Skip to Content

Viñapeques

INFORMACIÓN SOBRE MODIFICACIÓNS NO TRABALLO TELEMÁTICO

Bo día!

Esperamos que todos e todas esteades ben de saúde e de ánimo nestes momentos tan difíciles coma estraños.

Queremos informarvos que,a partir de hoxe, o traballo do alumnado levarase a cabo a través da Aula Virtual do centro.

Aqui tendes a información:

https://www.edu.xunta.gal/centros/ceipdevinhagrande/?q=node/998

 Tamén elaborouse un horario para secuenciar o traballo e poder facilitar a organización ás familias para a realización de tarefas, evitando que a información chegue toda nun único día (ver documento adxunto).

Desde as titorías seguiremos plantexando, na medida do posible, propostas que respecten a necesaria globalidade das aprendizaxes e contidos, tendo unha temática como fío condutor. Haberá traballos específicos e outros máis abertos e globalizados, polo de gora, de repaso.

Queremos que a nosa función sexa, sobre todo, de acompañamento educativo e emocional, o asesoramento didáctico, o seguimento de actividades, a resolución de dúbidas e a colaboración e axuda constantes.

Para calquera dúbida, podedes contactar con nós. Desexamos poder aportar para que estes momentos sexan máis doados e levadeiros.

Un saúdo,

Javi e Marta

 

ORIENTACIÓNS EDUCATIVAS COVID-19

Estimadas familias.

Tal e como recomenda a Consellería de Educación e mentres non teñamos claro como se vai desenvolver o curso a partires de Semana Santa, cremos que a atención educativa nestes momentos se debería afondar no traballo centrado nas competencias clave. Un xeito de aprender moito máis enriquecedor e axustado aos requerimentos sociais actuais.

Cremos, ademais, que é a única proposta viable nestes momentos xa que respecta unha serie de principios que deberan estar presentes na educación presencial e tamén na educación a distancia.

Queremos manter a mesma liña de traballo que se viña mantendo ata o dagora e, por iso, compartimos con todos/as vós unha serie de orientacións que vos axudarán a comprender a nosa liña de actuación (en consonancia co propio proxecto do centro).

Se estades interesados podedes ler o seguinte documento chuzando na seguinte imaxe:

 

Desexamos que pronto remate esta situación excepcional e a escola regrese ao estado presencia. A educación é presencia!

Saúdos e saúde.

 

Javi e Marta

TAREFAS PARA 2º DE E. PRIMARIA

Bo día, adxunto un documento explicativo de tarefas para o alumnado de 2º de primaria.

Tamén engado documentos adxuntos concretando algunhas actividades. Estes días seguirei colgando actividades que faltan.

Un saúdo

Marta Pedreira

Titora de 2º

PROPOSTA DE ACTIVIDADES A DESENVOLVER DURANTE ESTES 14 DÍAS

Xustificación:

Dende a administración educativa propuxeron un conxunto de medidas para os 14 vindeiros días lectivos. Entre elas está a seguinte:

“O profesorado programará nas páxinas web dos centros ou por outros medios telemáticos, accesibles ao seu alumnado, actividades xenéricas relacionadas cos contidos curriculares para que o seu alumnado as poida realizar no seu domicilio, e fará o seu seguimento, pero non terán carácter de avaliables”.

No marco deste medida e atendendo ao carácter de xenérico das actividades que debo propoñer, considero necesario cumprir coa esixencia integrando no seguinte documento que se xunta unhas propostas que poden respectar as condicións establecidas pola Consellería de Educación.

 

Espero que pronto esta crise pase e que todos poidamos voltar á normalidade. 

 

PROXECTO PLANTAS E FUNGOS

Estimadas familias.


O primeiro proxecto que desenvolveremos estará relacionado co mundo das PLANTAS E FUNGOS.


Ademais de ser un contido curricular motivante para o alumnado consideramos que é este un tema co que se pode abordar o gusto por aprender e onde se fomente a creatividade, os procesos de experimentación e investigación, o coñecemento da contorna máis próxima, a elaboración de tarefas gratificantes para o alumnado e, como non, o coñecemento da importancia das plantas e dos fungos para a conservación e mellora do medio ambiente (cos numerosos beneficios que nos aportan).
Aproveitamos esta primeira transmisión de información para solicitarvos axuda e que os vosos recursos poidan chegar ás nosas aulas e así enriquecernos mutuamente (os vosos fillos e fillas o agradecerán).
Podedes aportar calquera tipo de material ou coñecemento que estea relacionado coas plantas e cos fungos: libros, monográficos, recollida de información, fotografías, cancións, produtos artísticos, plantas para
coidalas e estudalas.

Para máis información, chuzar na imaxe.

A TELE DAS CIENCIAS NATURAIS NOS VINHAPEQUES

ÚLTIMOS VIDEOS DOS VINHAPEQUES DO COLE

OS EXPERIMENTOS

OS SENTIDOS

OS AMIGOS DO DEZ

Traballos feitos polo alumnado de 1º e 2º para traballar os amigos do dez.

 

 

 

 

 

 

CAMPAÑA PUBLICITARIA TELEVISIVA DOS PARTIDOS POLÍTICOS

Sen parar de traballar, os partidos políticos escolares queren publicitar as principais características dos seus programas electorais. Esta vez tiveron a iniciativa de elaborar uns vídeos de presentación para emitir en TELEVIÑAGRANDE e intentar gañarse os votos dos electores.
 
 
 
 
 

VISITA AO SALÓN DO LIBRO

PROXECTO "PLANETA DEIRO"

A continuación queremos amosarvos os nosos traballos do proxecto "Planeta Deiro". Xeolocalizadores, realidade aumentada, códigos QR, vídeos, postcast, debuxos, textos,...
O alumnado estivo traballando ao longo deste trimestre diferentes contidos e agora podedes ver o produto final!!!
 
Distribuir contido


by Dr. Radut