Esta semana toca debuxar. Imos facer uns cantos pentágonos enlazados. Primeiro debuxámolos a lapis, logo repasamos co pilot (ou rotulador negro) e finalmente,cando xa teñamos o debuxo rematado DECORAMOS. Os materias que precisamos esta semana son os seguintes: - Unha cartolina ou folio branco. - Un lapis. - Un pilot negro ou rotulador fino. - Ceras plastidecor. LISTO artistas, a crear arte.
Durante esta semana imos mellorar un pouco a condición física, para iso ides utilizar un teléfono que os mestre de educación física poñemos á vosa disposición.
Propoñévosvos que fagades unha chamada o luns e outra o mércores a calquera persoa con quen che gustaría falar: avós, avoas, amigas, tíos, primas,...
Ademais, podedes aproveitar para aprender o teléfono dos vosos pais para usalo cando sexa necesario.
Instrucións do dispositivo
Teclear o número de teléfono da persoa a que queiras chamar. A teclear cada número teredes que facer o exercicio que se vos pide.
O teléfono non funciona moi ben polo que entre un número e outro teredes que descansar 15 segundos polo menos. Se non tedes cronómetro, contade ata 1015, empezando por 1000. É dicir, 1001, 1002, 1003, 1004 e así ata chegar ata 1015.
Cando teñades terminado podedes aproveitar e facer unha chamada real á persoa na que estabades pensando. Segurísimo que o facedes moi, moi feliz.
Este é o teléfono
Deixámosvos aquí o plan para o resto da semana. A pasalo ben e a facer felices a algunhas das persoas que vos queren e que teñen gañas de saber de vós.
