Campionato de XADREZ 2017

O pasado venres, día 7 de abril, o equipo de xadrez do noso centro gañou, por segundo ano consecutivo, o Campionato de Xadrez Escolar que nesta edición se celebrou no Colexio Pais Escolapios de Monforte de Lemos.

Nel participaron un total sete colexios: CEIP A Gándara, CEIP Monforte de Lemos, Colexio PP Escolapios e Colexio Ferroviario (todos de Monforte de Lemos), CEIP Xosé Luís Taboada (A Barrela), CEIP Xoán de Requeixo e, o noso centro, CEIP Eloísa Rivadulla.

O noso equipo estaba formado, seguindo un criterio de idade, por alumnos de 4º, 5º e 6º curso de Educación Primaria: Antón (4º curso), Iago, Brais, Xabier, Alex, André, Martín (5º curso), Jonathan, Alex, Miguel López, Isaac e Eloi (6º curso).

Os alumnos foron proclamados merecidos vencedores grazas ao traballo en equipo, despois de pelexar cada un dos puntos de forma incansable ata acadar 23 dos 30 posibles.

Noraboa a todos!

Para ver a presentación de videos e fotografías fai "clic" na imaxe. Debaixo hai un enlace para poder ver as fotos.

Álbum de fotos

Tags: A. C. E.

Día da árbore 2017

O venres, día 31 de marzo, celebramos no colexio o “Día da Árbore”. Este ano tivemos a sorte de poder contar con Anxo Moure para a celebración do mesmo e así, enlazando cunha actividade anterior de reciclaxe de papel (enmarcada dentro do proxecto anual Recíclate con Sogama), os nenos entregáronlle a Anxo os corazóns que elaboraron a partir de noticias negativas contidas nos xornais e escoitaron tamén o conto do “Carballo con botas”, de boca do seu autor.

Coa intención de homenaxear este clásico da literatura infantil e medioambiental, os alumnos trouxeron da súas casas calzado que xa non usaban e plantaron no seu interior árbores e diferentes plantas; xuntáronse más de 150

A continuación deixámosvos unha mostra do acontecido nese día e tamén o libro dixital que se elaborou a partir das ilustracións que realizaron os alumnos de todos os cursos do cole, desde 3 anos ata 6º de primaria.

Grazas de novo ás familias pola súa colaboración.

 

 

 

Tags: A. C. E.

Entroido 2017

 Estas imaxes corresponden á celebración do Entroido, o venres 24 de febreiro. En primeiro lugar, a media mañá, disfrutamos dun saboroso chocolate con biscoitos e logo subimos ás aulas a disfrazarnos, todo o colexio, dos distintos personaxes do Entroido Ribeirao. Os alumnos de Ed. Infantil, 1º, 2º e 3º de Primaria, vestíronse de volantes; os de 4º, 5º e 6º de Primaria representaron os oficios de voda, orquestra e escola de pais, respectivamente; e mestres e conserxe de maragatos. Primeiro houbo un desfile e despois os oficios.

Agracemos a colaboración da Asociación de amigos do Entroido Ribeirao de Santiago de Arriba e, en especial a Marisé, pola información e o entusiasmo transmitidos ó longo de dous días de charlas. Tamén disfrutamos da axuda desinteresada de moitas mais na elaboración das frores para os puchos.

Acceso ao álbum

Tags: D. da Lingua Galega

Reis Magos 2017

Acceso ao álbum

Tags: A. C. E.

VIAXE A OURENSE 3º DE E. PRIMARIA

  • Vimos a obra "Sandra e Meirol en Xistralia".
  • Visitamos o Claustro de San Francisco, un antiguo convento onde observamos os 63 arcos coas súas columnas e as súas diferentes figuras talladas. Xogamos a atopalas.
  • A terceira visita foi "A escolma da escultura" no museo arqueolóxico, onde descubrimos curiosidades dos nosos antepasados, presentados por unha guía que nos contou historias e lendas antigas.

A continuación podes ver a presentación das fotografías ou acceder ao álbum das mesmas:

Acceso ao álbum

Tags: Viaxes didácticas E.P.