TALLER VOLUNTARIADO MIÚDO DO PROXECTO "O MEU AMIGO MAIOR"

O alumnado de 6ºA recibiu formación de voluntariado miúdo dentro do proxecto "O MEU AMIGO MAIOR"

Aquí podedes ver a galería de fotos.

NOVOS CAMIÑOS AO XARDÍN DE JUANITA

“Participación en proxectos e investigación no medio natural, expresando as actividades realizadas e os resultados obtidos mediante diferentes representacións”.

Currículo do segundo ciclo de Educación Infantil. Área: coñecemento do contorno. Bloque 2. Achegamento á natureza. Xunta de Galicia, 2009

   Cando Angélica Sátiro nos propuxo a Rosario Belda e a min crear unha obra colectiva cos nenos e nenas da miña titoría, comezamos axiña xa que tres cursos con criaturas de Educación Infantil non era tanto tempo.

   Queriamos un obxecto que representara a nosa participación no proxecto “El jardín de Juanita” y como a obra máis coñecida desta artista son os mapas téxtiles, pensamos que o producto final debería mostrar o camiño dende o aulario de infantil ata o xardín.

   Ao longo dos tres cursos, tinximos as teas que serviron como soporte á obra con diferentes técnicas (Hapa-Zome, co sol e coa calor), pero o gran reto da nosa colaboración era non perder as bases sobre as que se sustenta a Filosofía Lúdica: a mellora do pensamento.  Para desenvolver habilidades de pensamento nxs nenxs, axudeilles a enfocar a súa mirada en todo o proceso de creación a través do diálogo, facéndolles preguntas que lles orixinaran pensamentos sobre o que estaba a ocorrer e abrindo os ollos á diversidade.

   Ao tempo que Rosario ía cosendo a súa cartografía téxtil, na escola estábamos a crear os nosos propios mapas e a sinalar o camiño que percorremos un día á semana dende outubro de 2016.

 

   Por iso, cando tivemos a obra final na clase para xogar con ela, entendemos a súa visión diferente, mestura de realidade e imaxinación: El mapa de Charo no es normal y corriente, no se ve lo que es, parece que vamos por un camino nuevo. Los dos (mapas) eran difíciles, porque Charo tuvo que pensar para hacer el suyo, pero el nuestro era más fácil porque lo inventamos entre todos. Pensamos y hablamos entre nosotros, así pensamos todas las cabezas y podemos tener muchas ideas”.  

    

   Esta nova obra, que xa consta no curriculum de Rosario Belda …

“2019: El camino al Jardín de Juanita. En colaboración con los niños y niñas de 5 años del CEIP Pardo Bazán de A Coruña”

… poderedes vela, no contexto do proxecto do xardín de Juanita, no mes de Xuño. A Fundación Luís Seoane acollerá a exposición “El jardín de Juanita”, coas experiencias dos 8 países participantes: España, Portugal, Italia, Brasil, Colombia, México, Uruguai e Arxentina .

   A autora do proxecto estará presente na inauguración desta exposición; pero mentres podedes coñecela e ver as bases filosóficas do mapa no blogue de Rosario Belda.

                                                                                                                             MAR Santiago Arca, abril 2019

 

 

Contacontos para primeiro e segundo na biblioteca do cole

Hoxe, martes 9 de abril, na biblioteca do colexio, os nenos e as nenas de primeiro e segundo coas titoras disfrutamos dunha sesión de contacontos dirixido por Iago da editorial Anaya e que é un contador de contos marabilloso.

Para primeiro o conto foi "feliz feroz" no que Iago nos fixo imaxinar unha familia de lobos feroces na que un lobiño non quere ser feroz, senón que quere ser feliz e a partir de aquí ao Lobo feroz espéralle unha dura tarefa para educar ao seu sobriño na ferocidade. 

 

Para segundo o conto foi "o lobo con botas" con lobos, gatos, xigantes e un Noé Prenas convertido nun lobiño con moita imaxinación. Lobiño Feroz é o maior admirador do Gato con Botas, a estrela infantil de moda entre os animais do bosque. Todos queren vestir o seu sombreiro, empuñar a súa espada e calzar as súas botas, algo que o tío do Lobiño aproveita para facer negocio. Xogar seguirá a ser divertido cando teñan todo o que queiran? 

Un encontro moi agradable e divertido no que, todo hai que dicilo!, os nenos e nenas leron os contos nas súas respectivas clases. Parabéns polo gusto pola lectura.  Grazas!

 

GALERÍA DE FOTOS

 

OS ELECTRECOS-BOLECHAS VEÑEN AO COLEXIO

 O mércores día 3, os nenos e nenas de 2º  recibimos a visita dos Electrecos Bolechas que nos dixeron que querían formar un gran equipo de reciclaxe con todos os nenos e nenas galegos para a RAEE, que é a Reciclaxe de Aparellos Electrónicos e Eléctricos e así poder defender o planeta da contaminación, do abuso dos recuros de das malas prácticas que poñen en perigo o noso medio. 

