Novas Secretaría (documentación,....)

Mañá venres 10 de novembro iniciaranse as obras de substitución da carpintería de aluminio da fachada principal do centro. Esta obra realizarase todos os días en horario de tarde.

Por motivos de seguridade a porta principal do edificio pecharase a partir das 14:15, polo que o acceso a este farase pola porta lateral.

Recordamos ás familias que está prohibida a permanencia no recinto escolar antes das 8:45 e despois das 14:15, a non ser que se estea facendo uso da aula matinal, comedor ou das actividades extraescolares

Confirmamos que os días non lectivos elixidos polo noso centro son o 13 de outubro de 2017 e 18 de maio de 2018. 

Poden consultar o resto de días non lectivos no calendario escolar da xunta:

Calendario escolar 2017-2018

2017

2018

Onte foi publicada a Orde da Consellería de Cultura, Educación e Ordenación Universitaria pola que se regula a participación no fondo solidario de libros de texto e se convocan as axudas para a adquisición de libros de texto e material escolar. De cara a o que é o noso centro, distribúese da seguinte maneira:

• Fondo solidario de libros (destinado ao alumnado de 3º, 4º, 5º e 6º de educación primaria).
• Axuda para libros de texto (destinado ao alumnado de 1º e 2º de educación primaria).
• Axuda para material escolar (destinado a todo o alumnado de educación primaria).

Os prazos son os seguintes:

• Entrega de solicitudes: dende o martes, 23 de maio ata o venres, 23 de xuño (ambos inclusive).

               *As solicitudes estarán dispoñibles:

                          - Dende hoxe, 23 de maio, na Secretaría do centro.

                          - Pódese imprimir dende este enlace.

                          - Pódese descargar e cubrir dende a sede electrónica da Xunta de Galicia.

• Publicación das listaxes provisionais: venres, 14 de xullo.
• Publicación das listaxes definitivas: mércores, 19 de xullo.

A recollida e entrega do impreso farase na Secretaría do centro en horario de 9:00 a 14:00. A documentación complementaria a entregar coa solicitude pódese atopar na Orde na páxina 10.

Para máis información sobre este proceso consulte na Secretaría do centro.

IMPORTANTE: o alumnado que foi beneficiario do fondo solidario de libros de texto ou que os adquiriu a través de axudas de libros neste curso 2016/2017, deberá devolver os libros o último día de clase, o venres, 23 de xuño. Advírtese que a non devolución dos libros conleva a exclusión na participación no fondo solidario de libros e nas axudas de libros e material escolar para o vindeiro curso (art. 5.1 da Orde do 16 de maio de 2017).

Queda excluido da obriga de devolución de libros de texto o alumnado de 1º e 2º de educación primaria e o alumnado de educación especial sempre que os libros adquiridos non se poidan reutilizar.

No seguinte documento adxunto pódese ver a listaxe definitiva dos admitidos/as e non admitidos/as no noso centro para o vindeiro curso 2017/2018 desagregadas por cursos.

Lémbrase que dende o día 20 ata o 30 de xuño (ambos inclusive), deberase formalizar a matrícula. En caso de non formalizarse nas datas especificadas terase por decaído ao dereito de praza no centro. No documento adxunto detállase a documentación a presentar no período de matriculación.

Un saúdo.

Vigo, 12 de maio de 2017.