Skip to Content

Expresión Musical

A GALIÑA ROXA

Lun, 06/19/2017 - 19:04 — Rocío

   Nos grupos de Viñagrandes estivemos traballando a ambientación sonora, recreando o ambiente sonoro de diferentes contos.

       Carmen, Lucía e Rodrigo sonorizaron "A galiña roxa", de Pilar Martínez.

CAPITÁN VERDEMÁN

Lun, 06/19/2017 - 18:03 — Rocío

       Xa está aquí a versión dos nenos de Viñamedios do conto de Ellie Bethel, "Capitán Verdemán, superhéroe del reciclaje", un conto que nos achega bos consellos para coidar o noso planeta.

CANTADEIRO

Dom, 06/18/2017 - 23:55 — Rocío

   Xa temos aquí os participantes no 1º concurso musical "Versiona a túa cantiga" e nos vindeiros días coñeceremos aos gañadores.

     Moita sorte a todos e parabéns polas voas actuacións!!!

 INTISSAR E TOMÁS- CATRO VELLOS MARIÑEIROS

JORGE, DANIEL E ANTÍA- A RIANXEIRA

JULIÁN, ANTÍA, ARANCHA E MARIO- CATRO VELLOS MARIÑEIROS

MARWA- A SAIA DE CAROLINA

CARMEN, LUCÍA, RODRIGO, MARÍA E IRIA- O GATO

AI, MARUXIÑA!

Mér, 04/19/2017 - 08:43 — Rocío

   Durante o segundo trimestre aprendemos a cantiga tradicional Ai, MAruxiña!, unha cantiga raina que se canta ás dúas beiras do río Miño.

       Escoitade que ben soa!

XA CHEGOU O DÍA DA PAZ

Xov, 03/30/2017 - 10:11 — Rocío

       Co gallo do día da Paz nos grupos de Viñagrandes estivemos cantando a canción "O día da Paz", recollida no libro TIC TAC TOC de Pablo Díaz. A partires desta canción o alumnado inventou novas estrofas nas que recollen os seus desexos para un mundo mellor.

PERCUSIÓNS CORPORAIS

Dom, 03/26/2017 - 14:05 — Rocío

      Nos grupos de Viñamedios estivemos a traballar percsións corporais e os nenos inventaron pequenas pezas en grupo. Aquí podedes ver as creacións de Viñamedios B.

RADESTKY, JOHANN STRAUSS

Mér, 03/22/2017 - 19:22 — Rocío

       Os nenos de Viñagrandes presentan un acompañamento rítmico- corporal para a marcha Radestky, do compositor austríaco Johann Strauss. Trátase dunha peza que vos resultará, sen dúbida, moi coñecida. Podémola escoitar habitualmente en retransmisións televisivas do Concerto de Aninovo de Viena, xa que é costume que este concerto remate coa interpretación desta marcha Radestky. 

CONCERTO DE ANINOVO 2017

FILARMÓNICA DE VIENA

 

MÚSICOS NA CLASE

Lun, 01/30/2017 - 18:10 — Rocío

      A semana pasada tivemos outra clase especial con música en vivo e en directo. Carmen, de Viñamedios A, tróuxonos o seu clarinete, así que tivemos a oportunidade de escoitar este instrumento de vento madeira en primicia. Ademais de tocalo, tamén nos ensinou a lingüeta, como se monta e desmonta ou como se limpa.

       Moitas grazas, Carmen!

 

MÚSICOS NA CLASE

Ven, 12/30/2016 - 21:51 — Rocío

       Esta semana tivemos unhas clases de Viñagrandes moi especiais, xa que María e Carmen nos agasallaron cunha sesión de música en directo.

      Carmen ensinounos a frauta traveseira, tocounos varias pezas e falounos sobre este instrumento da familia de vento madeira. Ao final incluso tocamos unha unha peza todos xuntos, ela coa frauta traveseira e nós coas frautas doces.

 
       María ensinounos a guitarra e tamén nos tocou varias cancións, entre elas "My heart will go on" da banda sonora de Titanic e unha versión rock de "Jingle Bell", moi axeitada para estas datas e que nos animamos a acompañar contando.

       Todo un gustazo escoitarvos. Parabéns!!!

CATRO VELLOS MARIÑEIROS

Xov, 12/08/2016 - 13:32 — biblio

      Durante este trimestre traballamos en todas as aulas a cantiga popular "CATRO VELLOS MARIÑEIROS", quizais unha das cantigas máis versionadas e gravadas da música galega. 

    Ademais, tamén fixemos partícipes a profesorado e familias, xa que o alumnado de Viñamedios e Viñagrandes achegounos vídeos con diferentes gravacións da cantiga, colaborando así na necesaria labor de transmisión e coñecemento da cultura popular.

    Grazas por participar e parabéns a todos polas vosas interpretacións!

Distribuir contido


by Dr. Radut