1º de Educación Primaria

1º de Educación Primaria

VÍDEO RESUMO NADAL 1º A EP

O alumnado de 1º A de educación primaria ten o pracer de presentarvos o vídeo resumo destas últimas datas previas ao Nadal. Esperamos que sexa do voso agrado e despedímonos ata o ano que vén. Felices festas a tod@s!

COMEZAMOS UNHA NOVA ETAPA

 

Comezamos esta etapa de educación primaria con moitas dúbidas, medos, inquedanzas, expectación... por saber como sería o novo curso? como sería a nosa profe? como traballariamos? teríamos xoguetes? sería difícil o curso? E, por fin, chegou o día. 

Ao principio tivemos unha profe chamada Goretti que estaría con nós uns días ata que se incorporase a nosa profe Ana. Durante este tempo aprendemos algunhas cousas e fixemos resumo das nosas vacacións. Tamén foi un tempo para coñecernos máis e dar a benvida ao noso novo compañeiro Martín. 

Logo comezou a profe Ana e tivemos que adaptarnos a unha nova forma de traballo e o primeiro que tivemos que aceptar foron as normas de aula e de convivencia no centro. Comprendemos que é moi importante respectarnos os uns aos outros para que poidamos aprender e pasalo ben na escola. Aínda podemos mellorar, pero xa o facemos moi ben. 

Pois ben, durante este trimestre aprendemos moooooitas cousas: números, sumas e restas, resolver problemas, formas xeométricas, ler, escribir, normas de ortografía, escribir listas, moito vocabulario en galego grazas as actividades do cole pero o que máis nos chifla son os "Pasapalabra" dos venres con todo o aprendido durante a semana. Aprendemos partes do cole e da casa, algunhas profesións relacionadas con estes lugares e somos uns expert@s en animais pero aínda seguiremos investigando que nos quedan moitas preguntas por resolver.

Pero máis importante aínda...Aprendemos a falar na clase cando é a nosa quenda e a respectar as opinións e intervencións dos demais (aínda que, en ocasións, precisamos un recordatorio da profe). Tamén, que temos que ser bos compañeiros e ser solidarios cos demais, a non deixar a ninguén atrás e procurar que TODOS poidamos aprender moito e continuar avanzando xuntos.

Como a profe Ana estivo maliña un tempo, tivemos a oportunidade de coñecer á profe Patri que foi moi boa con nós e traballamos moito con ela. Sempre teremos un bo recordo dela porque deunos a cada un de nós, un lapis moi bonitiño con goma incluída. VAIA SORTE TEMOS!

Tamén neste tempo realizamos actividades chulas como foi a celebración do Samaín que aproveitamos para disfrazarnos o máis terrorificamente posible, decorar as nosas cabazas e zampar unhas ricas castañas. Velaquí tendes algunha mostra:

       SAMAIN 1º A 19-20

 

Queremos compartir tamén unha pequena mostra de como nos iniciamos na investigación en grupo. Cada neno ou nena que tivera na casa un libro de animais podería traelo á escola para poder buscar a información necesaria e iamos completando as fichas de investigación: tipo de animal, características, que come?, onde vive?, curiosidades, etc.

Cando tiñamos toda a información fixemos a clasificación dos animais segundo o grupo (mamífero, anfibios, réptiles, aves e peixes) o hábitat (selva, granxa, deserto, tundra, sabana, bosques, mares, ríos...) e a alimentación (carnívoros, herbívoros, omnívoro).

Mirade que guapiñ@s estamos nestas fotos:

Investigando animais 1º A 19-20

 Clasificación animais 1º A 19-20

 

Aínda nos queda pasar un bo día entre todos no festival de Nadal e logo tócanos descansar un pouquiño para coller forzas e continuar nesta nova experiencia na etapa de Primaria.

Polo pronto despedímonos cunha aperta enorme de grande. 

 

 Alumnado de 1º A de Ed. Primaria 

 

Distribuir contido

          O Centro
    Datos:
       Datos do centro
       Localización
       Instalacións/dependenc.
       Horarios
       Calendario escolar
   Organigrama:
       Equipo directivo
       Consello Escolar
       Profesorado
       Persoal non docente

        Secretaría

       Información
       Matrículas
       Libros de texto
       Axuda Libros de texto
       Comedor
       Axudas

     Xefatura de Estudos

       Información
       Documentos oficiais

          Áreas - Materias

       C. Natureza - C. Sociais
       Educación Física
       Inglés
       Lingua Castelá
       Lingua Galega
       Matemáticas
       Música
       Plástica
       Relixión

        Infantil

       3 anos
       4 anos
       5 anos
       Inglés EI
       Relixión EI
       Educación Física EI      
       Música EI

« Xaneiro 2020 »
LunMarMérXovVenSábDom
12345
6789101112
13141516171819
20212223242526
2728293031

Dinamización Lingua Galega

       Actividades
       Certame Literario
       Intercentros
       Teatro
       Contacontos
       Letras Galegas

         Biblioteca

       Mascota

       Fotos

       Contos

       Poesías     

        Últimas Adquisicións

        Convivencia

       Coidado dos baños
       Mediadores
       Policias medio ambiente
       Educación Vial