Estimadas familias:

Lembramos os pais/nais do alumnado do centro que deben comunicar a ausencia dos seus fillos para que poidamos levar a cabo un seguimento axeitado na situación que estamos a vivir e para a oportuna xustificación das faltas.

Informamos do procedemento a seguir no caso dun positivo:

Cando un neno/a presente algún síntoma compatible coa Covid 19 non debe acudir á escola, deberán contactar co pediatra e seguir as indicacións do servicio de saúde, ademais de comunicalo o colexio por teléfono ou correo electrónico.

Dende o Centro educativo non podemos comunicar un positivo Covid ata que non recibimos a comunicación oficial da Central de Seguimento de Contactos(CSC) que crea o expediente e determina as medidas que se deben tomar. No momento en que hai unha PCR positiva e sanidade o comunica a familia, crea automaticamente o expediente e contacta coa coordinadora Covid do centro educativo. O centro facilita os datos que nos solicitan sobre os grupos de convivencia e as circunstancias que determinan as posibles medidas a tomar en cada caso concreto por parte de Sanidade.

Entendemos a preocupación das familias debido a situación que se está a vivir, pero queremos trasmitirlles unha mensaxe de tranquilidade xa que se están a seguir en todo momento os protocolos establecidos.

O Centro envía comunicación as  familias cando Sanidade nos indica a existencia dun caso positivo, pero en ningún caso facilitamos datos persoais cumprindo así coa Lei de protección de datos. O centro non toma a decisión de confinar aulas ou grupos. Seguimos sempre as indicacións dadas polos servicios sanitarios.