Durante o curso 2014-15 a meirande parte do profesorado do centro está realizando diversas actividades de formación relacionadas coas novas tecnoloxías.

Premendo na imaxe pódese acceder a información.

O NOSO CENTRO SELECCIONADO PARA A INCORPORACIÓN AO PROXECTO EXPERIMENTAL DE UTILIZACIÓN DE LIBROS DIXITAIS E-DIXGAL

A Consellería de Cultura, Educación e Ordenación Universitaria publicou o 22/04/2014 unha Resolución pola que se convocaba a selección de centros para participar no proxecto experimental "Educación dixital" durante o curso 14-15.

Esta convocatoria vai dirixida aos centros Abalar e, os colexios seleccionados disporán de libros e outros materiais dixitais cos que poidan desenvolver o currículo de 5º de Primaria no curso 14-15, ampliándose a outros cursos nos anos seguintes. A selección dos centros para participar neste proxecto implica, pola súa gratuidade, a exclusión expresa como beneficiario do alumnado de 5º de EP das axudas para adquisición de libros de texto xa que o alumnado non terá que mercar os libros de texto impresos.

O NOSO CENTRO FOI SELECCIONADO PARA A INCORPORACIÓN NESTE PROXECTO EXPERIMENTAL DE UTILIZACIÓN DE LIBROS DIXITAIS, POLO QUE AS FAMILIAS DO ALUMNADO QUE NO CURSO VINDEIRO ESTÉN EN 5º DE PRIMARIA, NON SOLICITARÁN AS AXUDAS DE LIBROS DE TEXTO PORQUE NON TERÁN QUE MERCALOS. 

Si que deberán mercar o resto do material que está especificado.

Máis información do proxecto no portal educativo da Xunta de Galica

A principio de curso realizaremos unha reunión informativa coas familias.

 Para acceder aos distintos vídeos hai que premer en LISTAS DE REPRODUCCIÓN

Proximamente teremos no noso centro unhas charlas informativas tanto para o alumnado coma para as familias do 3º ciclo de Primara para informar sobre o tema do ciberacoso.

"Popi" é un divertido e orixinal parchís dirixido ao alumnado de Primaria. O seu obxectivo é que os estudiantes poidan repasar ortografía e as súas regras cunha versión especial deste coñecido xogo de mesa. Tamén se poden atopar actividades e exercicios de completar palabras, clasificar en verdadeiro e falso...

Dictados é un portal creado para facer ditados ao ordenador e practicar ortografía. Os ditados pódense imprimir para que o alumnado poida practicar na casa.

Toporopa é un portal dirixido ao alumnado do último ciclo de Primaria e secundaria para que repasen e aprendan novos coñecementos relacionados coa xeografía a partir de 18 xogos: Países de Europa, Ríos, mares, cadenas montañosas...

Pódese áceder á paxina premendo na imaxe.

A necesidade de protexer a nenos e nenas de contidos impropios é unha razón para ter buscadores especiais apropiados a eles. É por iso que tendo en conta a Educational Technology and Mobile Learning recomendamos os seguintes buscadores:

• KidRex é un motor de procura de Google cunha interface infantil 
• Ask Kids é destinado a nenos entre os 6 e os 12 anos. Responde á investigación de palabras clave dun neno desa idade.
• KidzSearch produce resultados moi fiables, non inclúen contidos destinados a adultos.
• Searchy Pants es un é un motor de procura simple e segura. Permite crear unha páxina de inicio personalizada.
• Mymunka está deseñado exclusivamente para os nenos, é moi divertido e seguro para eles.

Para acceder podedes premer na imaxe

Eurochavales é un sitio web especial da Representación da Comisión Europea en España para nenos de 6 a 14 anos, para os seus pais e profesores.

Mediante unha serie de recursos e actividades que alí podedes atopar, inténtase motivar aos xóvenes ao esforzo e incentivar a formación do seu pensamento crítico e da súa expresión.

Animámosvos a visitar EUROCHAVALES e valorar as posibilidades dos recursos que alí podedes atopar. 

  O uso dos ordenadores para o lecer ou traballo pode traer grandes beneficios se adoptamos hábitos saudables para usalos como unha postura correcta, pausas regulares e axuste adecuado do equipo.
 

     Sempre que poda, hai que:
SE SE ESTÁ USANDO O PORTÁTIL NO SOFÁ
• Facer pausas máis frecuentes, porque é a mellor postura para as costas.
• Debemos ter as costas rectas e apoiadas sobre unha almofada.
PARA ALIVIAR A TENSIÓN MUSCULAR DA COLUMNA CERVICAL
• Usar unha cadeira que lle permita ter as costas en liña recta en 90 graos coas as coxas
• Relaxar o pescozo e mantelo aliñado coas costas.
• Situar a parte superior da pantalla ao nivel dos ollos.
PARA ALIVIAR A TENSIÓN MUSCULAR NOS BRAZOS
•  Usar un teclado e rato independente.
• Manter os brazos e antebrazos en 90 graos.
PARA ALIVIAR A TENSIÓN NA VISTA
• Orientar o ordenador para que non teña reflexos ou brillo.
• Pechar e abrir a miúdo os ollos para mantelos hidratados.