 

 Aprendimos moitas cousas e pasámolo moi ben. Ao rematar aprendimos un rap sobre a RAEE e bailamos todos e todas  ao ritmo.

Visita ao estadio de Riazor

O alumnado de 6º de primaria foi de visita ás instalacións do RC. Deportivo de A Coruña no estadio de Riazor onde poideron charlar con xogadoras e xogadores dos primeiros equipos. Ver galería.

CHARLA SOBRE NUTRICIÓN

O alumnado de 6º de primaria asistiu a unha charla sobre nutrición que impartiu no noso colexio a nutricionista Irene Calvelo. Con ela aprenderon a comer e a mercar alimentos para unha correcta alimentación. Agora a poñelo en práctica. GALERÍA

O CONSORCIO DAS MARIÑAS "A AUGA NON PARA"

O CONSORCIO DAS MARIÑAS trouxo o programa "O ciclo da auga" ao alumnado de 6º de primaria do noso centro.

Noraboa ao alumnado de 6ºB pola clasificación para a seguinte fase. GALERÍA

 

SAÍDAS rutas urbanas

SAÍDA DOS NENOS E NENAS DE SEGUNDO A MARÍA PITA

Dentro do programa do Concello das rutas urbanas, este mes, saímos os cursos de segundo a facer unha exploración pola praza de María Pita para atopar tesouros agachados. 

Aprendemos moito sobre a nosa cidade, as súas batallas, a heroína María Pita e descubrimos a placa da praza situada na fachada dunha casa á entrada pola porta Real.

Tivemos que correr moito, dun lado ao outro para ir cubrindo o noso libriño de tesouros.

Entramos no Concello, na sala de plenos y mirando para as vidrieiras descubrimos catro ilustres mulleres galegas: EMILIA PARDO BAZÁN, ROSALÍA DE CASTRO, CONCEPCIÓN ARENAL E MARÍA PITA. Foi un tempo moi aproveitado cun fermoso día de sol. 

 

GALERÍA DE FOTOS

 

 

ADMISIÓN ALUMNADO 2019-2020

Finalizado o prazo de presentación de solicitudes no proceso de admisión de alumnado para o vindeiro curso escolar 2019-2020, comunicamos que TÓDALAS SOLICITUDES PRESENTADAS OBTIVERON PRAZA, agás a solicitude presentada para 5º curso de educación primaria por non existir vacantes.

 

LISTAXES DEFINITIVAS DE ADMITIDOS E NON ADMITIDOS

 

 

CONTRA ESTAS LISTAXES PODERASE INTERPOÑER RECURSO DE ALZADA ANTE O XEFE TERRITORIAL DA CONSELLERÍA DE EDUCACIÓN, U. E FP. ATA O DÍA 13 DE XUÑO.

O PRAZO PARA FORMALIZAR A MATRÍCULA VAI DO 20 AO 30 DE XUÑO.

 

As familias do alumnado de novo ingreso no centro que desexen darse de alta na Asociación de Nais e Pais (ANPA Milnen@s) poden facelo non seguinte ligazón:

https://milnenosgalego.blogspot.com/p/tramites.html

dende o 10 de xuño. A presentación será exclusivamente telemática, aínda que vos podedes pasar polo local no seu horario habitual para que vos axuden coa tramitación telemática.

 

Recordarvos que os socios pagarán un prezo inferior de comedor, actividades e campamentos e poderán asistir ás numerosas charlas gratuítas da Escola de Nais e Pais (con servizo de canguros gratuíto) e ás festas organizadas pola asociación.

VISITAMOS BONILLA ALIMENTACIÓN

 

Os días 12 e 13 deste mes de marzo, os alumnos e alumnas de primeiro visitamos en Arteixo a fábrica de patacas fritidas Bonilla a la vista.

Explicáronnos e vimos o proceso da pataca, dende que aínda está no saco. Como as lavan, as secan, as cortan, as friten, as salan, as meten en bolsas, despois en caixas de 24 bolsas, e as levan para o grande almacén.

Dende alí, as transportan ata distintos lugares do mundo... 

O máis lonxano.... Australia.

Despois, nos deron un estupendo agasallo: unha mochila de tea na que había unha bolsiña de deliciosas patacas e outra de "gusanitos".

E tamén nos quedamos coa bata que nos puxemos cando entramos, xa que ao ser unha fábrica agroalimentaria, é obligatorio poñela.

Encantounos esta visita!

Quedáronnos ganas de voltar!

 

Luisa - Titora 1ºA

Distribuir contido