NOVO PARQUE INFANTIL

01/09/2018
Atlantic/Bermuda

Tralas obras realizadas ao longo do mes de agosto, este curso estreamos novo parque infantil. Agora os rapaces poden gozar dun auténtico circuíto ximnástico: barras de equilibrio, ponte oscilante, rodetes de equilibrio... e tamén casiña, tobogáns, cabaliños...

Grazas á dotación aportada pola consellería e á aportación dos socios da ANPA "A Barxa" puidemos converter o patio nun espacio lúdico e educativo! 

Recordamos ás familias que, para un mellor mantemento deste espazo, utilizarase unicamente en horario lectivo en presenza dos mestres ou cos monitores de actividades extraescolares. Agradecemos a colaboración de toda a comunidade educativa.

 

Proclamación de candidatos elixidos para formar o Consello Escolar do centro

De acordo co establecido nos artigos 31º e 51º do decreto 92/1988, do 28 de abril 8 DOG do 29), quedaron proclamados como candidaos elixidos para formar o Consello Escolar do Centro os seguintes representantes:

a) Profesorado:

  • Dª Iria García de la Fuente Nº de votos: 15
  • Dª Aurora de Dios Cabrera Nº de votos: 11
  • Dª Mª Belén Molares Lorenzo Nº de votos: 20

b) Pais/Nais do alumnado:

  • Dª Herminia Álvarez Basalo Nº de votos: 59
  • Dª Pilar Saínza Arias Cerdeiriña Nº de votos: 35
  • Dª Maite Pena Rodríguez Nº de votos: 25
  • Nai proposta pola ANPA: Belén Carballo Domínguez
  • Suplente: Dª Marta Susana Tobío Reboreda Nº de votos: 24

c) Rpresentante do Concello:

  • Dª Mª Jose Loureiro Bada, ata o 31 de decembro de 2018

 

De acordo co citado artigo 51 do Decreto 92/1988, do 28 de abril, contra a presente proclamación de candidatos elixidos poderase presentar por un prazo de 15 días reclamación perante o Delegado Provincial da Consellería de Educación e Ordenación Universitaria. A resolución desta poñerá fin á vía administrativa.

Recollida de tapóns de plástico

A partires do luns 12 de novembro o colexio vai colaborar coa Fundación Amigos de Galicia na recollida de tapóns de plástico con fines solidarios.

Para elo disporemos dun contedor na entrada do centro onde poderedes depositar os vosos tapóns.

Moitas grazas anticipadas pola vosa axuda e colaboración.

Máis información en:

https://www.fundacionamigosdegalicia.org/campa%C3%B1as/tap%C3%B3ns/

Benvida ao curso 2018-2019

Benvidos e benvidas ao curso 2018/2019, un curso que se inicia o mércores 12 de setembro ás 9 da mañá. Un curso que se presenta con novidades, sorpresas e moito, moito agarimo.

Reunión inicial coas familias do alumnado que vai comezar en 4º de Educación Infantil.

 

 Unha vez rematado o prazo de matriculación do alumnado procedemos á elaboración dos grupos dos alumnos que van comezar en 4º de Educación Infantil. Publicaremos nesta páxina, na vindeira semana, o período de adaptación, os grupos, recomendacións de cara ao inicio do curso e a data da reunión inicial coas titoras. Informamos que esta levarase a cabo os primeiros días de setembro.

Un saúdo

A dirección.

Construíndo comunidades educativas inclusivas

O CFR de Vigo en colaboración con FOANPAS organiza unha actividade formativa titulada Construíndo comunidades educativas inclusivas que se desenvolverá o vindeiro sábado día 26 de maio no Verbum de Vigo ( Avda. de Samil 17) en horario de 10 a 14, e de 16 a 20.

 
As familias interesadas poden comunicar a súa asistencia ao CFR de Vigo(986202370)  ou ben a FOANPAS (986298812)

Mesa redonda "Relacións familia-escola" no CFR Vigo aberta as familias

A Conselleríade Cultura, Educación e Ordenación Universitara invita ás familias a asistir a unha formación titulada Educación a debate, que consta de varias sesións sobre distintos temas.

O próximo xoves, 12 de abril, en horario de 18:00 a 20:00, no IES Politécnico de Vigo (Torrecedeira, 88, 36202, Vigo ) terá lugar unha mesa redonda sobre "Relacións familia-escola".

Máis información no documento adxunto.

XORNADAS DE PORTAS ABERTAS

O martes 27 de febreiro e o 6 de marzo realizaremos as xornadas de portas abertas. As familias poderedes visitar as instalacións, coñecer os prazos e procedemento de admisión, etc. Comezaremos cunha charla na biblioteca, situada no segundo andar, ás 17:30. Cómpre anotarse con antelación, chamando ao 886 111 087.

A dirección

 

FORMACIÓN: ATENCIÓN A URXENCIAS SANITARIAS

A Consellería ofrece ás familias a posibilidade de asistir a unha formación de 9 horas sobre atención a urxencias sanitarias, que será impartida por persoal do 061.
Esta formación  desenvolverase no CFR de Vigo (Camiño do Chouzo nº 2, edificio do IME) os días 19 e 26 de febreiro, e 5 de marzo en horario de 16:30 a 19:30.
Para facer a inscrición hai que chamar ao teléfono do CFR de Vigo 986202370 ata o día 9 de febreiro. A selección dos participantes farase por orde de recepción das solicitudes ata cubrir 20 prazas.

 

 

Dinamización Lingüística

Canadá 2017

Eventos

« Febreiro 2019 »
LunMarMérXovVenSábDom
123
45678910
11121314151617
18192021222324
25262728

Iniciar sesión