Benvida

Benvidos ao novo sitio de Webs dinámicas!

Sitio web do CENTRO EDUCATIVO.

UN MINUTO DE SILENZO POLO NOSO PLANETA

 

O noso colexio sumouse este venres, 27 de setembro, á causa abandeirada polo movemento Fridays for Future para combater a crise climática e que están apoiando moitas organizacións como ADEGA.

Toda a comunidade educativa está preocupada polas consecuencias que o cambio climático produce  nos ecosistemas mariños e terrestres.

Así, as 12:00 h, no patio do colexio, tivo lugar un minuto de silenzo para recordar a gran responsabilidade que teñen tanto as Administracións e os Gobernos como as persoas de xeito individual e colectivo á hora de conservar en perfecto estado o lugar onde vivimos.

Seguiremos durante todo o curso con accións encamiñadas a este fin. 

 

INICIO DE CURSO 2019-20

Benvidos e benvidas a un novo curso!!!

Desde o colexio queremos recordarvos que as clases comezarán o próximo día 11 de setembro (mércores).

 

ENTRADA AO CENTRO:

 

Alumnado de E. Infantil:

Nenos e nenas de 3 anos: As profesoras terán unha reunión coas familias o luns, día 9 de setembro, ás 17:00 horas, na que se lles informará sobre o programa de adaptación e incorporación ao Centro. Dita reunión terá lugar na Biblioteca do colexio.

Nenos e nenas de 4 e 5 anos: Ás 9:00 horas

Alumnado de E. Primaria:

Como en anos anteriores a entrada farase de xeito escalonado:

1º nivel: ás 9:00 horas

2º nivel: ás 9:30 h

3º nivel: ás 10:00 h

4º nivel: ás 10:30 h

5º nivel: ás 11:00 h

6º nivel: ás 11:30 h

O alumnado de Primaria e as familias serán recibidos na Biblioteca do Centro.

Aqueles nenos e nenas que por diversas causas acudan ao Centro a primeira hora (9:00 h), estarán a cargo de profesorado de garda pero deberán avisar previamente da súa chegada.

 

 

 

LISTAXE DEFINITIVA DE SOLICITUDES DE PARTICIPACIÓN NO FONDO SOLIDARIO DE LIBROS DE TEXTO 2019/2020

Publicación das listaxes definitivas  dos libros do fondo solidario asignados a cada alumna ou alumno de 3º, 4º, 5º e 6º de EP.

Tamén están dispoñibles os vales para adquirir libros de texto para o alumnado de 1º e 2º de EP e de EE, e, os vales para adquirir material escolar.

Prazo de entrega de libros e vales: do 15 ao 19 de xullo e do 2 ao 6 de setembro.

LISTAXE PROVISIONAL DE SOLICITUDES DE PARTICIPACIÓN NO FONDO SOLIDARIO DE LIBROS DE TEXTO 2019/2020

A listaxe provisional de solicitudes de participación no fondo solidario de libros de texto para o alumnado de 3º, 4º, 5º e 6º de EP recolle só o número de libros asignado a cada alumna ou alumno.

As persoas interesadas poderán reclamar nos dous días seguintes á publicación, martes 9 e mércores 10 respectivamente.

Resoltas as reclamacións publicaranse as listaxes definitivas e procederase á entrega dos mesmos.

LIBROS DE TEXTO, CURSO 2019-2020

Na listaxe de libros de texto para o curso 2019-2020 detectáronse erros nos seguintes libros: libro de Inglés de 2º de EP, ISBN do libro de Ciencias Sociais de 5º de EP e faltaban os libros de Relixión Católica. Achégase unha nova listaxe con estas correccións.

MATRÍCULA NO COMEDOR ESCOLAR PARA O CURSO 2019-2020

O prazo de solicitude de reserva de praza e matrícula no Comedor Escolar para o curso 2019/2020 é do 25 de xuño ao 22 de xullo (ambos incluídos).

O impreso de solicitude de matrícula, debidamente cuberto, entregarase no Rexistro Xeral do Concello (Rúa Presidente Salvador Allende 4, Galeras) ou no Rexistro auxiliar do Centro Sociocultural do ensanche.

Información matrícula

Impreso matrícula

MATRÍCULA PARA O CURSO 2019/2020

O prazo de matrícula para o novo alumnado de educación infantil e primaria remata o 30 de xuño.

DOCUMENTACIÓN PARA A MATRÍCULA:

1. Anexo III cuberto.

2. Ficha de datos cuberta.

3. Enquisa idioma cuberta. (só 3 anos)

4. Orixinal e copia do Libro de Familia (tódalas páxinas que estén escritas)

5. Orixinal e copia do DNI dos pais e do alumno/a se o ten.

6. Orixinal e copia da Cartilla de Vacinación. ( Educación Infantil)

7. Orixinal e copia da Tarxeta Sanitaria.

8. Tres Fotografías (2 fotos para Educación Primaria)

9. En caso de cambio de colexio, certificación académica ou boletín de notas do último curso.

LISTAXE DE LIBROS PARA CURSO 2019-2020

Listaxe de libros de texto para o curso 2019-2020.

CARREIRA EN SAN LÁZARO

O último día do curso, seguindo a tradición dos  20 anos anteriores, desprazámonos todas e todos ao estadio Verónica Boquete de San Lázaro para as tradicionais carreiras. Desfrutamos do bo tempo matutino para despedir o curso con música, deporte e convivencia.

BOAS VACACIÓNS ESTIVAIS A TODA A ACOMUNIDADE EDUCATIVA!!!!

Distribuir contido