Skip to Content

Os alumnos de 2º Ciclo van de aventura por Pontevedra.

O venres 31 de xaneiro, un día de chuvia, visitamos  Pontevedra.
Recorremos a zona vella da cidade .Tras unha pequena explicación da guía que nos acompañou , comezamos a nosa andadura.
A nosa primeira parada foi na casa das Campás, vivenda dun antigo pirata chamado Benito Soto, que fixo célebre a frase “os mortos non falan “e din que alí escondeu  un tesouro que ninguén atopou.
Seguidamente visitamos distintas prazas de Pontevedra adicadas antigamente aos distintos oficios. Arredor delas  vimos casas; algunhas  parecían de bonecas. Moitas delas teñen un escudo; os seus debuxos están relacionados cos apelidos das familias que nelas viviron.
Entre as pedras, en vez de cemento, poñían cunchas e as gaivotas picaban nelas.
Vimos unha fonte, na que para poder  beber hai que empurrar unha lingua.
Visitamos distintas prazas  cada unha delas coa súa propia historia: Praza da Ferrería, Praza da Verdura -na que hai unha farmacia  moi antiga - e a  Praza do Leite. Estas prazas manteñen o nome da súa vocación mercantil tradicional. Na Praza da Peregrina  vimos a estatua do loro Ravachol, loro singular  e parlanchín que dende o seu posto na botica de don Perfecto tuteou con gracia e sen respecto a todas as persoas da cidade. Din que cando entraba xente na botica dicía: “Don Perfeuto parroquia” o “Xente na tenda”.
Iamos de paseo pola rúa Peregrina, despois de  ver a fonte dos Nenos e…SORPRESA!!! Atopamos un pallaso moi gracioso, simpático e colorido co nariz vermello e unha perruca da mesma cor.  Rodeámolo e cantamos  “ADIÓS DON PEPITO, ADIÓS DON JOSÉ...”
Despois fomos a merendar debaixo duns soportais porque chovía. A continuación fomos ao teatro onde vimos a obra “Sandra e Meirol en Xistralia”. E por último voltamos ao colexio.
Foi un día XENIAL!


page | by Dr. Radut