ENVÍO DOS BOSQUEXOS A LULA GOCE
8 de outubro de 2021
Tania e Lúa (da clase de sexto) e Tomás e Omar (de quinto) foron as persoas elixidas para organizar o envío de todos os bosquexos presentados polo alumnado do centro.
Primeiro, percorreron as aulas para recoller os debuxos. No despacho de dirección, prepararon unha portada por cada curso. Despois de varias probas, escaneáronnos e organizáronnos en carpetas para llelos enviar por correo electrónico a Lula Goce, ao centro e á ANPA.
Velaquí as fotos de todo o proceso. Como veredes, empregáronse as novas tecnoloxías da información e da comunicación de acordo coa metodoloxía proposta no proxecto que, recordámosvos, promove o uso responsable de internet e das TIC.
No ficheiro adxunto que atoparedes máis abaixo, podedes ver todos os proxectos do alumnado organizados por curso.
Grazas a Tania, Lúa, Tomás e Omar por este bo traballo e grazas a todo o alumnado polos debuxos realizados!
| Adxunto | Tamaño |
|---|---|
| Bosquexos_Lula_Goce.pdf | 12.75 MB |
- 95 lecturas