O ALUMNADO DE 5º DE PRIMARIA COMEZA A UTILIZACIÓN DOS ULTRAPORTÁTILES

DAS AULAS ABALAR

Por fin as aulas Abalar están ao cen por cen de funcionamento. O alumnado de 5º de primaria xa comezou a utilizar os ultraportátiles como complemento nas súas asignaturas. A experiencia foi moi positiva xa que a utilización deste material informático resulta ser un elemento moi motivador  da aprendizaxe das diferentes materias.

Lembramos que este curso o noso centro incorporouse á Rede Abalar e por iso as aulas de 5º de primaria foron dotadas de pizarra dixital, canon, ordenador do profesor e ultraportátiles do alumnado. No curso próximo esa dotación incorporarase ás aulas de 6º de primaria.

Continuando coa nosa formación ABALAR, as familias e o profesorado recibiron información sobre a utilización do Espazo Abalar, sitio web que facilita a intercomunicación entre as familias e o profesorado. A formación foi recibida polas familias do alumnado de 4º e 5º de Primaria que son os que neste curso e no vindeiro vanse convertir en aulas ABALAR.

Pódese acceder ao Espazo Abalar premendo na seguinte imaxe:

ou no menú horizontal situado na parte superior desta web

Con motivo da nosa integración na rede Abalar, o alumnado de 5º de primaria comezou a súa formación para afrontar as Tecnoloxías de Información e Comunicación, en concreto sobre os perigos da navegación por internet. O alumnado foi informado de cuestións tan importantes como a suplantación de identidade ou o ciberacoso, dándolles unha serie de consellos para que a súa navegación por internet sexa segura.

Esta formación foi financiada pola Consellería de Educación e levada a cabo polo Colexio Profesional de Enxeñaría de Galicia (CPEIG) formando parte do PLAN NAVEGA CON RUMBO.

Premendo na imaxe atopamos máis información sobre o Plan Navega con Rumbo con documentos informativos para as familias e para o alumnado e acceso a actividades interactivas.

A Comunidade Autónoma de Galicia dispón dunha estratexia de incorporación das novas tecnoloxías ao proceso educativo en todos os seus ámbitos, o PROXECTO ABALAR.

Como parte da infraestrutura necesaria para dar soporte ao Proxecto Abalar, a Consellería de Educación e Ordenación Universitaria ampliou durante o curso académico 2010-2011 os recursos TIC, mediante a adquisición de novos equipamentos para a creación de aulas dixitais, concretamente nos cursos de 5º de educación primaria e 1º de educación secundaria obrigatoria.
Neste curso incorporáronse novos centros educativos á Rede Abalar, entre eles o noso centro. As dotacións realizáronse ás aulas de 5º de Primaria e no curso seguinte ampliaráse a 6º de Primaria. As aulas dotaránse de canón, pizarra dixital, proxector, ultraportátil para cada alumno e ordenador portátil para profesorado.

Despedimos esta boa nova cun pouco de humor...

A Internet representa un mundo de posibilidades para o lecer e a aprendizaxe pero tamén supón unha serie de riscos, como son os contidos inapropiados ou a facilidade de contacto con persoas que non son sempre o que semellan ou din ser. Pais, nais e profesores son esenciais para axudarche.

O Colexio Profesional de Enxeñaría en Informática de Galicia (CPEIG), en colaboración coa Xunta de Galicia, presenta o PLAN NAVEGA CON RUMBO polo Ciberespazo, unha iniciativa encamiñada a que vós, @s escolares, naveguedes con con seguridade pola Rede, evitando o ciberacoso e outros riscos de Internet.

Non fagas en Internet nada do que non farías na túa vida real!.

A continuación presentamos unhas guías con recomendacións de interese para o alumnado, nais e pais e para o profesorado

Podes acceder a xogos interactivos sobre o tema premendo na imaxe

Toda a información premendo na imaxe

 O GRUPO TIC DO NOSO CENTRO ELABOROU UN BLOG RECOPILATORIO DE RECURSOS DE LINGUA CASTELÁ 

No blog LENGUATICS pódese atopar unha serie de actividades interactivas de lingua castelá clasificadas por ciclos y núcleos temáticos: Gramática, ortografía, vocabulario...O obxectivo é utilizar un medio motivador para que ao alumnado lle sexa máis doado a apredizaxe da lingua castelá.

As actividades poden ser utilizadas tanto como un medio de reforzo como de ampliación de contidos.

Para acceder hai que premer na imaxe