Skip to Content

Profesorado, 2º Ciclo Educación Infantil, 1º Ciclo Educación Primaria, 2º Ciclo Educación Primaria, 3º Ciclo Educación Primaria, Especialidades

ESCOLAS 110% BRANQUIAZUIS

 

O ALUMNADO DE 6º DE EP VISITA O ESTADIO DE RIAZOR.

Un equipo, unha historia, 112 anos de fútbol. O 8 de maio visitamos o estadio de Riazor, campo do Real Club Deportivo da Coruña, onde puidemos ver algunhas das súas instalacións. Pasamos polos corredores interiores, por onde se moven os xogadores do 1º equipo, adornados con grandes fotos de momentos históricos e dos trofeos gañados polo club. Sentamos nos vestiarios do equipo, nos banquiños dos xogadores reservas e equipo técnico, no palco de honra (onde senta o presidente e outras autoridades), e tivemos unha visión diferente do campo onde se xogan os partidos.

Logo un reporteiro deportivo do diario LA OPINIÓN contounos a historia deste club, os campos onde comezou xogando, amosounos diferentes fotos do estadio de Riazor coa súa evolución e os cambios que foi sufrindo, e a transformación que vai ter este verán. Quedará un estadio chulísimo.

A continuación, dúas xogadoras do equipo feminino de Deportivo contestaron ás nosas preguntas e  asináronnos unhas fotos súas. Moita sorte para o equipo feminino, esperamos velo moi pronto na 1ª división.

Para rematar fixemos todos xuntos unha foto co estadio de fondo. Só faltou o presidente (estaba ocupado nunha rolda de prensa).

A visita tiña a finalidade de transmitirnos OS VALORES DO DEPORTIVISMO.

Ser do Depor é moito máis ca ir aos partidos e levar unha bufanda branquiazul. Ser do Depor é ser acolledor, deportivo, saber gañar e perder, ser bo compañeiro.

FORZA DEPOR

 

 

 

 

VISITA DE LEDICIA COSTAS

No día de hoxe contamos no colexio coa visita da escritora Ledicia Costas, gañadora do premio MERLÍN de LITERATURA INFANTIL pola súa obra "Escarlatina, a cociñeira defunta". Mantivo un encontro co alumnado de 5º e 6º que escoitaron con moita atención as súas historias sobre os personaxes do seu libro, especialmente as referidas ao avó de Román, o protagonista do libro, xunto con Escarlatina, porque dixo estaban inspiradas no seu propio avó, un personaxe curioso.

Outro tema que deu moito xogo no encontro foi a historia do gato Moroto na lavadora. Deulle pé a Ledicia para contar outras historias reais que lle foron contando outros nenos no seu recorrido polos colexios de Galicia. En case todas aparecían as avoas como indutoras das historias simpáticas que lles ocurrían aos animais.

Un encontro interesante.

 

Entrevista con Ledicia Costas

Distribuir contido


by Dr. Radut