- Día 9 de setembro: Comezo das clases para 4º Infantil, 5º Infantil , 1º, 2º e 3º de E. Primaria.

- Día 10 de setembro: Comezo das clases para 6º Infantil e 4º, 5º e 6º de E. Primaria.

TODO O ALUMNADO DE E. PRIMARIA DEBERÁ ACUDIR AO CENTRO CON MÁSCARA.

ADEMAIS DEBERÁ TRAER OUTRA MÁSCARA DE REPOSTO NUNHA BOLSA OU ESTOXO.

AS DÚAS MÁSCARAS TEÑEN QUE TRAER O NOME DO NENO/A.

O horario deses días será o habitual de 9 a 14 horas (agás 4º de E. Infantil que estará co período de adaptación) tendo en conta as seguintes consideracións especias relativas á organización deste curso escolar no que:

• As entradas e saídas durante este curso escolar (ou mentres a situación así o requira) realizaranse de forma escalonada.

• Nas entradas o alumnado non formará filas para entrar senón que, segundo vaia chegando ao centro, entrará directamente nas clases, tendo en conta a seguinte marxe horaria:

       Alumnado de E. Primaria: entrará só no centro entre as 8:50 e as 9:10 h. As familias non poderán acceder ao recinto escolar, agás o alumnado de 1º de primaria que, o primeiro día de clase, poderá ser acompañado á entrada principal por un só adulto.

       Alumnado de E. infantil: Entrará no centro, acompañado dun só familiar entre as 9:00 e as 9:20 h.

• As saídas realizaranse escalonadas entre as 13:45 e as 14:00 h. Cada curso terá unha hora e unha porta específica de saída. 

Nas seguintes imaxes recóllese unha síntese destas entradas e saídas por cursos, así como as portas utilizadas.

Premendo nas imaxes poden verse máis grandes.

POLA SEGURIDADE DE TODA A COMUNIDADE EDUCATIVA PEDIMOS A TODAS AS FAMILIAS QUE RESPECTEN ESTES HORARIOS DE ENTRADAS E SAÍDAS.

A PUNTUALIDADE DE TODOS XOGA UN PAPEL IMPORTANTE NESTA SITUACIÓN.

Unha vez rematado o prazo inicial (4 de setembro) de presentación de solicitudes do servizo do comedor e dado que temos que organizalo tendo en conta o número exacto de comensais FIXOS, tanto de almorzo como de xantar,

ESTÁBLECESE COMA DATA LÍMITE PARA APUNTARSE A ESTE SERVIZO O DÍA 10 DE SETEMBRO.

AS SOLICITUDES DEBERÁN ENVIALAS POR CORREO ELECTRÓNICO AO CENTRO.

Dada a imposibilidade da organización do comedor para o día 10 de setembro,

NON HABERÁ SERVIZO DE ALMORZO NIN DE XANTAR ATA O DÍA 14 DE SETEMBRO.

Lembramos as características da prestación desde servizo durante este curso escolar:

Dada a situación específica deste curso, non haberá actividades extraescolares, polo menos ata o mes de xaneiro, onde se valorará a situación. Tampouco haberá ludoteca (tempo de espera).

Para acudir á oficina do centro deberán pedir cita previa.

Non se permite no horario das entradas e saídas do centro ou no tempo de recreo a entrada das familias no centro.

Calquera consulta poden facela vía correo electrónico ou telefónica.

Teléfonos de contacto:  881 93 02 10/18

Consultas ou comunicacións específicas relacionada coa situación do COVID-19: 881 93 02 11 - 621 30 43 21