Blogue

Blogue principal do CEIP José María Lage

Magosto e Día do Peón

Estas últimas semanas o alumnado do cole estivo traballando para a ambientar o centro con motivos relacionados co magosto. Aquí tedes unha selección dos traballos.

 

E, por fin, o venres celebramos no colexio o magosto. A primeira hora da mañá chegou o castañeiro para prepararnos as castañas. Todos os alumnos e alumnas, xunto cos mestres fumos pasando polo patio dos maiores para a súa degustación.

Tamén tivemos xogos tradicionais empregando a castaña como "estrela" do xogos.

 

 

 

Desde hai varios anos, xunto co magosto celebramos tamén o Día do Peón. O alumnado do cole leva practicando xa varios días, sacando os seus peóns ao patio e, coa axuda dos mestres de educación física, mellorando un pouco a súa técnica. 

 

 

O alumnado de sexto de primaria foi ata o patio de primeiro e segundo a facer unha demostración de bailar os peóns. Todos permaneceron moi atentos aos movementos para aprender a lección.

 

 

Na entrada principal do colexio realizouse unha pequena exposición de peóns que trouxo o alumnado da casa. 

 

 

E como sempre, se queredes ver máis fotos, clicade aquí.

 

 

Xornada de ornitoloxía

O pasado 21 de outubro, e grazas á Asociación Nordés, as aulas de 5º e 6º de primaria realizaron unha saída para a observación de aves.  A saída realizouse xunto co alumnado dos centros de Mañón e Vicedo.

 

 

 

A primeira observación que fixeron foi na ría de Ortigueira. Logo marcharon ata Morouzos, onde asistiron a unha explicación sobre o anelamento das aves.

 

 

Se queredes ver máis fotos, clicade aquí.

 

XXX Feira do Mel do Ortegal e IV Feira da Mazá

Hoxe, domingo 11 de novembro, o noso alumnado e as súas familias, achegáronse a esta feira para recoller os diplomas por participar, como xa é tradición, no concurso de carteis da Feira do Mel do Ortegal e a Feira da Mazá.

 

Todos os carteis foron expostos para que todos puideran ver o traballo realizado polos nenos. Este ano, participaron tamén o CEIP da Barqueira.

Velaquí tendes a exposición dos nosos traballos.

 

 

Os traballos presentados polo noso centro son carteis elaborados por cada unha das aulas, traballando xuntos nun produto final. As aulas premiadas foron as de 6º de Educación Infantil; e en Primaria as de 2ºA, 4ºA e 5ºA. Aquí podedes ver aos representantes das aulas gañadoras recollendo os diplomas.

 

 

Non pensedes que os demáis quedaron sen o seu diploma, houbo para todas as aulas. Se quederedes ver máis fotos pinchade aquí

 

Desde o centro queremos dar as grazas á Asociación Galega de Apicultura, e á delegación da Comarca do Ortegal en particular, por ter esta iniciativa. Tamén por achegarse ao colexio o pasado venres para entregar un pequeño agasallo a todos os participantes.

Chegou a hora do patio dos maiores

Como xa anticipamos hai algunhas semanas, continuamos a pintar xogos nos patios. Hoxe tocoulle ao patio dos maiores.

Un grupo de pais, nais e nen@s achegáronse ao colexio para continuar con esta bonita iniciativa, xurdida dende as propias familias do centro.

 

A tarde non chegou, pero buscaremos outro día para finalizar o traballo. Cando teñamos todo rematado, subiremos máis fotos.

Como sempre, dende o colexio queremos agradecer a todas as persoas que se achegaron ata aquí para participar neste proxecto.

Programa de innovación educativa: "Introdución á robótica educativa en primaria"

Este curso, por segundo ano, solicitamos participar neste proxecto de innovación educatica, en 5º e 6º de primaria. Acaba de facerse pública a resolución definitiva dos centros admitidos, e seleccionáronnos para ampliar a participación durante o curso 2018-2019.

Recibiremos da Consellería unha nova dotación de material:

  • 6 robots de uso educativo
  • 6 kits de construción
  • Manual de uso
  • Guía didáctica

Unha parte importante do profesorado do centro participará nesta iniciativa, e así veranse beneficiados non só o alumnado de 5º e 6º de primaria, senón tamén outros niveis educativos.

 

Reinventando o patio de primeiro e segundo

 

Este mes un grupo de familias estiveron traballando no patio cuberto de primeiro e segundo para dar un número maior de opcións para o tempo de lecer ao noso alumnado.

 

 

Este pequeno proxecto ten moitos aspectos positivos, entre outros podemos destacar:

  • máis opcións de xogo libre
  • implicación das familias
  • colaboración escola-familia

Desde aquí queremos dar as grazas a todo o equipo de pais e nais que se achegaron ao centro para transformar o patio nunha zona máis atractiva e dinámica de xogo. Velaquí tedes unha parte do resultado final.

 

 

Estade atentos, que pronto voltarán ao cole para continuar con este pequeno proxecto que supón un cambio importante nos recreos do noso alumnado.

E ti, queres formar parte deste proxecto? Pronto terás noticias de como participar. 

Chega o Samaín

Ao noso cole está chegando o samaín. As aulas e os corredores xa empezan a estar decorados co traballo dos nenos e nenas.

No corredor principal estamos a montar a Exposición de cabazas, actividade organizada polo Equipo de Dinamización da Lingua Galega. Queremos dar as grazas ás familias, por colaborar con nós nesta actividade. 

Aquí podedes ver un adianto da exposición.

 


Toda a comunidade escolar está convidada a visitar a exposición, que permanecerá aberta ata o mércores 31 de outubro.

Nos próximos días actualizaremos con fotos de todas as cabazas presentadas.

 

Actuacións da Escola de Música.

O pasado martes, día 19, os alumnos da Escola de Música de Ortigueira ofreceron un concerto no colexio. O alumnado máis pequeno, agrupado na coñecida "Banda de Papel", interpretaron maxistralmente unha serie de temas cos seus peculiares instrumentos. 

Están a dar os seus primeiros pasos no mundo da música, pero xa se aprecia un gran potencial. 

 Ademais de ofrecernos o seu talento, tamén o pasaron estupendamente. A música, se non é divertida, non é música.

 Un dúo precioso de frautas traveseras. Ao fondo, outros alumnos esperan a súa quenda mentres escoitan aos seus compañeiros.

 O profesor dá instrucións ao alumnado e coordina o traballo en equipo.

Para ver máis fotos premer a ligazón á galería.

Galería de fotos

Entrega de premios "Olimpíada do Saber" - Biblioteca

A 5ª xornada da "Olimpíada do Saber" chega ao seu fin, e con ela o recoñecemento do esforzo realizado polo alumnado.

 As alumnas e alumnos foron premiados cun pequeno agasallo. Dende o Equipo de Biblioteca animamos a todo o alumnado a participar na próxima xornada. E sobre todo animamos a gozar da lectura nesta próxima época vacacional. Pon un libro no teu tempo de lecer!

Festa do deporte - Infantil

Coma todos os anos, o CEIP José María Lage celebra a festa do deporte na etapa de Infantil. O alumnado participa dunha xornada moi especial chea de actividades, retos e aventuras. 

 O uso dos zancos sempre é un reto, pero coa axuda da mestra todo é posible. 

 Os birlos é unha disciplina moi difícil, pero é parte da súa graza e os nenos pásanllo xenial.

 Organización e dun en un! Así todo sae moito mellor.

 Detrás da corda amarela! Hai liñas que son moi difíciles de respectar.

 

Distribuir contido