Información

PROFESORADO CURSO 2019-2020

Aquí tedes a relación de profesorado para o curso 2019-2020. Hai dúas titorías compartidas, a de 6º B e 6º C , xa que a administración non enviou máis profesorado para cubrir as horas de inglés que ocupan as outras dúas profesoras unha coa secretaría e outra coa titoría de 6º B que o curso pasado ocupaba a directora. Para cubrir a xubilación da profesora Mª Jesús Felpeto enviaron a unha profesora para dar inglés e levar a titoría dun curso. Polo que en 6º C estará de titora Carolina Núñez García, e completará o horario o profesor José Bernado Montero Doce.

PROFESORADO 2019-2020....PICAR PARA VER.

COMUNICADO DA DIRECCIÓN DO CENTRO.

 

Enlace para mais información sobre as medidas decretadas polo Ministerio de Educación en relación coa situación provocada polo covid-19.

https://www.educacionyfp.gob.es/destacados/covid19.html

 

Instrucións 3º trimestre publicadas o 28 de abril. Enlace á páxina da Xunta.

 

Instrucións provisionais sobre o terceiro trimestre.

Publicado no BOE o acordo entre o Ministerio e as Consellerías de Educación  para o terceiro trimestre. (Enlace ao BOE)

 

 

AVISO: OS ESPECIALISTAS POÑEN TRABALLO NO APARTADO DE AREAS MATERIAS

Ademais do traballo que cada titora pon no apartado de Educación Primaria e Educación Infantil, as especialistas de Inglés, música, relixión e Educación fisica están poñendo traballo no apartado de Areas-Materias. Así como as profesoras de AL e PT, e a Orientadora están poñendo recomendacións e suxerencias no bloque de orientación. Non deixedes de miralo. Grazas.

NOVA PROLONGACIÓN DO ESTADO DE ALARMA DECRETADO POLO GOBERNO (NOVO)

Prolongado o Estado de Alarma en todo o país.  Si saimos á rúa para facer as xestións permitidas recomendan usar mascarillas hixiénicas e manter a distanza de seguridade de dous metros.

Por todo isto este centro permanece pechado para a docencia ata nova orde desde o día 16 de marzo e ata o 24 de maio.

Estaremos abertos para labores administrativas a partir do 11 de maio e ata o 18 inclusive en horario de 9:30 a 13:30.

 Se algunha familia segue a ter dificultades para a recepción das tarefas que enviamos para o alumnado terá que poñerse en contacto coa titora correspondente para buscar o mellor xeito de enviarllo. Contamos coa axuda do Concello de Narón para facer algún deses envios. É moi importante este contacto.

Toda a comunicación deberá facerse por vía electrónica:

ceip.gandara.naron@edu.xunta.es (correo electrónico do centro)

www.edu.xunta.gal/centros/ceipgandaranaron (paxina web do centro)

Tfno. 881938386 (Entre as 9:00 e as 14:00 nos días laborables)

Tfno. Orientadora : 881 93 83 91 (Horario de mañá). Para facerlle consultas ou por si algún ou algunha dos/as nosos/as alumnos/as precisa falar con ela polo motivo que sexa.

O alumnado recibirá tarefas para facer na casa por medio da páxina web do centro,  no apartado de cursos situado na parte esquerda desta páxina e tamén no apartado Áreas-Materias por parte dalgún especialista.

Non é necesario que imprimades os traballos, o que enviamos son recomendacións e traballo para facer en libretas que teñades por casa ou en folios. O principal é que o alumnado teña unhas rutinas de traballo diario. É imprescindible que teñamos comunicación coas familias para poder adaptar as tareas que propoñemos. O alumnado debe facer o traballo poñendo o día que o fixo e gardalo de xeito ordeado por si a titora quere revisalo nunha posterior incorporación presencial ao centro.

Aquí tedes os correos electrónicos do profesorado para que poidades poñervos en contacto, se queredes preguntar algo, se o alumnado precisa dalgunha aclaración, ou simplemente para saber que seguimos conectados. 

É moi necesario manter o contacto entre o alumnado e o profesorado polo menos unha vez á semana. Pode ser vía electrónica ou por teléfono. 

Correos  do profesorado.

É responsabilidade de todos e todas cumprir as normas dadas polo goberno para non expandir os contaxios do covid-19. Desexamos reanudar pronto a nosa actividade presencial, pero non o decidimos nós xa que dependemos do que ordenen as autoridades sanitarias, mentres tanto esta será a forma de comunicarnos.

GRAZAS A TODOS E TODAS POLA VOSA COMPRENSIÓN. #COIDATE, COIDANOS.

CIRCULAR DE COMEZOS DE CURSO

Hoxe deron comezo as clases. O alumnado de 1º A estivo sen profesora titular porque está con permiso de matrimonio. Foron atendidos polo profesorado de garda. Mañá incorpórase a substituta que se chama Mª Goretti.

Tamén comezou a funcionar o comedor coas seguintes incidencias: Houbo pais que non avisaron que nenos e nenas comezaban hoxe a usar o servizo. Hai que avisar sempre antes a Paula.(O servizo é por catering e antes das 9:30 h. encargamos os menús necesarios, polo que temos que saber con anterioridade quen vai facer uso do servizo para que chegue a comida e non haxa desperdizos) Lembramos que non se pode usar o comedor se non se ten solicitado e os datos do alumnado non están cargados no programa.

Cambia a empresa concesionaria, agora é Eurest, que ven da Coruña. Hoxe houbo un contratempo xa que non trouxeron vaixela nen cubertos e houbo que ir mercar platos, vasos e tenedores dun so uso. E tamén xarras plásticas para servir a auga.

Da circular que leva o alumnado para casa tedes aquí unha copia. CIRCULAR.

 

As autorización e follas de recollida de datos que entregamos coa circular tedes que devolvela á titora debidamente cuberta e asinada o antes posible.

Grazas polo vosa colaboración e agardamos que os pequenos contratempos do primeiro día vaian solucionándose.

CALENDARIO ESCOLAR DO CURSO 2019-2020

Este é o calendario do curso 2019-2020. Os días propostos como non lectivos (20 de marzo e 4 de maio de 2020) temos que solicitalos a Xefatura Territorial para a súa aprobación e deberán coincidir co resto dos CEIP de Narón.

Cando sexan aprobados o confirmaremos na páxina web.

 

CALENDARIO 2019-2020.....PICAR PARA VER

Competencias da Xefatura de Estudos

Segundo o Artigo 34º do capitulo II do Regulamento Orgánico de Centros

O Xefe de estudos  realizará funcions da súa competencia como son:

a) Exercer, por delegación do director e baixo asúa autoridade, a xefatura do persoal docente en todo o relativo ó réxime académico.

b) Substituí-lo director en caso de ausencia, enfermidade ou suspensión de funcións.

c) Coordinar e velar pola execución das actividades de carácter académico e de orientación de profesores e alumnos, en relación co proxecto educativo do centro, os proxectos curriculares de etapa e a programación xeral anual.

d) Elaborar, en colaboración cos restantes órganos unipersoais, os horarios académicos de alumnos e profesores de acordo cos criterios aprobados polo claustro e co horario xeral incluído na programación xeral anual, así como velar polo seu estricto cumprimento.

e) Coordina–la actividade dos coordinadores de ciclo.

f) Coordinar e orienta–la acción dos titores de acordo co plan de acción titorial.

g) Coordina–la participación do profesorado nas actividades de perfeccionamento, así como planificar.

e organiza–las actividades de formación de profesores realizadas polo centro.

h) Coordina–la actividade docente do centro, con especial atención ós procesos de avaliación, adaptación curricular e actividades de recuperación, reforzo e ampliación.

i) Facilita–la organización dos alumnos e impulsar a súa participación no centro.

l) Establece–los mecanismos para corrixir ausencias imprevistas do profesorado, atención a alumnos accidentados ou calquera eventualidade que incida no normal funcionamento do centro.

m) Organiza–la atención dos alumnos nos períodos de lecer.

n) Calquera outra función que lle poida ser encomendada polo director dentro do ámbito da súa competencia.

 

Distribuir contido

          O Centro
    Datos:
       Datos do centro
       Localización
       Instalacións/dependenc.
       Horarios
       Calendario escolar
   Organigrama:
       Equipo directivo
       Consello Escolar
       Profesorado
       Persoal non docente

        Secretaría

       Información
       Matrículas
       Libros de texto
       Axuda Libros de texto
       Comedor
       Axudas

     Xefatura de Estudos

       Información
       Documentos oficiais

          Áreas - Materias

       C. Natureza - C. Sociais
       Educación Física
       Inglés
       Lingua Castelá
       Lingua Galega
       Matemáticas
       Música
       Plástica
       Relixión

        Infantil

       3 anos
       4 anos
       5 anos
       Inglés EI
       Relixión EI
       Educación Física EI      
       Música EI

« Agosto 2020 »
LunMarMérXovVenSábDom
12
3456789
10111213141516
17181920212223
24252627282930
31

Dinamización Lingua Galega

       Actividades
       Certame Literario
       Intercentros
       Teatro
       Contacontos
       Letras Galegas

         Biblioteca

       Mascota

       Fotos

       Contos

       Poesías     

        Últimas Adquisicións

        Convivencia

      Datas a destacar

      Coidado dos baños

        Mediadores

        Policias medio ambiente

        Educación Vial