Novas

Novas

Desprazándonos sobre dúas rodas

O pasado mércores, 4 de abril, tivemos a sorte de contar con Jose, pai de Lucía de 5ºA.

Co gallo do P.D.I. anual "Vivindo san no cole Frian" o alumnado de 5º está a estudar a "Bicicleta" como medio de transporte saudable. Queremos informarnos de todas as posibilidades que nos ofrecen as bicis e tamén dos seus riscos. Buscamos ser ciclistas responsables e seguros para desfrutar deste estupendo vehículo.

Jose, explicounos moi polo miudo o mundo da bicicleta, para iso trouxo a súa bicicleta e a roupa que emprega para facer as súas rutas. Estivemos moi atentos. Aprendemos e desfrutamos moito.

Esperamos que Jose tamén desfrutara de estar connosco.

Moitísimas grazas, familia, polo voso tempo!

 

 

Novo equipamento Abalar-Edixgal

Fai unhas semanas tivemos a sorte de recibir novo equipamento tecnolóxico para o alumnado de 5º e 6º dentro do Proxecto Abalar-Edixgal. Equipos moi modernos, máis rápidos e lixeiros, con moita maior capacidade. Están pensados para que o alumnado, previo compromiso familiar, póidanos levar ás súas casas, con fins educativos. Algúns destes alumnos/as así o están a facer.

Nas seguintes imaxes podemos ver as caras de felicidade...

A xoia do Románico

Co gallo da exposición do Pergamiño Vindel, na nosa cidade, o alumnado de 5º de primaria, non deixou pasar a ocasión de achegarse a ver esta xoia do románico. Dita peza tivo que viaxar moito para acabar durante unha tempada no Museo do Mar de Vigo.

No seguinte vídeo veremos algúns momentos de dita visita.

Grazas a quen fixo posible que esta xoia estea ao alcance de todos nós!

Xornada de acollida no IES República Oriental do Uruguai

O alumnado de 6º de primaria visitou o IES República Oriental do Uruguai (ROU) para realizar unha xornada de acollida. Fomos camiñando dende o colexio, o tempo acompañaba, e as distancias non son moi grandes.

Alí esperábannos para presentarnos o proxecto deste ano; facendo  de mestres de ceremonias, antigos alumnos/as de Frian. Que orgullo!

Ensináronnos distintas dependencias do centro: a biblioteca, a aula de bilingüe, o laboratoiro, o horto, etc. Compartiron connosco un obradoiro de ciencia, onde sorprendéronnos con moitas actividades; participamos nunha demostración de robótica...

Agasalláronnos cunha estupenda merendola e conseguimos que nos convidaran a representación de "Romeo e Julieta", pero iso é outra historia....

 

Vémonos axiña!

Obradoiro "Riscos na internet"

riscos

 

Corremos riscos na internet?
No día de hoxe, 27 de maio, a Policía local de Vigo segue a botarnos unha man no cole. Nesta ocasión veu a falarnos sobre os riscos que corremos na internet a diario.
Resultou unha charla moi interactiva e impactante, xa que, os rapaces tomaron conciencia das posibilidades tanto positivas como negativas do uso da internet.
A charla centrouse na obrigada actualidade da utilización das redes sociais , un tema no que so deberiamos entrar a partires dos 14 anos, pero que, cada vez o utilizamos con moita máis lixeireza.
Os nosos/as nenos7as escoitaron casos reais de situacións nas que eles mesmos poderíanse ver envoltos e recibiron os consellos máis acertados e seguros.

Powered by Drupal - Design by artinet