Axudas para libros de texto e material escolar:17/18
A Consellería de Educación ven de convocar as axudas para adquisición de libros de texto para o alumnado que cursará 1º e 2º de primaria. Na mesma convocatoria, e utilizando a mesma solicitude, tamén se accede ás axudas para comprar material escolar para calquera dos cursos de primaria, así como para optar ao Fondolibros (banco de libros solidario para o alumnado que curse 3º e 4º de primaria o vindeiro curso).
O alumnado de 5º e 6º de primaria utilizará un ano máis libros dixitáis dentro do proxecto Edixgal (gratuito para todos).
As solicitudes e documentación entréganse na secretaría do Colexio, e o prazo termina o venres 23 de xuño.
