso.